Додик по средбата со Путин: Русија ќе го презентира извештајот за БиХ пред Советот за безбедност - Канал 5

Балкан

Додик по средбата со Путин: Русија ќе го презентира извештајот за БиХ пред Советот за безбедност

Република Српска подготвува извештај за Советот за безбедност на ООН, кој ќе биде презентиран од Русија, соопшти на „Икс“ Милорад Додик, разрешениот претседател на Република Српска, кој синоќа се сретна со рускиот претседател Владимир Путин .

Додик по средбата со Путин: Русија ќе го презентира извештајот за БиХ пред Советот за безбедност

Република Српска подготвува извештај за Советот за безбедност на ООН, кој ќе биде презентиран од Русија, соопшти на „Икс“ Милорад Додик, разрешениот претседател на Република Српска, кој синоќа се сретна со рускиот претседател Владимир Путин на Меѓународниот дебатен клуб „Валдај“ во Сочи.

Додик наведе дека Русија моментално претседава со Советот за безбедност, а на дневен ред е Босна и Херцеговина. Седницата е закажана за 31 октомври, јави Радио Слободна Европа.

„Задоволен сум што разговарав за стабилните стратешки односи со Путин, кој е добро запознаен со сложената состојба во Република Српска“, напиша Додик.

Според Дејтонскиот мировен договор, БиХ е поделена на два ентитета – Република Српска и Федерацијата БиХ. Иако имаат свои институции, тие се поврзани преку заеднички државни органи и со улогата на високиот претставник на меѓународната заедница.

Не е јасно во кое својство Додик се сретнал со Путин, со оглед дека во август му беше одземен претседателскиот мандат откако беше осуден на една година затвор и шестгодишна забрана за јавни функции. Затворската казна ја откупи согласно законот.

Додик додаде дека и неговата пресуда била тема на разговорот со Путин. Парламентот на Република Српска за 25 октомври закажа референдум за тоа дали судската одлука за неговото разрешување треба да се почитува. За 23 ноември се закажани избори за нов претседател.

Состанокот во Сочи е деветта средба меѓу Додик и Путин од почетокот на руската агресија врз Украина.

Тагови: Милорад Додик путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Излезноста на локалните избори во Брвеница до 13 часот е 27.81 %.

Според пресекот направен во 13 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната:

ДИК: Излезноста на локалните избори во Брвеница до 13 часот е 27.81 %.

Според пресекот направен во 13 часот, и податоците пристигнати до Државната изборна комисија, статистиката за излезност на гласачите на вториот круг од Предвремените избори за градоначалник на општина Брвеница е следната: Од пристигнати податоци од 24 избирачки места, вкупниот број на гласачи кои го оствариле правото на глас изнесува 4518 , или изразено во проценти 27.81 %.

Во споредба со првиот круг на изборите кој се одржа на 18 октомври 2026, излезноста е зголемена за 7.31 %.

Во однос на заштитата на личното избирачко право, до 13 часот е пристигнат 1 приговор кој е усвоен и на гласачот му е овозможено да гласа.

Следната информација за пресекот на излезноста на гласачите и текот на гласање следува на прес конференцијата во 15.30 ч, која ќе се одржи во седиштето на ДИК.

Тагови: ДИК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Неготино и СРЦ Младост беа во центарот на балканскиот професионален бокс

 Во спортската сала Младост во Неготино вчера се одржа елитниот боксерски настан BALKAN BOXING на кој настапија боксери од Македонија и странство.

Неготино и СРЦ Младост беа во центарот на балканскиот професионален бокс

Настанот се одржа во соработка со Про Бокс Македонија, а ваков боксерски спектакл за прв пат се одржува во Неготино и Република Македонија.

Целиот боксерски спектакл од Неготино директно се пренесуваше на специјализирани ТВ канал за бокс што овозможи истиот да го проследат гледачи од целиот Балкан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Скопје опожарен паркиран автомобил пежо

Во населбата Аеродорм во Скопје засега непознат сторител опожарил автомобил пежо. 

Во Скопје опожарен паркиран автомобил пежо

На 31.10.2026 во 21:24 часот во СВР Скопје било пријавено дека на бул. „12-та Македонска бригада“ во Скопје, едно лице со употреба на запалива течност опожарил паркирано патничко возило „пежо“ со скопски регистарски ознаки, во сопственост на 62-годишната И.С. од Скопје. Повредени лица нема. Пожарот бил изгаснат со ПП апарат од страна на нејзиниот сопруг. Се преземаат мерки за расчистување на случајот., соопштија од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер