Формула

Доменикали: Организаторите на италијанското ГП треба да ги подобрат условите

Доменикали зборуваше за иднината на Италијанското Гран при во Формула 1.

Шефот на Формула 1 го забележа напредокот на организаторите на Италијанското ГП во подготовката на патеката, но во исто време изјави дека работата на модернизирање на патеката мора да продолжи.

- Во Монца предолго живеевме во минатото. Сега организаторите решија да одат напред – поставување нов асфалт на патеката беше првиот чекор за подобрување на инфраструктурата. И овој чекор е исклучително важен за Формула 1. Но, сега треба да продолжиме да се движиме во иста насока. Треба да се подобрат трибините, боксовите и болничките области. Ова се следните задачи. И не можеме да ја одложиме нивната реализација до 2040 година, овие проекти мора брзо да се спроведат, изјави Доменикали.

Тој зборуваше и за шансите Италија да може да задржи две трки во календарот на Формула 1 иста сезона.

-Ќе го кажам ова, Формула 1 добива многу барања да биде домаќин на Гран при. Затоа, треба да размислиме и да видиме дали можеме да поддржиме две трки во Италија одеднаш. Ова прашање ќе треба да се разјасни во рок од една година, додаде Доменикали.

Во Италија се возат трките во Монца и Имола. Во моментов, договорите за двете фази важат до крајот на 2025 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

8月23日，网友发布视频显示，广西崇左宁明县洪水过境导致县城被淹没。

网友表示：我家被淹了，一夜之间被淹了😭大家注意安全！

有网友发布汽车被洪水冲走的视频，竟然还被举报！是害怕境外势力知道中国又淹水了吗？ https://t.co/TDcI6l13ky pic.twitter.com/7iA2DADabD
— YiFeng Su (@sam51824016070) August 23, 2026

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.