Неговиот адвокат и денеска врши увид во доказите за случајот Државна лотарија во кој Груби е второосомничен за проневера во службата, а според информациите тој ќе даде исказ пред обвинител откако ќе заврши увидот. Министерот за правда Игор Филков и денеска остана на ставот дека Советот на ЈО и Судскиот совет треба да утврдат дали има одговорност кај обвинителот и судијата, и покрај тоа што од двете тела најавија дека не гледаат причина да свикуваат итни седници.

-Откако премиерот Христијан Мицкоски синоќа во тв гостување рече дека иако побарал не добил објаснување од МВР и АНБ зошто е проценето дека безбедноста на Груби е загрозена во истражниот затвор во Шутка бидејќи се работело за класифицирани и доверливи информации, случајот и денеска е тема на меѓупартиски препукувања. Од опозициската СДСМ обвинија за однапред смислено сценарио,- изјави – Игор Филков – Министер за правда.

Мицкоски вчера, јавно, на телевизија рече дека тоа биле класифицирани информации, доверливи и не може да се соопшти. Имал чувство. Сега излегуваат информации дека „странски служби“ јавиле и тоа уште пред една година и дека безбедносна проценка воопшто не била направена од АНБ и МВР. Само не кажаа која, дали српска или руска странска служба? Ако нема проценка од АНБ и МВР како Обвинителството донело одлука за куќен притвор? Ако нема проценка од АНБ и МВР како Мицкоски вели дека „тоа било класифицирано“.

Од ВМРО ДПМНЕ пак велат дека опозициската партија намерно го премолчила прашањето за Груби на вчерашните собраниски пратенички прашања.

-СДС молчи на пратенички прашања за Груби, хистеријата и стравот од одговорност ги направи заложници на криминалот. Ниту едно пратеничко прашање од страна на СДС кон членовите на Владата за Артан Груби. А толку беа гласни изминативе три дена со измислување на 10-тина тези, за кои народот секако не им поверува. Но вистината, почитувани, полека но сигурно излегува на површина. Стравот од можните искази на Артан Груби за криминалите на поранешната власт на СДС и ДУИ очигледно го притисна паник тастерот во Бихаќка,- изјави – Бране Петрушевски - ВМРО ДПМНЕ.

Од СДСМ подоцна преку соопштение одговорија дека немало потреба да прашуваат за Груби на пратенички прашања бидејќи како што наведоа, граѓаните знаеле се.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.