Доживотен паричен надомест ќе добива ранетата наставничка од училиштето во Белград

Владата на Република Србија на денешната седница ја донесе Одлуката за посебно јавно признание за наставничката по историја во ОУ „Владислав Рибникар“ од Белград Татјана Стевановиќ.

Владата на Република Србија на денешната седница ја донесе Одлуката за посебно јавно признание за наставничката по историја во ОУ „Владислав Рибникар“ од Белград Татјана Стевановиќ, како израз на поддршка и почит за нејзината лична храброст кога таа била повредена во масовното пукање на 3 мај 2023 година, објави српски Телеграф.

Иницијативата за доделување вакво признание на наставничката Татјана Стевановиќ ја покрена група наставници и ученици од ОУ „Владислав Рибникар“, за што беа собрани повеќе од 13.000 потписи на граѓани за исклучителниот и единствен случај на доделување на јавно признание во форма на доживотен месечен надомест, и дека предложената мерка достигна размери кои имаат општо значење, Владата на Србија одлучила да ја прифати оваа иницијатива, која доаѓа од образовниот систем и е широко поддржана меѓу граѓаните.

Од Владата објавија дека масовното пукање во основното училиште „Владислав Рибникар“ е случај кој продолжува да ја тресе јавноста, дека бара реакција од државата во повеќе правци, дека прифаќањето на поднесената иницијатива е начин за олеснување на материјалната состојба на ранетата наставничка, откако беше тешко ранета и со последици кои ќе ги трпи до крајот на животот, но и можност преку оваа мерка да се покаже солидарност и емпатија.

Идејата дека ранетата наставничка по историја треба да добие некаков паричен надоместок, како додаток на месечните примања, кои би биле постојани, до крајот на животот, кој не е пренослив, но е редовен и кој би се исплаќал секој месец, а е во согласност со растот на трошоците, беше поддржан од Сојузот на независни синдикати на Белград.

СДСМ: Ново убиство, началниците и техничкиот министер на ДПМНЕ во МВР немаат капацитет

Техничкиот министер на ДПМНЕ, Тошковски и неговите началници немаат капацитет.

Пред само неколку дена во еден ден во Скопје се случи убиство, а потоа беше запален и кафе бар.

Се уште нема разрешница за овие настани.

Ново убиство е случи и во Прилеп, каде свирепо беше убиено малолетно момче.

Што прават неспособните кадри на ДПМНЕ во МВР?

Безбедноста на граѓаните се загрозува поради нивната некадарност, се наведува во партиското соопштение.

Над 100 лица се уапсени после погребот на Навални

Илјадници Руси го скандираа името на Алексеј Навални додека лидерот на опозицијата беше погребан вчера во Москва и им порачаа на властите дека нема да им простат за неговата смрт.

Мајката на Алексеј, Људмила и таткото Анатолиј се наведнаа над отворениот ковчег и го бакнаа за последен пат, придружувани од звуците на мала група музичари. Илјадници луѓе дојдоа на погребот.

Јулија Навална, вдовицата на лидерот на опозицијата, му оддаде почит на својот сопруг преку X, заблагодарувајќи му се за „26 години апсолутна среќа“. "Не знам како да живеам без тебе, но ќе дадам сѐ од себе за да те направам среќен и горд на мене таму горе. Не знам дали ќе успеам, но ќе се обидам", напишала Навална, која е надвор од Русија.

Насобраните држеа цвеќе во рацете, а некои скандираа: „Русија ќе биде слободна“, „Не за војната“, „Русија без Путин“, „Нема да простиме“ и „Путин е убиец!“ Не долго откако ковчегот со телото на Навални беше ставен во земја, во Москва започнаа првите апсења. На удар на полицијата се најдоа луѓето кои скандираа против Путин и војната во Украина.

Најмалку 115 лица се приведени ширум Русија поради оддавање почит на Навални, објави ОВД-Инфо. Најголемиот број, 16 од нив, се приведени во градот Новосибирск.

Најмалку 10 лица се приведени во Москва, според ОВД-Инфо. Уште 10 лица се уапсени во Екатеринбург, додека 14 се приведени во регионот Воронеж.

Луѓе биле приведени и во Челјабинск, Омск, Владикавказ, Сочи, Санкт Петербург, Нижни Новгород, Казан и Улан-Уде.

Активисти ја прекинаа модната ревија на Викторија Бекам во Париз (ВИДЕО)

Ревијата на Викторија Бекам на модната недела во Париз беше прекината од активисти за правата на животните, кои им се придружија на нејзините модели на модната писта.

Групата Луѓе за етичко постапување со животните (Пета) соопшти дека тоа е протест против употребата на животинска кожа во модната индустрија воопшто, објави Би-Би-Си.

Демонстрантите носеа маици на кои пишуваше „Животните не се ткаенина“ и мавтаа со натписи „Вива веганска кожа“.

Викторија се појави со патерици на финалето на шоуто бидејќи има повреда на стапалото.

Таа носеше црна заштитна чизмичка на левата нога за да одговара на нејзината целосно црна облека. И покрај нејзината недоволна мобилност, таа прошета покрај модните фанови и критичарите во првиот ред, меѓу кои беше и поранешниот бразилски репрезентативец Роналдо, некогашен соиграч на сопругот на Викторија, Дејвид.

Таа накратко застана за да бакне некого во толпата и рече кусо „благодарам“.

„Викторија Бекам ја поздрави толпата со патерици поради повреда на стапалото што ја доби во теретана“, изјави нејзиниот сопруг Дејвид.

Иако модниот бренд на Бекам не користи крзно или егзотични кожи, Пета истакнува дека некои дизајни користат кожа.

Европската претседателка на Пета, Мими Бекечи, рече: „Ниту една облека или додаток не вреди насилно да се коле и дере чувствително и интелигентно животно.

„Ја повикуваме Викторија Бекам наместо тоа да се сврти кон етичките и еколошки иновации достапни денес, како што се врвната кожа направена од јаболка, грозје, ананас, печурки и друго.

Активистите од добротворната организација за правата на животните „Пета“ се познати по нивните протести и редовно демонстрираат на светските модни настани - вклучително и во Њујорк, Лондон и Милано.

притисни ентер