Пратениците денеска во продолжението на 41. собраниска седница го изгласаа Законот за даночно ослободување со цел реализирање на одлуката за склучување на анекс на договорот за концесија за промена на намената на дел од средствата.

Во рамките на 43. седница Собранието го донесе законот за изменување на Законот за градежно земјиште, со кој се врши допрецизирање на постапката за водење на Регистар на отуѓено и дадено под долготраен и краткотраен закуп, на градежно земјиште сопственост на Република Македонија, преку информацискиот систем www.gradezno-zemjiste.mk.

Повлечен беше предлогот за разрешување и именување на претседател на Советот на експерти на Агенцијата за супервизија на капитално финансирано пензиско осигурување.

Претседателот на Собранието Африм Гаши ги прекина двете седници и за нивно продолжување најави дека ќе има дополнително известување.

На дневен ред на 41-та седница се останати ратификациите на Протоколот за изменување и дополнување на Конвенцијата за кривичните дела и некои други акти извршени во воздухоплови, Протоколот за дополнување на Конвенцијата за сузбивање на незаконито грабнување на воздухоплови, на Конвенција за спречување на незаконски дејствија поврзани со меѓународното цивилно воздухопловство, на Факултативниот протокол на Конвенцијата за правата на детето за постапка по претставки и на измената на Конвенцијата за оцена на влијанието врз животната средина во прекуграничен контекст усвоен во Софија, на 27 февруари 2001 година и втората измена на Конвенцијата за оцена на влијанието врз животната средина во прекуграничен контекст усвоен во Цавтат, на 4 јуни 2004 година и предлог законот за изменување на Законот за доброволно капитално финансирано пензиско осигурување, во прво читање.

На 43-та седница за разгледување останаа измени на законите за употреба на знаковниот јазик, за социјална сигурност за старите лица, за инвалидски организации, за правата на воените инвалиди, на членовите на нивните семејства и на членовите на семејствата на паднатите борци, за обележување, уредување и одржување на гробишта и гробови на борците погребани на територија на Македонија и во странство, како и на припадниците на странските армии од поранешните војни на територија на Република Македонија, за материјално обезбедување на учесниците во Народноослободителната војна, за правата на прогонуваните и затворaните лица за идеите на самобитноста на македонскиот народ и неговата државност и на членовите на нивните семејства, за правата на носителите на Партизанска споменица 1941, на лицата одликувани со Орден на народен херој и на борците од Шпанската националноослободителна и револуционерна војна од 1936 до 1939 година, сите во прво читање...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.