Домашниот миченик и го спасил животот - Канал 5

Домашниот миченик и го спасил животот

Спиела и во 4 часот наутро врз неа скокнал нејзиниот волчјак, кучето почнало да ‘ржи и лае, не била ни свесна дека најлошото допрва доаѓа

Домашниот миченик и го спасил животот

Пам Менсфилд во 2013 г. вдомила кученце од расата германски овчар, не била ни свесна што би можело да се случи неколку години подоцна.

Пем Менсфилд (74) денеска не би била жива ако не било нејзиното куче по име Џипси. Имено, оваа баба има дијабетес тип 1, поради што мора редовно да го контролира нивото на шеќер во крвта и да прима инсулин. Во спротивно, може да падне во дијабетична кома која може да биде фатална.

Сепак, Пем не размислувала за сето тоа кога во 2013 година зела кученце од расата германски овчар, не знаејќи дека кучето еден ден ќе ѝ го спаси животот.

- Спиев во креветот кога во четири часот наутро Џипси почна како луда да скока по мојот кревет. Таа лаеше и ‘ржеше, и ми ја влечеше ноќницата, ме лижеше по лицето и не се откажуваше. Се обидов да ја смирам и да заспијам, но таа не се откажа. Упорно ме туркаше и не ми даваше повторно да заспијам... Во еден момент само помислив: „Што по ѓаволите се случува?“. Кучето никогаш не се однесувало така и не се откажуваше додека не бев целосно будна - се присетила Пем.

Дури тогаш сфатила дека не се чувствува добро и веднаш го зела апаратот за мерење на нивото на шеќер. Ја фатила паника кога ги видела вредностите, бидејќи сфатила дека мора итно да земе инсулин. Ја делеле минути од состојбата на дијабетична кома и ако продолжела да спие, којзнае што ќе ѝ се случело.

- Тоа беше еден од полошите напади што сум ги имала. Немав никаква причина да се разбудам среде ноќ. Не бев ни свесна дека шеќерот ми паднал под границата. Не знам што се случи, но знам дека ако не ме разбудеше Џипси, ќе паднев во кома и ќе умрев – додала таа.

Откако си дошла на себе, Пам сакала да стане и да оди во тоалет, но кучето не дозволувало.

- Не ми дозволуваше да станам од креветот. Таа е исклучително заштитнички настроена кон мене, никогаш не сум имала куче како неа. Ја сакам, таа ми е како член од семејството – изјавила Пем со солзи во очите.

Дури и кога инсулинот се вратил во нормала, кучето не ја оставало ни за момент.

- Легна до мене во креветот, со часови не мрдаше. Кога станав, таа внимателно одеше зад мене како да се плашеше да не паднам. Таа е толку прониклива и грижлива, и се чини дека ме познава многу добро, додала Пем.

По неколку дена, таа му кажала сè на ветеринарот, кој ѝ објаснил дека кучето веројатно ги намирисало кетоните во нејзиниот здив додека спиела, супстанца која се создава кога телото не добива доволно гликоза.

-Џипси не беше дресирана за такви работи, реагираше инстинктивно во желбата да ме заштити и ми го спаси животот - заклучила Пем.

Инаку, Пем е вдовица која живее сама и благодарение на нејзиното куче може да ужива во играта со своите внуци, пишува Метро.

Дијабетичната кома е состојба опасна по живот која се јавува кај луѓе со дијабетес кои имаат сериозно нерегулирано ниво на шеќер во крвта. Имено, дијабетичната кома се заканува кога некој со дијабетес има прениско ниво на шеќер во крвта (хипогликемија) или превисоко ниво на шеќер (хипергликемија).

Симптомите се:

оневозможен говор

проблеми со видот

поспаност

слабост

главоболка

немир

паѓање во кома

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Продолжение на кул видеото за Хрватска со Малкович, се придружува Модриќ

Новото видео се одвива во Задар.

Продолжение на кул видеото за Хрватска со Малкович, се придружува Модриќ

Пред вечервашниот натпревар помеѓу Хрватска и Португалија во осминафиналето на Светското првенство, објавено е продолжението на промотивниот филм за хрватскиот туризам „ХРВАТСКА - Слушнав дека е прекрасно“ (CROATIA - I hear it's beautiful), во кој главните улоги ги играат капитенот на Хрватска, Лука Модриќ, и холивудскиот актер со хрватски корени, Џон Малкович.

Морските оргули во главната улога

Новото видео се одвива во Задар. Џон Малкович доаѓа до Морските оргули, каде што разговара со Лука Модриќ по телефон. Капитенот на хрватската репрезентација му објаснува зошто е толку посебно и како морето и брановите создаваат уникатна мелодија што не може да се чуе никаде на друго место.

Откако го слуша звукот на Морските оргули, Малкович ентузијастички вели: „Лука, сите беа во право. Хрватска е прекрасна.“

Но, Модриќ нема многу време за разговор бидејќи го очекува тренинг.

„Џон, немам време. Уживај во Хрватска... и избриши го мојот број“, одговара тој, завршувајќи го нивниот разговор.

