ДПИ и Царинската управа ќе ја проверуваат документацијата на сите трговци на големо со нафта и нафтени деривати - Канал 5

Економија

ДПИ и Царинската управа ќе ја проверуваат документацијата на сите трговци на големо со нафта и нафтени деривати

Државниот пазарен инспекторат и Царинската управа во следните неколку дена детално ќе ја проверуваат целата документација на сите трговци на големо со нафта и нафтени деривати.

ДПИ и Царинската управа ќе ја проверуваат документацијата на сите трговци на големо со нафта и нафтени деривати

Државниот пазарен инспекторат и Царинската управа во следните неколку дена детално ќе ја проверуваат целата документација на сите трговци на големо со нафта и нафтени деривати за да се утврди дали се точни информациите за можни злоупотреби на попустот кој рафинеријата ОКТА им го дава на македонските компании. Инспекторите треба да проверат дали одредени трговци вршеле реекспорт на нафтените деривати во соседството откако во земјава ги набавиле дериватите по повластени цени.

Директорот на пазарен Влатко Стојкоски за Канал 5 вели, контролите ги прават заедно со Царина, нивните екипи се веќе на терен и се анализира целокупната документација, преку проверка на секоја влезна и излезна фактура за да се утврди точно од каде се набавени нафтените деривати и каде завршувале.

„Во следните денови ДПИ заедно со Царина детално ќе ја проверува целата документација кај сите трговци на големо со нафта и нафетени деривати, по индицииите дека се можни злоупотреби на попустот на ОКТА. Следната недела очекуваме да имаме првични информации.“ - велат од ДПИ..

Контролите доаѓаат по вчерашната изјава на премиерот Христијан Мицкоски кој рече дека имаат индиции за можни злоупотреби и се вршат проверки за да се утврди дали е тоа точно или не, потенцирајќи дека доколку е тоа точно не гледа причина зошто се прави бидјеќи Македонија и сега вели дозволува слободно граѓани од сосоедство да точат гориво на нашите бензиниски пумпи без ограничувања.

Инаку попустот кој ОКТА им го дава на комапниите изнесува 3 денари по литар за дизел горивото и 2 денари за бензините, и истиот, како што рече Мицкоски ќе трае до 18 мај.

„После напорни и тешки преговори со ОКТА успеавме да го продолжиме оној попуст кој што претходно беше договорен до 18 мај а тоа е дополнителни 2 денари за бензините и 3 денари за литар дизел...и тоа ќе трае до 18 мај а после оа се надевме дека ќе заврши кризата...“ - Христијан Мицкоски – претседател на Влада (01.05.2026) .

Во меѓувреме последниве два дена цената на нафтата на светските берзи е околу 113 долари по барел, откако во четвртокот го достигна највисокото ниво во последнива 4 години од 126 долари.

Како високите цени на светските берзи ќе се одразат кај нас ќе се знае в понедленик кога Регулаторната комисија за енергетика треба да донесе нови цени на горивата...Според владините најави, како мерки и во следните две недели во земјава остануваат намаленото ДДВ на 10 % за бенизните, како и намалените акзици за дизелот од 4 и бенизните 2 денари...

YouTube video

Тагови: нафта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 16 загинати во земјотресот од 7 степени во Кина (ВИДЕО)

Најмалку 16 лица загинаа, а 32 се повредени во земјотрес со магнитуда од 7 степени што го погоди Тибет, Кина, во четврток вечерта. 

Најмалку 16 загинати во земјотресот од 7 степени во Кина (ВИДЕО)

11 од повредените се во сериозна состојба. Најмалку 339 куќи се урнаа.

Земјотресот го погоди округот Бакинг, градот Нагку во северен Тибет, во 22:33 часот по локално време. Кинескиот центар за земјотресни мрежи процени дека епицентарот бил длабок 10 километри, додека Американскиот геолошки завод (USGS) ја процени длабочината на 18 километри.

