Свет

Доналд Трамп објави дека ги помирил Ерменија и Азербејџан „засекогаш“

Ерменија и Азербејџан ветија дека ќе престанат да се борат меѓусебно „засекогаш“, изјави американскиот претседател Доналд Трамп. Двете земји со децении имаат територијален спор што доведе до неколку војни меѓу нив.

Во присуство на американскиот лидер, азербејџанскиот претседател Илхам Алиев и ерменскиот премиер Никол Пашињан изјавија дека тој заслужува Нобелова награда за мир, јавија американските медиуми.

„Двете држави се посветени на „засекогаш да престанат да се борат, да ги отворат (своите граници) за трговија и патувања и да развиваат дипломатски односи, почитувајќи го суверенитетот и територијалниот интегритет на другата страна“, рече републиканецот.

„Ќе имате многу добри односи“, им рече Трамп на своите двајца гости, додавајќи: „Ако не, јавете ми се и јас ќе средам“.

„Го поздравуваме успехот постигнат на патот кон воспоставување траен мир меѓу Ерменија и Азербејџан“, соопшти турското Министерство за надворешни работи во коментар за договорите од Вашингтон.

Франција, дом на стотици илјади луѓе од ерменско потекло, го опиша договорот како „решавачки чекор кон нормализација на односите“ меѓу Баку и Ереван.

Опишувајќи го настанот како „историски ден“, Алиев предложи, заедно со Пашинјан, официјално да го номинира Трамп за Нобелова награда за мир.

„Кој друг освен претседателот Трамп го заслужува тоа?“, праша тој, и му се заблагодари на својот американски колега.

Ерменскиот лидер, исто така, ја изрази својата поддршка за номинацијата на републиканецот за Нобелова награда за мир.

„Ние ќе ја поддржиме (неговата кандидатура)“, рече Пашинјан.

Израел, Пакистан и Камбоџа неодамна објавија дека и тие го номинираат Трамп, кој искрено верува дека ја заслужува наградата за неговите напори како медијатор во голем број конфликти.

Алиев и Пашинјан се ракуваа во присуство на Трамп и потпишаа заедничка декларација.

„Денес воспоставуваме мир на Кавказ“, рече азербејџанскиот претседател. Ерменскиот премиер го опиша потпишувањето на документот како чекор „што го отвора патот за крај на долгогодишниот конфликт“.

Спогодбата склучена синоќа предвидува создавање транзитен коридор низ територијата на Ерменија, поврзувајќи го Азербејџан со неговата енклава Нахичеван, која е одвоена од неа.

Создавањето таков коридор е долгогодишно барање на Баку. Ќе се вика „Патот на Трамп кон светскиот мир и просперитет“. Американскиот претседател рече дека е многу почестен што коридорот е именуван по него, но нагласи дека не инсистирал на тоа. Според американските претставници, името е идеја на Ерменија.

САД ќе имаат право да учествуваат во изградбата на оваа зона, која ќе вклучува железница, нафтоводи и гасоводи и оптички кабли. Американски претставник нагласи дека Ерменија нема што да изгуби, бидејќи со договорот всушност добива од продлабочувањето на соработката со Вашингтон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Венко е сосема одлепен од реалноста, она што му го диктира Заев тоа и го повторува

Венко е сосема одлепен од реалноста, она што му го диктира Заев тоа и го повторува, во однос на изборите јасен му е епилогот, затоа и бега од соочување со граѓаните.

РЕАКЦИЈА НА ПРЕС-КОНФЕРЕНЦИЈА НА ВЕНКО ФИЛИПЧЕ

Филипче на денешната прес-конференција, ги повтори трите постулати на СДС, а тие се ширење на лаги, манипулации и дезинформации. Впрочем, тоа го прави на секое негово појавување во јавноста.

Очигледно е дека Филипче нема допир со реалноста, а тоа е поради неговата дружба со аболицираниот криминалец Заев, на неговата милионска јахта во Грција, кој му диктира што да кажува пред медиумите и му ја создава перцепцијата, а Филипче како негов следбеник, истото го повторува.

Тука можеме директно да му порачаме дека јасен демант за неговите лаги се официјалните статистики кои го спроведува во јавноста Државниот завод за статистика.

Во однос на изборите, единствен човек во државата кој не сака избори и бега од нив е Венко Филипче и талогот од СДС. Од месечината се гледа дека јасно му е и на него и на талогот, каков дебакл ќе доживеат и како ќе бидат поразени од граѓаните.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од 26 август почнува пријавувањето за субвенциониран студентски оброк

Министерството за образование и наука информира дека од 26 до 31 август трае рокот за аплицирањето за остварување на правото на субвенциониран студентски оброк за академската 2026/2027 година.

На повикот треба да се пријават сите студенти - како бруцоши, така и студенти од повисоките години, за да го остварат правото на субвенциониран студентски оброк од 1 октомври годинава.

Аплицирањето се спроведува електронски преку порталот e-uslugi.mon.gov.mk, а на повикот можат да се пријават сите редовни студенти запишани на прв циклус, односно втор циклус на студии, како и на интегрирани студии на јавните и приватните универзитети во државата.. Апликантите треба да се државјани на македонија и да немаат месечен приход по кој било основ поголем од минималната нето-плата во тековната година.

Финансиската поддршка во износ од 140 денари е наменета за купување храна, а студентот може да ја користи од понеделник до сабота, кај правни лица кои произведуваат, подготвуваат или продаваат храна. Паричниот надомест не е предвидено да се исплаќа во периодот на летниот распуст од 1 јули до 1 октомври., посочуваат од мон..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.