YouTube video

Нова разгледница од Хрватска за целиот свет

Како и првиот филм од кампањата, и овој е потпишан од Пит Радовиќ, наградуван телевизиски и спортски продуцент со хрватски корени, кој беше креативен директор на проектот.

Хрватскиот туристички одбор им се заблагодари на Хрватската фудбалска федерација, селекторот Златко Далиќ, Лука Модриќ и сите репрезентативци за нивната соработка и им посака среќа на тимот во вечерашниот натпревар против Португалија.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Британците го блокираат договорот на векот: Спојувањето на „Getty Images“ и „Shutterstock“ не успеа

Компаниите првично го склучија договорот за да се одбранат од конкуренцијата во областа на вештачката интелигенција (ВИ).

Британците го блокираат договорот на векот: Спојувањето на „Getty Images“ и „Shutterstock“ не успеа

„Getty Images“ одлучи да го запре процесот на спојување со конкурентот „Shutterstock“, вреден 3,7 милијарди долари, поради ограничувањата наметнати од регулаторите во Велика Британија, објави „The Wall Street Journal“. Откажаниот договор меѓу двата гиганти за фотографии покажува дека одобрението од САД не е нужно сè што е потребно за да се случи договор.

„Getty“ и „Shutterstock“ го објавија планираното спојување уште во јануари 2025 година, со цел да се создаде фотографски гигант кој би можел да се справи со очекуваната конкуренција во областа на слики генерирани од вештачка интелигенција. Новата компанија требаше да се вика „Getty Images Holdings Inc.“, а извршниот директор на „Getty“, Крег Питерс, го опиша потегот како „трансформативен“.

Соочен со овие барања, одборот на „Getty“ едногласно одлучи „да не продолжи со продажбата на уредничкиот бизнис на „Shutterstock“... и да го раскине договорот за спојување“, според неговото поднесување до Комисијата за хартии од вредност (SEC). Тоа значи дека договорот е мртов, освен ако не се случи „значајна промена на околностите“ пред 7 јули.

И „Getty“ и „Shutterstock“ неодамна склучија договори со „OpenAI“, дозволувајќи им на нивните слики со воден печат да се појавуваат во резултатите од пребарувањето на „ChatGPT“. Но, и покрај нивната сеприсутност на социјалните медиуми, големите медиумски страници во голема мера ја избегнуваа визуелната содржина генерирана од вештачка интелигенција.

Ограничувањата во Велика Британија, исто така, ги истакнуваат ризиците со кои се соочува „Paramount“ во Велика Британија и на други места поради масовното спојување со „Warner Brothers Discovery“, и покрај тоа што доби одобрение од Министерството за правда на САД.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пресврт: Сепак ништо од предавањето на оружјето?

Одговорот поднесен од Хамас во Каиро усвоил формулација што предвидува „ограничување, собирање и складирање на оружје“, наместо барање за нивна конфискација или предавање

Пресврт: Сепак ништо од предавањето на оружјето?

Палестинското милитантно движење Хамас успеа да отстрани од својот предложен план за преминување во втората фаза од планот за Газа формулирања што би можеле да се протолкуваат како барање за предавање на оружјето или капитулација на движењето, изјави денес висок функционер на движењето.

Според него, одговорот поднесен од Хамас во Каиро усвоил формулација што предвидува „ограничување, собирање и складирање на оружје“, наместо барање за нивна конфискација или предавање, што, тврди тој, значи дека барањето за целосно разоружување на движењето или отстранување на неговата воена инфраструктура е отфрлено.

Функционерот на Хамас додаде дека на состанокот во Анкара е постигнат договор и со медијаторите за зачувување на правниот статус на Појасот Газа и неговата поврзаност со правните и суверени институции на Палестинската самоуправа, како претставник на палестинскиот народ.

Тој оцени дека таквото решение треба да спречи, како што изјави, можни планови за експропријација на државно и приватно земјиште за изградба на трајни кампови за раселени лица, што го поврза со наводните планови на израелската влада да го поттикне егзодусот на населението од Газа.

Истиот извор наведува дека на почетокот на неделата во Анкара се одржал состанок, кој не бил јавно објавен, помеѓу директорот на турската разузнавачка служба Ибрахим Калин, шефот на египетската разузнавачка служба Хасан Рашад и членовите на претседателскиот совет на Хамас, Калил ал-Хаја и Калед Мешал.

Националниот комитет одговорен за управување со Појасот Газа вчера објави дека завршил дводневни разговори на Кипар за напорите за ублажување на хуманитарната криза и подобрување на условите за живот во палестинската енклава.

Комитетот на платформата „X“ изјави дека на состаноците учествувале претставници на Советот за мир, канцеларијата на високиот претставник за Газа, Николај Младенов, и Фондацијата Тони Блер.

Како што беше најавено, разговорите се фокусирале на опциите за итно олеснување на хуманитарната ситуација, како и на иницијативите за реконструкција, безбедност, управување и институционални реформи што би обезбедиле транспарентност и би ги исполниле барањата на меѓународните донатори.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер