Докторите откриле нова, смртоносна последица од коронавирусот - Канал 5

Здравје

Докторите откриле нова, смртоносна последица од коронавирусот

Мајкл Реган, 49-годишен Американец кој се заразил со коронавирус кон крајот на март, конечно почна да се опоравува по неколку недели домашно лекување.

Докторите откриле нова, смртоносна последица од коронавирусот

Тој, како и многу други, имал висока температура и останувал без здив, но исто така имал и крвава кашлица.

Реган, кој работи за биомедицинска компанија, го примал лекот против маларија хидроксихлороин, заедно со антибиотикот азитромицин (попознат како Сумамед) како дел од клиничкото испитување за ефикасноста на овие лекови против коронавирус.

Но, Реган започнал да чувствува остра болка во градите на почетокот на минатата недела со враќање на високата температура.

Тој отишол во болница, каде што лекарите му рекле дека има пневмонија поврзана со коронавирусот. И тогаш пулмологот му рекол дека има десетици мали згрутчувања на крвта во белите дробови.

„Се чувствувам како да има отров во моето тело“, изјави Реган за Бизнис Инсајдер. „Немав поим дека згрутчување на крвта може да предизвика такво оштетување“, додаде тој.

Тој морал да остане во болницата, каде му бил даден активирач на плазминогено ткиво, протеин кој се користи за лекување на мозочни и срцев удари затоа што ги разложува згрутчувањата на крвта. Следниот ден бил испратен дома со лек против згрутчување на крвта.

Реган имал среќа на крајот, но неговиот случај е само последниот потсетник за тоа колку сè уште има непознати за Ковид-19 и неговиот ефект врз телото. Респираторната инфекција е, се разбира, главен симптом на инфекцијата кај овој коронавирус, како и тешка пневмонија што е главната причина за смрт кај сериозно болните пациенти.

Но, другите компликации, како што се проблеми со срцето и бубрезите, сè повеќе почнаа да го привлекуваат вниманието на лекарите и научниците. И, најзагрижувачко е појавата на згрутчување на крвта во целото тело на некои пациенти: во белите дробови, бубрезите, срцето и вените по целото тело. Се разбира, овие згрутчувања потенцијално предизвикуваат срцеви и мозочни удари и белодробна емболија кои можат да доведат до смрт на пациентот.

Според обдукциите од „ Northwell Health “, приватен ланец на американски болници, дури 40% од пациентите со коронавирус кои починале откако биле пуштени од болниците, се чини дека имале срцев удар, пулмонална емболија или слична компликација поради згрутчување.

И холандските истражувачи исто така откриле во една неодамнешна студија дека една третина од 184 пациенти кои завршиле на интензивна нега поради коронавирус имаат компликација поврзана со згрутчување на крвта, без разлика дали е во нозете, белите дробови, срцето или други делови од телото.

Се разбира, продолжениот престој во болница, особено во единиците за интензивна нега, каде што честопати се неподвижни на респиратор, може да резултира со згрутчување на крвта. Но, за споредба, пациентите на интензивна нега обично добиваат згрутчување во 5-10% од случаите, што е далеку помалку од процентот кај пациенти со коронавирус, вели др. Алекс Спиропулос, специјалист за хематологија во здравствената болница Нортвел во Њујорк.

"Бројот на проблеми со згрутчување што ги гледам во единицата за интензивна нега, сите поврзани со Ковид-19, е неверојатен. Се чини дека проблемите со згрутчување на крвта се широко распространети во тешките случаи на Ковид", изјави Др. Џефри Лоренс, хематолог во Медицинската установа Вајл Корнер во Њујорк, за Си-Ен-Ен.

Освен во белите дробови, др. Лоренс и колегите откриле згрутчување и под кожата при обдукција на двајца починати пациенти, како и кај тројца живи пациенти.

Иако ова се чини како прилично бизарна последица на инфекцијата, коронавирусот не е првиот што предизвикува вакви компликации. Лекарите забележале и зголемен ризик од формирање на тромб кај оние заразени со вирусот на грип Х1Н1, познат како свински грип што избувна ширум светот во 2009 година и САРС во 2003 година. Но, со новиот коронавирус, згрутчување на крвта се јавува почесто во белите дробови, додава др. Спиропулос.

„Ова не е вообичаено и затоа се прашуваме дали згрутчувањето на крвта е една од причините поради која што умираат овие луѓе“, вели д-р. Тод Рајс од болницата во медицинскиот центар „Вандербилт“ во Нешвил за Си-Ен-Ен.

„Ова е едно од прашањата поврзани со Ковид за кои сега многу се зборува“, забележува д-р. Мишел Гонг од болницата за медицинскиот центар Монтефиори во Њујорк за Си-Ен-Ен. Во оваа болница дури и биле воведени лекови со ниска доза против згрутчување на крвта за сите пациенти со Ковид-19.

Сепак, ова отвора нова дилема за лекарите: ниската доза на овие лекови не е ризична, но може да не биде доволна за да се спречи згрутчувањето. Повисоките дози на лекот, пак, можат да предизвикаат внатрешно крварење, што само по себе може да биде смртоносно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Традиционални пензионерски спортски игри во Карпош

Денеска во спортската сала „Партизан“ се одржаа традиционалните пензионерски спортски игри, организирани по повод 50-годишниот јубилеј на Општина Карпош. 

Традиционални пензионерски спортски игри во Карпош

На спортскиот настан присуствуваа градоначалникот на Општина Карпош, Сотир Лукровски, и претседателот на Советот на Општина Карпош, Христо Саракинов, кои им посакаа успех на учесниците и го поздравија нивниот ентузијазам, спортски дух и желба за дружење.

„Гледајќи го овој спортски терен исполнет со позитивна енергија, насмевки и младешки дух, не можам, а да не кажам – вие сте вистинска инспирација за сите помлади генерации во нашата општина. Денес не е важна возраста, туку желбата за дружење, движење и зачувување на натпреварувачкиот дух. Сигурен сум дека ќе видиме одлични резултати, фер-плеј и многу спортска среќа во сите машки и женски дисциплини. Најдобрите тројца во секоја категорија ќе си заминат дома со заслужени пехари. Но, сакам да нагласам една работа – за мене како градоначалник, а верувам и за целата публика која е тука да ве бодри, сите вие денес сте победници“, истакна градоначалникот Лукровски.

На игрите учествуваа членови на двете пензионерски друштва – „Карпош“ и „Тафталиџе“, кои се натпреваруваа во повеќе дисциплини: шут на гол за мажи и жени, фрлање ѓуле за мажи и жени, трчање на 60 метри за жени и 80 метри за мажи, како и скок во далечина. По завршувањето на натпреварите, на учесниците им беа доделени статуетки, по што следуваше пригоден свечен коктел. Општина Карпош продолжува да ги поддржува активностите кои поттикнуваат активен живот, дружење и квалитетно поминување на времето во третото доба.

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Идентични близначки се омажија за идентични близнаци, тајната ја чувале четири години (ФОТО)

Идентичните близначки Камил и Кенерли Кит, познати како музичкото дуо „The Harp Twins“, се венчаа со идентичните близнаци Дромил и Дромал Волфганг.

Идентични близначки се омажија за идентични близнаци, тајната ја чувале четири години (ФОТО)

Двојката се венча во 2022 година, но со години го криеја бракот од јавноста и го потврдија дури на почетокот на оваа година. Двата пара близнаци привлекуваат внимание на социјалните мрежи, каде што објавуваат содржини поврзани со музика.

Се запознаа по концерт

Нивната приказна започна во 2019 година, кога браќата Волфганг, кои се тапанари, чекаа во ред по концертот на сестрите Кит за да ги запознаат. Тие донесоа цртеж на кој беа прикажани двете сестри.

„Тоа е една од оние ситуации кога веднаш знаете дека ова е тоа“, изјави Камил за Today. По првата средба, четворицата музичари брзо се зближија. Браќата Волфганг наскоро им се придружија на сестрите на турнејата, поради што ги напуштија своите работни места во градежништвото и се посветија целосно на музиката и заедничкиот живот. Со текот на времето, Камил и Дромил се заљубија, како и Кенерли и Дромал, па двете сестри се омажија за двајцата браќа близнаци.

Тие ја криеја свадбата со години

Двата пара се венчаа на ист ден, 22 февруари 2022 година, и во исто време - во 14:22 часот. Церемонијата се одржа во друштво на најблиските роднини и пријатели.

Тие ја објаснија одлуката да го задржат бракот за себе со желбата да избегнат дополнително медиумско внимание и бројни прашања што веројатно ќе следат поради нивната необична семејна комбинација. „Некои луѓе велат: „Тоа е чудно““, рече Дромал, а потоа додаде: „Ние велиме: „Па, можеби си чуден“.“

„Сите сме најдобри пријатели“

Дромил, исто така, зборуваше за посебната врска што ја дели со својот брат. Тој вели дека луѓето кои не се близнаци честопати тешко разбираат колку може да биде блиска таквата врска. „Луѓето кои немаат близнак честопати не разбираат или не ги одобруваат толку блиските врски“, рече тој.

Четворицата беа силно поврзани од самиот почеток, а нивната свршувачка е дополнителна потврда за нивната компатибилност. Двата пара се свршија во исто време и со идентични прстени. „Сите сме најдобри пријатели“, рече Кенерли. „Ги имаме нашиот близнак, нашиот сопружник и неговиот близнак. Тоа е навистина најдоброто од сè.“

Тагови: близнаци близначки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Доживотна затворска казна доби серискиот убиец Трајко Бојковски од Старо Нагоричане

Доживотна казна затвор за серискиот убиец Трајко Бојковски од Старо Нагоричане -кумановскиот суд го прогласи за виновен по сите точки од обвинението, односно за четири убиства и два обиди за убиство. 

Доживотна затворска казна доби серискиот убиец Трајко Бојковски од Старо Нагоричане

Според судот, таргет биле изнемоштени и стари жени, а мотивот бил некрофилија. Кумановскиот суд не успеал да најде ниту една олеснителна околност при изрекувањето на пресудата.

Обвинителството е задоволно од пресудата - за обвинителот Љубомир Лапе, судот немал друга опција освен да му изрече доживотна затворска казна на Бојковски.

Бојковски и неговиот адвокат смирено ја дочекаа пресудата во судница - но надвор од неа, осудениот на доживотна казна затвор за четири убиства, при влезот во возилото, демонстрираше нервозно однесување и неразбирливи гестикулации. Бојковски е осуден за убиствата на Станче Каровска, Јанка Антевска, Марија Маринковска и Мира Станковска, како и за обид за убиство на Слоботка Арсовска и Росанка Трајковска. Кривичните дела на свиреп и грозоморен начин биле извршени во периодот од јануари 2025 до февруари 2026 година, а жртви биле претежно повозрасни и немоќни жени кои живееле сами.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер