Донирана медицинска опрема за Универзитетска клиника „Св. Наум Охридски“

Медицинската опрема во вредност од 122 552 долари денеска беше донирана за ЈЗУ Универзитетска клиника по хируршки болести „Св. Наум Охридски“, од страна на Ротари клуб Скопје- Центар.

Медицинската опрема во вредност од 122 552 долари денеска беше донирана за ЈЗУ Универзитетска клиника по хируршки болести „Св. Наум Охридски“, од страна на Ротари клуб Скопје- Центар, преку програмата Hearts of Europe, финансиски поддржана од Rotary International и УСАИД.

Опремата се состои од дигитален мобилен рентген апарат за ЈЗУ Универзитетска клиника по хируршки болести, ултразвучен апарат за Клиника за кардиологија, бронхоскоп за КАРИЛ и за Клиниката за инфективни болести, и два дефибрилатора за Ургентен центар.

Ѓорѓе Војновиќ, претседател на Ротари клуб Скопје – Центар посочи дека оваа донација е во рамки на еден од поголемите проекти на Ротари кој траел две години.

-Она што е важно да се посочи е дека ја презедовме и обврската за обука на технички кадар за соодветно да ја користи опремата план и за одржување и мненаџмент со цел обезбедување оптиумална употреба. За нас тоа е исто така посебно важно затоа што опремата е донесена во Македонија но вистинската употреба цел и вредност ќе се видат во годините понатаму, појасни Војновиќ.

На предавањето на донацијата присуствуваше и министерот за здравство Беким Сали кој изрази благодарност и рече дека зајакнувањето на капацитетот на опрема во здравствениот систем е важен бидејќи на тој начин се подобруваат условите за третман на пациентите.

-За хируршката клиника „Св.Наум Охридски“ е обезбеден најсовремен дигитален рентген апарат, кој е мобилен и ќе биде од особено значење за најтешките пациенти кои се лекуваат на интензивната нега бидејќи веднаш на истиот оддел ќе бидат снимани на рентген доколку има потреба. Верувам дека зајакнувањето со оваа опрема ќе овозможи придобивки за голем број пациенти имајќи ја предвид природата на повредите на пациентите кои се третираат во во оваа установа, изјави министерот.

Изрази надеж дека поддршката која ја добива државата ќе продолжи и во иднина.

-Сакам уште еднаш да се заблагодарам на Амбасадата на САД, УСАИД и Ротари фондацијата, кои се наши партнери со несебична поддршка за унапредување на здравствениот систем, особено во услови на пандемија. Верувам дека оваа заедничка успешна соработка ќе ја продолжиме и во иднина, порача Сали.

Амбасадорката на САД во Република Македонија Анџела Агелер истакна дека со оваа донација се очекуца подобрување на здравствен капацитет на клиничкиот центар. Оцени дека пандемијата со Ковид – 19 помогнала во лоцирање на предизвиците, односно потребите на здравствениот систем во државава, особено во клиничкиот центар „Мајка Тереза“. Најави дека поддршката и вложувањето во здравствениот систем преку вакви проекти ќе продолжат и во иднина.

Дневен хороскоп за 5. март 2024 година

Дневен хороскоп за вторник, 5. март 2024 година. 

Риби 20.2.- 20.3.

Љубов

Мал чекор ве дели до помирување и поквалитетни односи , но потребно е само малку трпение.

Кариера

Веројатно ќе добиете добар договор за спонзорирање на еден проект за што се сомневавте.

Здравје и совет

Имајте малку повеќе верба.

Овен 21.3-20.4.

Љубов

Преодна несигурност би можела да биде поврзана со погрешно изразување или недоразбирање. Не навлегувајте во расправија.

Кариера

Вашите претпоставени денеска ќе бидат полни со елан и нови планови за развој на работата , а вие ќе имате помалку енергија. Издржете.

Здравје и совет

Одете чекор по чекор.

Бик 21.4- 20.5.

Љубов

Ако имате лични проблеми , прифатете еден неврзан повик на кафе , зашто така ќе си ја олесните душата.

Кариера

Можеби ќе ви предложат да одите на кусо деловно патување за да ја согледате состојбата и да донесете нови информации од терен.

Здравје и совет

Средете го ритамот на работата и одморот.

Близнаци 21.5.-21.6.

Љубов

За некои овој ден ќе биде за паметење , а особено вториот дел.Оние кои бараат сродна душа , секако треба да излезат.

Кариера

Ќе биде одлично , координирани и со вистинско чувство за секоја задача. За вас денеска нема препреки.

Здравје и совет

Уживајте во секој момент.

Рак 22.6-22.7.

Љубов

Ќе одработите уште некои работи од минатото , за да можете посмело да тргнете натаму. Нема да ви биде лесно , но ќе бидете доследни.

Кариера

Ќе ви обрнат внимание и ќе може да си го изразите своето мислење. Вашите идеи ќе бидат разгледувани , но за нив ќе нема мислење.

Здравје и совет

Премногу се грижите.

Лав 23.7-22.8.

Љубов

Денеска малку ќе ве измачуваат стари мечти и неисполнети надежи , па затоа најдобро е да се повлечете и смирите. Не инсистирајте на ништо.

Кариера

Иако ќе работите посветено и без застој , денеска ќе ви изгледа како да работите недоволно.

Здравје и совет

Поработете на вашето трпение.

Девица 23.8.-23.9.

Љубов

Ако се чувствувате осамено , побарајте друштво на пријателите. Тие ќе бидат вистибнски мелем за вас.

Кариера

Конечно ќе ви стане јасно дека она што го работите вреди повеќе отколку што мислевте . Со тоа сознание полесно ќе работите.

Здравје и совет

Бидете искрени кон сите.

Вага 24.9.-23.10

Љубов

Пред вас е убав ден за дружење , било да се решите за излегување со саканата личност , било да се прошетате и се напиете кафе со познаници.

Кариера

Денеска лесно ќе излегувате на крај со обврските доколку работите со колеги , но ако сте сами на работното место , ќе ви недостига некој за да поразговарате.

Здравје и совет

Радувајте се на она што е добро.

Шкорпија 24.10-22.11.

Љубов

Можно е решение на некој семеен проблем , што долго ве измачуваше. Веројатно ќе најдете заеднички јазик.

Кариера

Успешно ќе завршите една деловна фаза и ќе свртите нов лист.Ќе биде тоа чекор напред за вас.

Здравје и совет

Не се сомневајте ,туку работете.

Стрелец 23.11.-21.12.

Љубов

Денеска е ден кога во љубовните теми ќе помешате скромност со високи идеали. Резултатот ќе биде збунетост на другата страна.

Кариера

Соработниците ќе ве подржат и ќе ви изразат симпатии , но кога станува збор за стручноста , никој нема да ви прогледа низ прсти.

Здравје и совет

Сѐ е во ред.

Јарец 22.12.-20.1.

Љубов

Вашиот љубовен шоу ќе продолжи со поврзување со личност од надвор. Некои ќе добијат љубовен меил или порака од странство.

Кариера

Својата стручна способност денеска ќе ја надувате до крајни граници , но никој нема да ви замери , зашто ќе бидете уверливи.

Здравје и совет

Почнете да спортувате.

Водолија 21.1.-19.2.

Љубов

Ќе имате вистински баланс за уживање и љубов , апосебно во конкретни ситуации.Оние во врска ќе бидат многу задоволни.

Кариера

Денеска исправно ќе се поставите , зашто ќе знаете да ги испочитувате не само строгите правила, туку и човечките потреби.

Здравје и совет

Мала главоболка.

Колку е штетна течноста за плакнење уста? (фото)

 Стоматолог тврди дека со неа ги уништуваме забите...

Совети за орална хигиена.

Кога станува збор за здравјето на забите, кариесот е еден од најголемите проблеми. Стоматологот Ками Хос предупредува дека некои секојдневни навики би можеле сериозно да ја загрозат состојбата на забите, нагласувајќи дека здравјето на усната шуплина има значајно влијание врз целокупното здравје на организмот.

Течности за плакнење на уста

Стоматологот Хос особено укажува на штетноста на течностите за плакнење на уста, нагласувајќи дека тие можат да предизвикаат сериозно оштетување на забите. Огорчен од нивното дејство, тој тврди дека овие течности убиваат голем број микроби во устата, оставајќи простор за репродукција на најопасните. Ваквиот пристап, според д-р Хос, може да доведе до катастрофални последици.

Хос советува дека усната шуплина треба да се гледа како градина, со многу добри и лоши бактерии од кои треба да се ослободите исто како од плевелот.

- Ако во градината имавте плевел, сигурно немаше да го полевате со киселина. Токму тоа го правиме кога користиме средство за плакнење на устата, тоа убива сè што живее во неа - вели д-р Хос, а пишува Ординација.хр

Совети за одржување на оралното здравје

За да се зачува здравјето на усната шуплина, д-р Хос дава низа совети кои вклучуваат промена на секојдневните навики. Препорачува утринска орална нега пред појадокот, со користење на блага течност за плакнење на устата со цел да се обнови pH вредноста на усната шуплина и да се отстранат наслагите, како и редовно чистење на забите со конец и интердентална четка.

- Исчистете го јазикот со средство за таа намена, бидејќи на него може да се наталожат наслаги штетни за здравјето на усната шуплина. На забите им наштетуваме кога ги негуваме со производи што содржат алкохол или други состојки кои можат да ја променат микробиотата во устата, која се развила во текот на милиони години – тврди стоматологот Хос.

За да се зачува здравјето на усната шуплина, од клучно значење редовните посети на стоматолог, како и употребата на благи препарати за нега на усната шуплина и правилна хигиена.

Тргнала да истражува пукнатина во карпа, а потоа одеднаш исчезнала (видео)

Луѓето со страв и неверување гледаат каде завршила оваа жена! 

Необичните адреналински авантури во последно време стануваат сè повеќе популарни.

Многумина од нас се подготвени да се испробаат во многу активности за да ја тестираат сопствената издржливост, форма и пред сè сопствената бестрашност. Додека некои се занимаваат со спортски вештини и акробации за кои е потребна исклучителна физичка подготвеност, некои се одлучуваат за екстремни спортови, алпинизам и слично.

На социјалната мрежа Tикток се појави видео на кое е прикажана млада жена која, како дел од екстремните спортови, се занимава со вовлекување во пукнатини и дупки на карпи. Додека повеќето добро би размислиле дали да се впуштат во таква авантура или не, или би побарале посебни услови што би им гарантирале некаква безбедност, оваа жена не го сторила тоа. Исклучително храбра и бестрашна, таа се осмелила да ѕирне во внатрешноста на голема карпа, на чија површина има пукнатина.

Таа вешто се спушта внатре, додека кацигата ѝ ѕирка над земјата. Меѓутоа, членовите на нејзиниот тим прво ѝ ја вадат кацигата за таа да може непречено да влезе во пукнатината на карпата, а потоа и ја подаваат за да биде побезбедна за време на нејзината експедиција. Колку што може да се види од површината, дупката е длабока, но е затрупана со камења и затоа местото е небезбедно, бидејќи во случај на одрон, би можела да се случи голема несреќа. За среќа, жената со насмевка излегува од дупката, додека нејзините колеги и пријатели воодушевено го надгледуваат нејзиниот подвиг.

Клаустофобите признале дека не би се шегувале со вакви ситуации и дека не можат ни да ја замислат ситуацијата во која се впуштила оваа жена.

- Како излезе од таму?

-Зарем не се сеќавате на момчето што се заглави и умре?

- Мојата клаустрофобија.

- Би испаничила ако блузата ми се закачи на лицето.

- Зошто некој си го ризикува животот? Ова за мене нема смисла – коментираат дел од корисниците на мрежата.

Меѓу коментаторите, некои изјавиле дека никаква парична сатисфакција не би ги натерала на ваква авантура. Други прашале дали постои некаков спасувачки тим и дали жената е безбедна. Подобро упатените во ваквите екстремни спортови одговориле дека има доброволци кои ги придружуваат авантуристите во нивните потфати, а за понапорни истражувања и влез во пукнатини и дупки ги придружуваат и пожарникари.

Сепак, мнозинството корисници се согласи дека не треба да се биде толку сигурен бидејќи безбедноста никој не ја гарантира и дека паниката би го направила своето дури и кај оние кои себеси се сметаат за бестрашни.

@unilad I feel claustrophobic just watching! 🤢 🎥 @bonniemaelyons #unilad #fyp #foryou #foryoupage #hole #holes #tighthole #claustrophobia #claustrophobic #climbing #adventure ♬ Suspenseful and tense orchestra(1318015) - SoLaTiDo
притисни ентер