Спасувачките екипи продолжија да пребаруваат и да им помагаат на жителите. Полицијата и пожарникарите поставија шатори за луѓето раселени од земјотресот.

Кинеската државна телевизија CCTV објави дека тоа е најсилниот земјотрес што го погодил регионот во последните пет години.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масовни протести поради строгите закони за абортус низ 20 градови во Полска

Жените во повеќе од 20 полски градови протестираа поради недостатокот на пристап до бесплатни и легални абортуси. 

Масовни протести поради строгите закони за абортус низ 20 градови во Полска

Демонстрантите ја обвинија либералната влада на премиерот Доналд Туск дека не го исполнила своето ветување за ублажување на строгите закони.

Во Варшава, стотици жени протестираа пред парламентот и покрај обилните дождови. Митинзите се одржаа и покрај тоа што парламентот во вторник одобри два закона што имаат за цел да ги ублажат правилата за абортус. Се очекува конзервативниот претседател на парламентот Карол Навроцки да стави вето на нив, според АП. Зофија Марчинек од „Тимот за соништа за абортус“, група за репродуктивни права со седиште во Варшава, рече дека усвојувањето на законот една година пред следните парламентарни избори е „симболичен гест“, а не вистинска намера за реформа на законот.

Либералната влада, рече таа, била свесна дека законите немаат шанси да го преживеат ветото на Навроцки, па затоа се обидела да создаде впечаток дека презема акција. Марчинек верува дека ѝ се потребни гласовите на жените за да победи на изборите следната година. Легалниот абортус во католичка Полска е дозволен од 1993 година само во случаи на тешки абнормалности на фетусот, ризик за животот и здравјето на мајката или кога бременоста е резултат на силување или инцест.

Полските жени оттогаш се залагаат за легализација на абортусот, вклучително и преку национален бран протести познат како „Црн протест“, кој започна во 2016 година, кога учесничките носеа црно.

Законите беа дополнително заострени во 2020 година, под власта на национално-конзервативната партија Право и правда (ПиС), кога абортусите беа забранети во случаи на вродени дефекти на фетусот. Абортусот останува табу тема во Полска, а земјата има еден од најрестриктивните закони во Европа. Построги прописи постојат само во Малта.

Проевропската коалиција на Доналд Туск ги доби изборите во 2023 година делумно врз основа на ветување за либерализација на законите за абортус. Туск во 2024 година рече дека неговата влада нема да може да го поништи ветото на конзервативниот претседател.

Наместо да се промени законот, беа воведени мерки за да се спречат болниците да одбиваат да вршат легални абортуси од религиозни причини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција им ги забранува социјалните мрежи на помладите од 15 години

Грчкиот парламент донесе закон со кој им се забранува на децата под 15 години да користат социјални мрежи. 

Грција им ги забранува социјалните мрежи на помладите од 15 години

Законот, кој стапува на сила на 1 јануари 2027 година, беше донесен поради растечката загриженост за влијанието на овие платформи врз здравјето и безбедноста на малолетниците, објави Ројтерс.

Премиерот Киријакос Мицотакис изјави дека платформите имаат рок од два и пол месеци да развијат систем за проверка на возраста на корисниците и да обезбедат заштита на нивната приватност. Грција е една од седумте земји-членки на Европската унија кои соработуваат со Европската комисија за решение за проверка на возраста на корисниците.

Слични мерки веќе се забележани во светот. Минатата година, Австралија стана првата земја што законски го ограничи пристапот до социјалните медиуми за малолетници. Во Франција, пак, Уставниот суд го поништи таков закон во август.

Помагање на родителите во борбата против зависноста

Владата нагласува дека со овој потег сака да им помогне на родителите во потиснувањето на таканареченото бесконечно скролување. Тие наведуваат дека овој феномен ги лишува децата од сон, ја нарушува концентрацијата и го одзема времето од поминувањето време со пријателите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер