Докторот Мирко убил 15 пациенти - обвинителството во Минхен го сомничи за уште повеќе жртви - Канал 5

Свет

Докторот Мирко убил 15 пациенти - обвинителството во Минхен го сомничи за уште повеќе жртви

Доктор Мирко М. (52) е осомничен за убиство на најмалку 15 лица во Германија, соопшти обвинителството во Минхен.

Докторот Мирко убил 15 пациенти - обвинителството во Минхен го сомничи за уште повеќе жртви

Мирко се сметал за многу познат лекар, на кого многу пациенти без двоумење му ги доверувале своите животи.

Инспекторите се сомневаат дека бројот на неговите жртви е поголем и дека ќе се зголемува како што напредува истрагата.

Тој е осомничен за убиство од небрежност, бидејќи обвинителите не го знаат мотивот за злосторството.

Медиумските извештаи сугерираат дека докторот ги убил пациентите наводно инјектирајќи им непозната течност.

Досега, телата на тројца негови пациенти се ексхумирани од гробиштата и ќе бидат прегледани во Институтот за судска медицина во Хамбург.

Се очекува резултатите од токсикологијата да покажат што наводно им инјектирал лекарот на пациентите.

Се вели дека ексхумации се извршени и на други гробишта во Шлезвиг-Холштајн, но јавното обвинителство не даде никакви информации за тоа каде точно.

Медиумските извештаи велат дека смртните случаи во Бармштет се случиле помеѓу април и јуни 2025 година, но сите случаи до 2020 година се истражуваат.

Го пријавила поранешна сопруга

Извор од истрагата вели дека целиот случај го иницирала поранешната сопруга на Мирко. Таа го пријавила во полиција по нивниот развод, а до разводот, тие работеле заедно во истата пракса.

„Мојата тетка е во домот за стари лица во Елмсхорн од почетокот на 2025 година и ми кажа дека секогаш кога д-р Мирко бил таму, некој секогаш бил мртов следниот ден“, рече внукот на пациент што го лекувал Мирко.

Доколку Мирко биде обвинет за убиство од небрежност, тој се соочува со затворска казна од најмалку пет години. Во особено сериозни случаи, може да се соочи со доживотен затвор.

Докторот бил многу почитуван во Елмсхорн и имал повеќе од 2.500 пациенти. Тој и неговата поранешна сопруга имале пракса, но оваа пролет објави дека ја затвора праксата. Тој како причина ги наведе преоптоварувањето со работа, долгите часови без пауза и потребата од грижа за две деца со посебни потреби.

Деталите за случајот сè уште се непознати.

Тагови: докторот пациенти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер