Долната граница на буџетот за плати на судиите и обвинителите ќе биде повисока од средниот буџет на земјите членки на Унијата, најави премеирот Мицкоски потенцирајќи дека како Влада се подготвени да ги прифатат реформските закони од областа на првосудството кои ги бара ЕУ во Планот за раст. Не прецизираше за колку ќе се зголеми процентот за буџетот во правосудството, но појасни дека плановите за варботувања и унапредувања во судовите и обвинителствата ќе ги одобруваат Судскиот и Советот на јавни обвинители и тие нема да зависат од мислењето на Владата. Во реформските закони кои ги бара ЕУ се предвидуваше зголемување на буџетот во правосуството за 1,3 проценти од БДП. 0,8% за судиите и 0,5% од БДП за обвинителите.

„ Во делот на буџет ние ќе поставиме долна граница, односно минимална вредност во буџетот на обвинителството и во буџетот на судовите кои што секако ќе биде повисок од средниот или од медијана буџетот што го имаат земјите членки што ги покрива Советот на Европа. И тоа ќе го направиме. Ние сме подготвени сѐ да прифатиме што тие бараат. Главното нивно барање се однесува на вработувања и унапредувања, да не зависи од мислење на Владата. Во ред, нема проблем, нема да зависи. Имаме јасен план, јасен фокус. Нашата стратегија е да бидеме најдобри во одделението. Тоа ќе го направиме и ако тоа некој не го цени, ако мисли дека треба билатералните прашања да бидат пречка за нашето членство во Европската унија, простете, ние тука не можеме ништо да сториме“– Христијан Мицкоски, Претседател на влада.

Освен Законите за јавно обвинителство, за судови и за јавно обвинителска служба до крајот на годината согласно Планот за раст ќе бидат досенени вкупно 10 од 12 рефорсмски закони, најави Мицкоски. Меѓу нив се и Законот за енергетика и Изборниот законик кој треба да биде усогласен со забалешките на ОБСЕ, либерализација на железничкиот сообраќај, како и нови вработувања Агенцијата за одземен имот.

Во одговор на новнарско прашање за разрешувањето на државниот јавен обвнител Коцевски, Мицкоски посочи дека тој не ја искористил дадената шанса и дека процедурата е во тек.

„Не очекуваме од јавниот обвинител да каже „Да, виновен сум, не успеав во својата работа“. Тоа што го кажува е очекувано. Аргументите јавноста ги гледа, јавноста сведочи за неговата работа, за работата на обвинителството, на судовите, повторно ќе кажам на малкумина, за жал и тој е заробеник меѓу малкумината на обвинителството. Имаше можност, имаше шанса, за жал, не ги искористи“-– Христијан Мицкоски, Претседател на влада.

Постапката за разрешување на Коцевски беше паузирана во март годинава по трагедијата во Кочани, а во јули Собранието му изгласа недоверба на државниот обвинител, но тој не се повлече од функцијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.