Докторите му прогнозираа три години живот, а сега се жени со 39 години помлада девојка (ФОТО) - Канал 5

Шоу биз

Докторите му прогнозираа три години живот, а сега се жени со 39 години помлада девојка (ФОТО)

Познатиот актер Долф Лундгрен (65) се ожени со својата 39 години помлада партнерка Ема Крокдал (27).

Докторите му прогнозираа три години живот, а сега се жени со 39 години помлада девојка (ФОТО)

Во заедничка изјава за медиумите, парот сподели како решиле да запловат во брачните води во пристаништето Миконос, каде што имаат своја вила. Гости на свадбата беа членови на семејството и неколку најблиски пријатели.

„Поради пандемијата и болничкото лекување, моравме да го поместиме датумот неколку пати“, велат тие, мислејќи и на Лундгреновата болест. Имено, актерот неодамна откри дека осум години се бори со ракот на белите дробови и смета дека за тоа е виновна неговата употреба на стероиди.

„Кога бев во Шведска, имав проблеми со стомачната киселина... Не знаев што е тоа, а потоа најдоа повеќе тумори во областа на бубрезите и црниот дроб“, рече тој во подкастот „In Depth with Graham Bensinger“. Особено проблематичен бил туморот на црниот дроб, кој пораснал до големина на лимон. Прогнозата не била добра, а еден лекар му рекол на Долф дека му остануваат само уште две до три години живот.

"Го прашав колку ми останува, мислам дека рече две или три години, но од неговиот глас можев да забележам дека мислеше дека е помалку. Мислев дека мора да е тоа. Имав е*ано одличен живот. Живеев пет животи во еден. Така што не бев огорчен поради тоа", рекол актерот. Долф верува дека неговата употреба на стероиди, кои ги користел во 80-тите и 90-тите години, може да биде виновна за болеста.

"Не знам дали има врска со ракот. Размислував за тоа, секогаш мислите дека не сте во право. Мислам дека можеби има некаква поврзаност помеѓу тестостеронската терапија и ракот. Бев на стероиди кога бев помлад, можеби десет години. Во зависност од видот на филмот што го снимав", рекол актерот.

Актерот побарал дополнително мислење од онкологот Александра Дракаки од медицинскиот центар UCLA, која го лекуваше користејќи неодамна развиени медицински методи. Третманот се покажал како ефикасен и туморот е намален за 90 проценти. „Среќен сум што сум жив“, заклучил тој.

Да потсетиме, актерот роден во Стокхолм со поранешната сопруга Анет Квиберг има две ќерки Ајда Сигрид Лундгрен (27) и Грета Евелин Лундгрен (22).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

43 санкционирани возачи на мотоцикли и лесни електрични возила во акциска контрола во скопски Чаир

 Од нив 19 санкции за возачи кои управуваат мотоцикл без заштитна кацига.

43 санкционирани возачи на мотоцикли и лесни електрични возила во акциска контрола во скопски Чаир

Вчера (21.08.2026) во периодот од 14:00 до 20:00 часот, Мобилната единица за безбедност на сообраќајот на патиштата при Секторот за сообраќајни работи спроведе акциска контрола во сообраќајот на подрачјето на општина Чаир во Скопје за санкционирање на возачи на мопеди, мотоцикли, четирицикли и лесни електрични возила кои не ги почитуваат сообраќајните правила и прописи.

При контролата изречени се вкупно 43 мерки за сторени сообраќајни прекршоци. Од нив 19 санкции за возачи кои управуваат мотоцикл без заштитна кацига, три мерки за несоодветна категорија, 19 санкции за прекршоци сторени од возачи на лесни електрични возила и две останати мерки кон други учесници во сообраќајот.

За сите прекршители на сообраќајните правила изготвени се соодветни поднесоци.

Сообраќајните контроли продолжуваат и во наредниот период. Апелираме до сите учесници во сообраќајот доследно да ги почитуваат сообраќајните правила и прописи. Само со одговорно однесување можеме заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Белорусија: Амбасадата во Финска ќе биде затворена

Белорусија објави дека ќе ја затвори својата амбасада во Финска од 1 септември, соопшти вчера финското Министерство за надворешни работи.

Белорусија: Амбасадата во Финска ќе биде затворена

Одлуката за затворање на амбасадата, која беше отворена во Финска во 2011 година, ја донесе Советот на министри на Белорусија и ја потпиша премиерот на земјата Александар Турчин, објави финскиот весник „Хелсингин Саномат“.

Последниот белоруски амбасадор во Финска беше Алексеј Самосуев, кој ја извршуваше функцијата од 2018 до 2024 година, а по него не беше назначен нов амбасадор.

Финска нема амбасада во Белорусија, но Министерството за надворешни работи на земјата има канцеларија за врски во Минск, која ќе продолжи да работи.

Извор: Б92

Тагови: белорусија Финска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Продолжува пинг-понгот меѓу Анкара и Тел Авив

Анкара вчера го осуди обидот на израелскиот премиер Бенјамин Нетанјаху, како што рече, да „ја претстави Турција како нова закана“.

Продолжува пинг-понгот меѓу Анкара и Тел Авив

Во соопштението од кабинетот на турскиот претседател Реџеп Таип Ердоган, објавено на платформата X, се вели дека Турција ги осудува „ситните политички тактики“ на Нетанјаху.

Кабинетот на Нетанјаху го нарече Ердоган „антисемитски диктатор“ во соопштение откако Турција издаде меѓународна потерница по него поради пресретнување на активистичка флотила што се упатуваше кон Појасот Газа.

Израел бомбардираше воздухопловна база во северозападна Сирија оваа недела, тврдејќи дека Турција го проширува своето воено присуство во областа, тврдење што Анкара го негираше.

Тагови: Анкара Тел Авив

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер