Директорот на српската владина Канцеларија за Косово и Метохија, Петар Петковиќ, по трилатералната средба во Брисел од техничкиот дијалог на Белград и Приштина, изјави дека разговорите биле тешки и дека српската делегација инсистирала на формирање Заедница на српски општини (ЗСО) и за нормализирање на односите, но дека Бесник Бисљими одбил да разговара за нацртот за ЗСО, јави дописникот на МИА од Белград.

-На средбата со Лајчак инсистиравме на формирање Заедница на српски општини, но разговаравме и за исчезнатите лица и енергетиката, како и за деблокирање на српската стока која не може да влезе на територијата на Косово повеќе од една година. Разговаравме и за мостот на Ибар, рече Петковиќ за РТС, по што следела средба на приштинската делегација со Лајчак, а потоа и трилатерална средба, односно директна средба на делегациите на Белград и Приштина.

Тој додаде дека на трипартитната средба, главниот приштински преговарач Бесник Бисљими рекол дека не го прифаќа договорот за официјални посети.

-Имаше бројни прашања за енергетиката, каде нашиот тим покажа како функционира Електросевер и прашањето за ЗСО, каде разговаравме за патоказот како да продолжиме со нормализацијата преку конкретни чекори, изјави Петковиќ на РТС.

Тој кажа да на средбата истакнал дека Белград е подготвен да разговара за нацрт-статутот на ЕУ за ЗСО, иако има и статут на Управувачкиот тим и дека европскиот нацрт е добра основа, додека Бисљими одбил да разговара за нацрт-статутот на ЕУ.

-Нацрт-статутот е клучен за формирање на ЗСО и тоа е јасно дефинирано во договорот. Тоа покажува дека тие не сакаат и нема да ја формираат ЗСО и дека политиката на Курти е протерување на Србите, изјави Петковиќ./МИА

Со новиот шести инвестициски пакет во рамки на Економскиот и инвестицискиот план на ЕУ за Западниот Балкан, кој се очекува да изнесува 1,2 милијарди евра, се предвидени инвестиции во осум проекти за водоснабдување и канализации, третман на отпадни води, за железничкиот транспорт, како и за зелена трансформација на малите и средни претпријатија.

Од предвидените осум проекти само оној за Механизмот за иновации и зелена трансформација за поддршка на мали и средни претпријатија и нивните зелени инвестиции е на ниво на регионот на Западниот Балкан и ќе биде посветен за поддршка на иновативни производи и процеси и зелени проекти, како и за ублажување влијанието на климатските промени.

Од останатите инфраструктурни проекти, како што јави дописникот на МИА од Брисел, пет се во Црна Гора, а по еден во Босна и Херцеговина и Србија.

Во Црна Гора ќе бидат поддржани проектите за изградба на системи за собирање отпадни води во Никшиќ и во Пљевља, изградба на пречистителната станица и проширување на канализациската мрежа во Улцињ, надградба на водоводниот и канализациски систем во Тиват, надградба на водоводната мрежа во Котор и поврзување на канализациските мрежи на четири населени места од оваа општина со пречистителната станица во Бока Которска, како и подобрување на системот за водоснабдување во Цетиње.

Во Босна и Херцеговина ќе се инвестира во реализација на Втората програма за водоснабдување и канализации во Република Српска, а во Србија за обнова на пругата на делницата Белград-Велика Плана во должина од 86 километри, со што ќе се овозможи движење на возовите на железничкиот коридор 10 до Ниш со брзина до 200 километри на час.

Инвестицискиот проект што ќе се реализира во соработка меѓу ЕУ, земјите од Западниот Балкан и меѓународни финансиски институции, вклучува 300 милиони евра грантови од Инструментот за претпристапна помош (ИПА III), дополнителни билатерални придонеси од земјите членки на ЕУ и Норвешка, кредити од меѓународни финансиски институции и средства од економиите од Западниот Балканот.

Претседателката на Европската комисија, Урсула фон дер Лајен истакна дека со новиот пакет од 1,2 милијарди евра од Инвестицискиот план за Западниот Балкан вреден 30 милијарди евра, ЕУ докажува дека испорачува.

- Зајакнувањето на регионалните врски со квалитетна инфраструктура не зближува, што е и наша крајна цел. Нашите партнери од Западен Балкан ја градат својата европска иднина. Овие инвестиции, заедно со неопходните реформи и пристапот до нашиот единствен пазар, ќе ги подготват економиите на нашите партнери да се приклучат на нашата Унија, нагласи Фон дер Лајен.

Според еврокомесарот за проширување и соседска политика Оливер Вархеји овој инвестициски пакет е показател дека Економскиот и инвестицискиот план на ЕУ за Западниот Балкан се спроведува брзо, со заедничка амбиција за доближување на регионот до ЕУ.

- Инвестициската рамка за Западниот Балкан направи видлива разлика во последните 15 години, вклучително и помошта на регионот да ги поврзе своите патни, железнички, енергетски и дигитални инфраструктури и да ги преброди енергетската криза и пандемијата на Ковид-19, нагласи Вархеји.

Тој додаде и дека ЕУ со нетрпение очекува да продолжи да работи со државите од Западниот Балкан, бидејќи има за цел да ја забрза социо-економската конвергенција на регионот како дел од новиот Инструмент за реформи и раст од шест милијарди евра и да овозможи придобивки и за граѓаните и за бизнисите.

Инвестицискиот пакет беше одобрен од состанокот на Оперативниот одбор на Инвестициската рамка за Западниот Балкан (ВБИФ) одржан претходните два дена.

Економскиот и инвестицискиот план на ЕУ за Западен Балкан за периодот 2021-2027 има за цел да го поттикне долгорочното заздравување на регионот, да ја забрза зелената и дигитална транзиција и да ја поттикне регионалната соработка и конвергенција со ЕУ.

Планот, кој беше усвоен од Европската комисија во октомври 2020 година, предвидува 30 милијарди евра инвестиции за период од седум години, од кои и девет милијарди евра грантови од ЕУ преку ИПА III и пет милијарди евра преку Инвестициската рамка за Западниот Балкан.

Досега во рамките на Економскиот и инвестицискиот план, ЕУ одобри програми за реализација на инвестициски проекти во износ до 17,5 милијарди евра, вклучително и 5,4 милијарди евра грантови.

Инвестициската рамка за Западниот Балкан (ВБИФ), пак, е заедничка финансиска платформа лансирана пред 15 години, преку која Европската комисија, финансиските институции, земјите членки на ЕУ и Норвешка ја зајакнуваат соработката во инвестиции во јавниот и приватниот сектор во регионот, со цел поддршка на неговиот социо-економскиот развој и придонес во неговата европска интеграција.

Покрај тоа што е главен финансиски инструмент за спроведување на Економскиот и инвестицискиот план на ЕУ, предвидено е Инвестициската рамка да игра важна улога и во имплементацијата на новиот Механизам за реформи и раст на Западниот Балкан, вреден

6 милијарди евра, кој има двојна цел - зајакнување на социјалната и економска конвергенција на земјите од регионот со ЕУ и забрзување на процесот на нивно пристапување кон блокот.

Предвидено е преку ВБИФ да се насочуваат грантовите и заемите во рамки на Механизмот наменети за поддршка на приоритетните инвестиции во транспортот, енергијата, дигиталниот сектор и човечкиот капитал. /МИА

Долж Повардарието ќе дува засилен северен ветер со брзина над 60 километри на час, соопшти Управата за хидрометеоролошки работи.

Минималната температура ќе биде во интервал од 13 до 20, а максималната ќе достигне од 24 до 32 степена. UV=7

Во Скопје, променливо облачно со сончеви периоди. Ќе дува умерен до засилен северен ветер. Минималната температура ќе се спушти до 18, а максималната ќе достигне до 28 степени.

Од УХМР најавуваат дека во четврток ќе се задржи променливото облачно и посвежо време со локален пороен дожд и услови за ретки грмежи, а од петок времето ќе биде стабилно и топло.