Оториниларинголозите сега предупредуваат на уште еден симптом за кој веруваат дека е поврзан со болеста - аносмија или губење на чувството за мирис.
Аносмија е ненадејно губење на мирисот, но без назална опструкција, понекогаш придружено со губење на чувството за вкус (агеузија).
Неколку лица со „Ковид-19“ пријавиле аносмија како еден од симптомите, изјави првиот човек на француското Министерство за здравство, Жером Саломон.
Инфицираниот француски кошаркар Руди Гоберт, кој игра за „Јута Џез“ во САД, изјави дека го изгубил чувството за вкус и мирис.
Во случај на аносмија, треба веднаш да се повика доктор и да се избегне само-лекување, предупреди Соломон.
Сепак, симптомот е доста редок и најчесто се јавува кај млади пациенти со лесна клиничка слика на Covid-19. Сепак, француското здружение за оториноларинголози предупреди на симптомот.
Постои очигледна врска помеѓу аносмијата и вирусот, според Жан-Мишел Клајн, претседател на Националната асоцијација на оториноларинголози.
„Не секој со Covid-19 ќе развие аносмија, но сите изолирани аносмици, без локално воспаление, беа позитивни на коронавирус“, додаде тој:
„Луѓето кои доживуваат аносмија мора да се изолираат“.
Сличен заклучок, кој ја поврзува аносмијата со Ковид-19, дојде и од германски и од американски експерти.