Министерството за здравство континуирано ја следи епидемиолошката состојба на подрачјето на Гостивар и согласно последните податоци од јавните здравствени установи информираме дека од вчерашниот ден се забележува почетно намалување на бројот на новопрегледани пациенти со симптоми на гастроентероколит, односно пациенти кои првпат побарале лекарска помош.

Кумулативно, во Општа болница Гостивар досега се евидентирани 1.554 пациенти, а во Здравствен дом Гостивар 1.392 пациенти. Четирите лица, кои беа хоспитализирани веќе се пуштени на домашно лекување. Досега се доставени 140 формални пријави, кои се обработуваат од епидемиолошките тимови на ЦЈЗ Тетово и Институтот за јавно здравје, и се спроведени 81 епидемиолошка анкета.

Во однос на дневниот тренд на новопрегледани пациенти, податоците покажуваат дека во текот на вчерашниот ден (19.07) се евидентирани вкупно 564 новопрегледани пациенти во болницата и здравствениот дом, што покажува намалување во споредба со претходниот ден кога биле евидентирани 649 новопрегледани пациенти и кога беше достигнат најголемиот број на новопрегледани пациенти во тек на еден ден.

Потсетуваме дека клиничката слика кај најголемиот број пациенти е лесна, и се спроведуваат сите потребни епидемиолошки, лабораториски и превентивни активности.

Министерството за здравство апелира граѓаните да ги следат официјалните препораки, да одржуваат редовна хигиена на рацете, а лицата со повраќање, дијареја, покачена температура или знаци на дехидратација навремено да побараат медицинска помош, соопштуваат од МЗ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Градоначалникот на Скопје, Орце Ѓорѓиевски, истакна дека веднаш по преземањето на функцијата биле преземени конкретни чекори за надминување на долгогодишните пречки и за продолжување на реализацијата на овој исклучително значаен инфраструктурен проект.

„Уште од првиот ден силно се заложивме да ги решиме проблемите што со години ја блокираа изградбата на клучката ‘Момин Поток’. Денес, на терен се гледаат конкретни резултати и проектот конечно напредува со динамиката што ја заслужува“, изјави Ѓорѓиевски.

Во рамки на тековните градежни активности, поставен е нов асфалт на коловозните ленти за влез во Скопје. По целосното расчистување на трасата, ќе продолжи изградбата и на коловозните ленти во правец кон булеварот „Словенија“.

Паралелно се работи на изградба на три моста. Во моментов се врши уривање на стариот дел од мостот над реката Серава. Првиот дел од новиот мост е веќе изграден, а во следната фаза ќе се пристапи кон негово целосно комплетирање.

Истовремено, во тек е и изградбата на нова атмосферска канализација, со што ќе се обезбеди подобро и поефикасно одведување на атмосферските води во овој дел од градот.

Со целосната реализација на клучката „Момин Поток“ значително ќе се растовари сообраќајот, ќе се овозможи побрзо и побезбедно движење и ќе се добие современо сообраќајно решение на една од најфреквентните точки во Скопје.

„По долгогодишниот застој, денес на терен се гледа напредок. Продолжуваме посветено, затоа што пред Скопје се уште многу големи инфраструктурни проекти“, порача градоначалникот Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Канадскиот рапер Дрејк откри непосредно пред натпреварот дека се обложил на 1,5 милиони долари за победа на Аргентина во рок од 90 минути, што веднаш предизвика разговори за познатата „Проклетство на Дрејк“.

Суеверието, познато како „Проклетство на Дрејк“, се базира на идејата дека спортистите и тимовите што раперот јавно ги поддржува или на кои се обложува редовно губат. Загриженоста на аргентинските фанови по неговата објава беше оправдана, со оглед на долгата историја на неуспешни облози на раперот. Поради поразот на Аргентина, Дрејк се откажа од својот влог од 1,5 милиони долари и пропушти потенцијална исплата од 5,1 милиони долари.

Низа скапи промашувања

Најновата загуба е само една по ред. Во февруари оваа година, раперот наводно изгубил милион долари затоа што верувал во победата на Њу Ингланд Патриотс против Сиетл Сихокс во Супербоул LX. Облогот на победата на Јаник Синер над Карлос Алкараз на Отвореното првенство на САД го чинеше дополнителни 300.000 долари. Неговата историја на обложување вклучува скапи загуби во различни спортови.

Drake has gone big on Argentina in the World Cup Final 👀

A $5.1M payout awaits on Stake, if they beat Spain in regular time. pic.twitter.com/VMkPFTK951

— Stake.com (@Stake) July 18, 2026

Победничко предвидување од 2022 година

Тимот на Лионел Скалони сè уште можеше да се надева дека нивната лоша серија нема да продолжи. Во 2022 година, Дрејк заработи 1 милион долари обложувајќи се на Аргентина дека ќе го освои финалето на Светското првенство во Катар. Во тоа време, тој правилно го предвиде нивниот триумф над Франција, иако победникот беше решен дури по изведување на пенали. Сепак, четири години подоцна, неговото предвидување беше погрешно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.