Доктор на суд призна дека силувал пациентки, додека биле во несвест и ги снимал- една од нив „го уловила“ - Канал 5

Свет

Доктор на суд призна дека силувал пациентки, додека биле во несвест и ги снимал- една од нив „го уловила“

Докторот Жи Алан Ченг се изјаснил за виновен во понеделникот за сексуално напаѓање пациентки во болницата „Њујорк-Презвитеријан Квинс“ и за силување жени што ги лекувал додека биле под седативи во својот дом, објави ABC News.

Доктор на суд призна дека силувал пациентки, додека биле во несвест и ги снимал- една од нив „го уловила“

Обвинителите изјавија дека Ченг, 35, признал дека злоупотребил седум пациентки. Тој бил уапсен во 2022 година откако жртва пронашла видео од него како ја злоупотребува додека таа била во несвест, објави ABC News.

Докторот е приведен во притвор

Полицијата соопшти дека открила видео докази за сериозни кривични дела извршени во домот и работното место на лекарот.

Ченг е во притвор од неговото апсење и му е забрането да се занимава со медицина. Доколку биде осуден, докторот може да се соочи со максимум 24 години затвор.

„Нивото на насилство и перверзија што го покажал при сексуалното напаѓање на своите жртви беше усложнето од фактот дека се заколнал дека нема да им наштети како медицински професионалец“, рече обвинителката Мелинда Кац.

„Жал ни е за сè“

Повеќето од жртвите не се сеќавале на злоупотребата бидејќи биле под седативи. Една жена се разбудила за време на нападот откако била успиена за гастроинтестинална процедура, велат обвинителите.

Службениците во болницата „Њујорк-Презвитеријан Квинс“ соработуваа со истражителите во кривичниот случај.

„Лекарите се грижат за пациентите и се одговорни за нивната безбедност и благосостојба. Тоа е света должност. Злосторствата извршени од ова лице се ужасни, гнасни и претставуваат фундаментално предавство на нашата мисија и довербата што нашите пациенти ја имаат во нас. Длабоко ни е жал за сè што жртвите и нивните семејства претрпеа“, изјави портпаролката на болницата Анџела Карафазли во соопштението.

Адвокатот на Ченг, Џефри Ајнхорн, им се заблагодари на обвинителите по спогодбата за признавање на вина и накратко изјави: „Обвиненијата за кои тој денес се изјасни за виновен се исклучително сериозни“.

Тагови: Доктор пациентки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер