Македонија

Дождот малку помогна за реколтата тутун, уште се бере, а квалитетот е висок

Последните дождови за 5 до 10 проценти ќе го зголемат годинашново производство на тутун, но не може да се надомести намаленото количество поради сушата.

Тутунарите интензивно го берат врвниот род кој е најквалитетен. Сите надежи се во високиот квалитет кој треба да даде повисока цена.

-Дождот колку-толку ја подобри состојбата. А оние кои наводнуваа подобро ќе поминат.Квалитетот е добар, па ќе видиме како ќе помине при откупот, вели прилепскиот тутунопроизводител Илија Јаковлески. Смета дека сѐ уште е исплатливо производството.

Кире Ристески, претседател на Сојузот на земјоделски здружернија истакнува дека со последните дождови најмногу може да се достигне реколта до 21 000 тони, иако со склучувањето на договорите со откупувачите се очекуваа околу 27 000 тони тутун. Но квалитет е на високо ниво штоодамна не се случило.

-Дождовите беа задоцнети и минимално ќе ја подобрат состојбата со годинашнава реколта тутун. Сушата го намали родот за 30 проценти, сега состојбата малку е подобрена, за 5 до 10 проценти и рекоктата може да достигне до 21 000 тони. Сета надеж е временските услови да им овозможат на тутунарите да го доберат тутунот, има уште 20-тина дена берба,а и во високиот квалитет што одамна не се случило, вели Ристески.

За стимулирање на тутунопроизводството ќе помогнат последните законски измени со кои се забрани увоз на тутун додека трае откупната кампања.

-Откупот почнува на 15 ноември и е до 28 февруари. Во тој период забранет е увоз на тутун што е големо достигнување за развој на оваа земјоделско-индустриска гранка. Сега само времето да помогне да се дособере родот од нивите, вели Кире Ристески, претседател на Сојузот на земјоделските здруженија.

Тагови: тутун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Успешно заврши тендерската постапка за набавка на 100 нови еколошки автобуси за Скопје

Успешно завршила тендерската постапка и јавното наддавање за набавка на 100 нови еколошки автобуси за градот Скопје!

Со огромно задоволство ве информирам дека штотуку остварив телефонски разговор со министерот за транспорт, Александар Николоски, кој ме извести дека успешно завршила тендерската постапка и јавното наддавање за набавка на 100 нови еколошки автобуси за градот Скопје!

Сакам да упатам искрена и огромна благодарност до претседателот на Владата, Христијан Мицкоски, како и до министерот Александар Николоски за силната и како никогаш досега запаметена поддршка што ја даваат на Скопје и на скопјани.

Ова е историски чекор кон сериозна обнова на возната флота на ЈСП „Скопје“ и почеток на нова ера во јавниот градски превоз - помодерен, почист, побезбеден и подостоинствен за скопјани.

Избрана е компанијата „Икарус“, во соработка со ЕВН Македонија.

Од денес започнува десетдневниот рок за жалби, по што следуваат потпишувањето на договорот и почетокот на процесот за испорака на автобусите во Скопје.

За само неколку месеци докажавме дека кога постојат волја, посветеност и вистинска поддршка - нема невозможни работи!

Кога се сака, сѐ се може!

Скопје го правиме заедно. По скопски!, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција го гради „Ахиловиот штит“- договор со Израелците вреден 3,5 милијарди евра

Грција одобри купување на повеќеслоен систем за воздушна одбрана од Израел во вредност до 3,5 милијарди евра.

Грција одобри купување на повеќеслоен систем за воздушна одбрана од Израел во вредност до 3,5 милијарди евра, како и купување на неколку видови беспилотни летала и воени транспортни авиони C-390 од бразилската компанија „Ембраер“, соопшти грчкиот министер за одбрана Никос Дендиас.

Советот за национална безбедност на Грција (KYSEA) даде првично одобрение за проектот претходно оваа година, а денес ги одобри договорите за набавка.

Грчките компании ќе произведуваат најмалку 25 проценти од компонентите на системот

Грција планира да воспостави повеќеслоен систем за одбрана од балистички ракети, воздушни закани и беспилотни летала наречен „Ахилов штит“, каде што јадрото на системот ќе бидат израелски радари и ракети од „Рафаел“ и „Израел аероспејс индустрис“ (IAI).

„Системот ќе биде готов и целосно оперативен во рок од 35 месеци од денес“, рече Дендиас, додавајќи дека грчките компании ќе произведуваат најмалку 25 проценти од компонентите на системот.

Грција моментално користи американски системи „Патриот“ и стари руски системи „С-300“ за заштита на својот воздушен простор, а до 2036 година планира да инвестира околу 28 милијарди евра во модернизација на своите вооружени сили.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски: Секој што се огрешил пред законот ќе одговара

Гостиварци би можеле да добијат вода за техничка употреба до крајот на неделава...

На таа тема во Гостивар попладнево прес-конференција одржа кризниот штаб каде информираа за актуелната состојба во градот...

Таму е Дејан Трајкоски, Дејан дали е почнато хиперхлорирањето и кога би можеле гостиварци да добијат чиста вода за користење, што велат анализите?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.