Доживотна казна затвор за Фадил Зејнелов за убиството на Емилија Пешева

Доживотна казна затвор денеска му изрече Основниот суд во Штип на Фадил Зејнелов за убиството на 29-годишната Емилија Пешева.

Доживотна казна затвор за Фадил Зејнелов за убиството на Емилија Пешева

Зејнелов на претходното рочиште пред два дена призна вина за убиството на неговата вонбрачна партнерка Пешева, кое го извршил на 1 ноември минатата година, а самиот изјави дека мотивот бил неверство.

Обвинителот и адвокатите на семејството Пешеви побараа доживотна казна затвор за сторителот, бидејќи, како што рекоа, убиството го извршил при семејно насилство, односно фемицид.

Според истрагата на Основното јавно обвинителство, за убиството на штипјанката Пешева се обезбедени докази според кои обвинетиот на 1 ноември 2024 година, при вршење семејно насилство, со умисла ја лишил од живот својата вонбрачна партнерка.

Откако се договориле и се сретнале пред нејзиниот дом, заедно отишле во напуштен објект на Јавното претпријатие „Исар“ за да разговараат за проблемите во нивната повеќегодишна врска. Разговорот преминал во расправија, по што обвинетиот физички ја нападнал жртвата и започнал да ја удира со тупаници. Кога таа паднала на подот, тој почнал силно да ја стега во пределот на вратот, по што жената починала. Кога се уверил дека не дава знаци на живот, тој го напуштил местото и сам се пријавил во Полициска станица-Штип.

Жртвата претходно пријавувала насилство, но постапката против Зејнелов кој го изврши убиството има запрено на 2 септември 2024 година, за што тогаш потврдија и од Центарот за социјални работи во Штип.

Невладините организации за женски права подолг временски период бараат законски измени со цел кривичното гонење против насилнокот да оди по службена должност.

7- годишно дете се бори за живот, откако крокодил му ја прегризал раката кога си играл во езеро

Седумгодишно момче се бори за живот откако крокодил го нападнал и му ја одгризал раката додека си играл во плиткото езеро додека ловел риба.

7- годишно дете се бори за живот, откако крокодил му ја прегризал раката кога си играл во езеро

Инцидентот се случил на браната Рудекоппиес, лоцирана во близина на градот Бритс во северозападната провинција на Јужна Африка, во петокот на 21 март, објави Дејлимаил.

Младиот Јохандре Блом наводно си играл во езеро со својот пријател Дилан, на само неколку метри од неговите родители кои ловеле риба, кога бил нападнат од голем крокодил.

Таткото на жртвата, Корни, бил на околу 25 метри од караванот во кој седел со таткото на Дилан, Јани Бекер. Зборувајќи за локалните медиуми, Бекер го опишал моментот кога го слушнал врисокот на Дилан: „Видов како го фати за раката Јохандре, но потоа имаше силен врисок“.

Дилан врескаше: "Има крокодил!" а татковците веднаш потрчале кон водата. Тие се упатиле кон Јохандре и успеале да го ослободат од моќните вилици на крокодилот, но левата рака веќе му била откината.

Веднаш ставиле крпи на раната и брзо со автомобил го однеле Јохандре во болница, каде лекарите успеале да го стабилизираат. Потоа со хеликоптер бил префрлен во болницата Албертон, каде што бил ставен во индуцирана кома и моментално е во стабилна состојба.

Семејството Блом лансираше фондација на единствена платформа за да собере средства за лекување и рехабилитација на Јохандре.

По нападот, некои спасувачи се обиделе да ја најдат раката на малото момче, но безуспешно. Крокодилот кој го нападнал момчето подоцна бил виден во тревата недалеку од местото на нападот. Засега не е јасно дали крокодилот е неутрализиран.

Јужноафриканските медиуми објавија дека јавноста била шокирана од инцидентот, а многумина го критикувале семејството за нивната непретпазливост во живеалиштето на таков опасен предатор.

„Жал ми е за ова, и тоа е трагична несреќа, но крокодил го прави она што природно би го направил насекаде. Сите знаат дека таму има крокодили. Има предупредувачки знаци поставени низ целата област“.

Скандал во училиште во Виена: Учеле деца да разликуваат сексуална ориентација, родителите бесни

Минатата недела во едно училиште во Виена се одржа училишна работилница на тема сексуалност.

Скандал во училиште во Виена: Учеле деца да разликуваат сексуална ориентација, родителите бесни

Родителите не биле однапред информирани за ова, а децата на возраст од 12 до 14 години морале да ја погодат сексуалната ориентација на двајца возрасни предавачи. Резултатот - една излегува „пансексуална“ и една бисексуална жена. За работите да бидат уште побизарни, контроверзниот курс бил финансиран со пари на даночните обврзници.

Како што пишува Heute, работилниците „queerfacts“ се дел од едукативниот проект кој се занимава со спречување на екстремизмот и сексизмот - финансиран од Федералното Министерство за социјални работи, здравство и заштита на потрошувачите. Користејќи метод кој може да се нарече необичен, учениците се обидоа да ја погодат сексуалната ориентација на нивните соговорници како дел од тестот. На својата официјална веб-страница „queerfacts“ наведува дека надоместокот за една работилница е 390 евра по час – што најверојатно се плаќа од државниот буџет.

Резултатот не ѝ се допаднал на една мајка, чие дете го посетува тоа училиште. Мајката преку училишна апликација била информирана за два дена посветени на културата и меѓусебното почитување, кои се одржале на 12 и 13 март. Сепак, наставниците и училишната управа не ја спомнале работилницата за сексуалност.

„Ќерка ми дојде дома вознемирена и ми кажа за пансексуалец од нејзиниот клас“, рекла мајката.

По работилницата, таа мораше да почне разговор за сексуалноста со своето дете. Особено поради возраста и потеклото на нејзините школски другари, ситуацијата станала непријатна.

„Мојата ќерка веќе е речиси единствената Австријка во класот, а сега децата, без претходна најава или согласност од родителите, мораа да зборуваат за пансексуалноста. Начинот на кој се водеше работилницата секако не беше во духот на она што беше првично замислено“, изјавила мајката.

ФПО бара оставки

На политички план оваа работилница за пансексуалност предизвика бурни реакции. Лидерот на виенскиот огранок на ФПО, градскиот советник Доминик Кнап, бара итна оставка од градскиот секретар за образование, млади, интеграција и транспарентност, Бетина Емерлинг (НЕОС) и директорката за образование на градот Виена, Елизабет Фукс.

„Најостро го осудуваме предвременото сексуално образование на децата во училиштата. Сексуалноста не е игра на погодување за учениците“, рече Кнап.

Тој, исто така, смета дека е неприфатливо родителите да не се информирани за „ваквите методи на учење“, кои тој ги нарекува „трансродова пропаганда“.

Алкалоид со победа го заврши регуларниот дел на Суперлигата

Ракометниот клуб Алкалоид со победа од 29:26 над ГРК Охрид го заврши регуларниот дел на Суперлигата и во плејофот пренесува два бода!

Алкалоид со победа го заврши регуларниот дел на Суперлигата

Најдобар стрелец во екипата беше Мартин Серафимов со осум гола, пред Мартин Ивановски со шест гола.

Следен натпревар за тимот е во Европскиот Куп на ЕХФ на 30 март, каде игра дуел за место во полуфиналето против романска РК Баја Маре.

Натпреварот почнува од 19:00 часот.

притисни ентер