Оваа судска пресуда ја прави Летби најголем убиец на бебиња во модерната британска историја.

Луси Летби (33) е осудена за убиство на пет момчиња и две девојчиња и обид за убиство на уште шест бебиња во болницата „Кунтес оф Честер“ додека работела на ноќни смени во 2015 и 2016 година. Додека судијата ја објаснуваше пресудата, дел од родителите и луѓето во судницата плачеа. Летби не дојде до изрекувањето на пресудата.

„Суровоста и пресметаноста на вашите постапки беа навистина ужасни“, рече судијата при изрекувањето на пресудата. „Бевте фасцинирани од бебињата и нивните семејства, ги баравте на социјалните мрежи, најдовте парче хартија со натписи: „Светот е подобар без мене“ и „Јас сум злобна, го направив тоа“.

Животот на новородените бебиња заврши речиси веднаш штом почна. Родителите останаа без децата... Причините за вашите постапки ви се познати само вам. Знаевте дека колегите имаат безгранична доверба во вас. Тие не мислеа дека професионалците можат да им наштетат на бебињата. Тоа беше последното нешто што им падна на ум кога сфатија дека нешто се случува.

Меѓутоа, на лекарите им се случило незамисливото. Дека некој навистина им наштетил на бебињата и така ве откриле“, рекол судијата иако Летби не била во судницата.

При изрекувањето на пресудата, судијата се повика на случаите на убиство и обид за убиство на новороденчиња. Бебето А починало како последица на вбризгување на воздух. „Како медицинска сестра знаевте за опасните последици од вбризгување воздух во венскиот систем. Четири дена по колапсот на бебето Б, и бебето Ц колабирало и починало“, рекол судијата.

"Таа имаше инфекција на белите дробови и примаше антибиотици. Вие ѝ вбризгавте прекумерна количина воздух во нејзината назогастрична цевка. Пред да почине бебето Ц, на крајно бесчувствителен начин разговаравте со родителите за да се збогуваат со детето", додаде тој.

Судијата потоа се повика на бебето Д, кое починало во интензивна нега. „Сигурно бевте свесни дека Бебето Д се лекува од инфекција. Решивте да ја убиете и вбризгнавте воздух во нејзиниот венски систем.

„Бебето Е почина од емболија на 3-ти август. Мајката виде дека детето крвари и вие се обидевте да го смирите. Следната вечер му ставивте инсулин во храната на неговиот брат близнак. За среќа, Бебето Ф се опорави, но има сериозни когнитивни потешкотии. „Кога се уверивте дека никој не се сомнева во додавање на инсулин, осум месеци подоцна на ист начин нападнавте уште едно бебе“, рече судијата.

Судијата потоа рече дека Летби се обидела да го убие бебето Г во септември 2015 година. „Таа едвај преживеала. Ѝ инјектиравте млеко преку назогастрична цевка, а потоа ја нахранивте, предизвикувајќи да повраќа и да престане да дише. Бебето Г претрпе длабока повреда на мозокот од која нема да закрепне.Потребна ѝ е постојана поддршка и внимание“, додаде тој.

„Нешто повеќе од еден месец подоцна го убивте бебето И. “ рече судијата.

„Му вбризгувавте на бебето Л инсулин во храната , а на бебето М воздух. .

„Во однос на бебињата О и П, двајца браќа и дел од тројките родени во јуни 2016 година, тогаш се вративте од одмор и бевте назначени за нивна медицинска сестра. “, рече судијата.

„Следниот ден го убивте неговиот постар брат, бебето П, со вбризгување воздух во неговиот стомак, предизвикувајќи му пукнување на дијафрагмата. Третото бебе е префрлено во друга болница, заради безбедност“, додаде тој, објави Би-Би-Си.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.