Доделување признанија на ученици за литературни и ликовни творби за Гоце Делчев - Канал 5

Култура

Доделување признанија на ученици за литературни и ликовни творби за Гоце Делчев

Покрај реализираниот научен собир, конкурсите за творби од ученици се дел од активностите на ИНИ за  одбележување еден и пол век од раѓањето на Гоце Делчев.

Доделување признанија на ученици за литературни и ликовни творби за Гоце Делчев

Во дворот на црквата „Св. Спас“ во Скопје денеска напладне ќе бидат доделени дипломи и признанија на десет наградени трудови по конкурсите кои ги распиша Институтот за национална историја (ИНИ) за ликовни и литературни творби на тема „150 години од раѓањето на Гоце Делчев“ за ученици од основното образование.

Покрај реализираниот научен собир, конкурсите за творби од ученици се дел од активностите на ИНИ за одбележување еден и пол век од раѓањето на Гоце Делчев.

Одборот за одбележување на 150-годишнината од раѓањето на Делчев соопшти дека доделувањето на наградите е завршен настан и дека локацијата и датумот на неговото организирање соодветствуваат со денот кога се пренесени моштите на Гоце Делчев од Софија во Скопје.

На настанот ќе се обратат проф. д-р Катерина Тодороска, претседателка на Одборот за одбележување на годишнината, и претседателките на комисиите што ги оценија трудовите – Ирена Ралева-Најдевска за литературните и Јана Маневска-Чупоска – за ликовните творби.

Претседателките на комисиите ќе ги доделат наградите на учениците и благодарници на нивните ментори заедно со проф. д-р Митко Панов, претседател на Здружението на историчари на Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Во Гостивар здравствениот систем реагираше навремено, пациентите добија соодветна здравствена грижа

Министерството за здравство ја почитува законската можност секој да поднесе пријава доколку смета дека постои основ. 

МЗ: Во Гостивар здравствениот систем реагираше навремено, пациентите добија соодветна здравствена грижа

Истовремено, очекуваме надлежните институции професионално, темелно и неселективно да ги испитаат сите наводи.

Основното јавно обвинителство веќе постапува по случајот. Министерството и сите надлежни здравствени установи целосно ќе соработуваат и без одложување ќе ја достават секоја побарана информација, анализа и документација.

Во Гостивар здравствениот систем реагираше навремено, пациентите добија соодветна здравствена грижа, а јавноста беше информирана за состојбата. Здравјето на граѓаните не смее да биде предмет на дневнополитички пресметки.

Оттука, сметаме дека обидите на СДСМ случајот да го претвори во партиска тема не придонесуваат за утврдување на фактите. Наместо политички квалификации и прес-конференции, потребно е да им се овозможи на надлежните институции непречено да ја завршат постапката.

Министерството ќе продолжи да работи транспарентно и одговорно. Наши приоритети остануваат функционалниот здравствен систем, заштитата на здравјето на граѓаните и целосното утврдување на фактите врз основа на докази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Чакал касна жена во Романија; мештаните ја спасија

Чакал нападна 41-годишна жена утрово, на 10 август, пред нејзиниот дом во селото Олтенешти во источна Романија. 

Чакал касна жена во Романија; мештаните ја спасија

Животното ја касна жената за подлактицата и ѝ го изгреба стомакот, но таа се спаси благодарение на мештаните кои веднаш ѝ притекнаа на помош.

Нападот се случи пред домот на 41-годишната жена, која итно беше пренесена во окружната болница, пренесува Digi24.

Жртвата остана свесна и присебна; по инцидентот, жителите изразија загриженост и побараа од надлежните да интервенираат и да ги отстранат опасните животни од околината на селото, бидејќи стравуваат да излезат од своите домови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Селекцијата за прием во Средното полициско училиште „7-ми Мај“ се спроведува согласно утврдените критериуми

Во врска со наводите изнесени во јавноста дека кандидат за прием во Средното полициско училиште „7-ми Мај“ не бил повикан на проверка на моторичките способности и покрај тоа што ги исполнувал условите од јавниот повик, Министерството за внатрешни ра

МВР: Селекцијата за прием во Средното полициско училиште „7-ми Мај“ се спроведува согласно утврдените критериуми

Соопштение МВР

Процесот на селекција сè уште е во тек и се спроведува во повеќе последователни фази. На проверка на моторичките способности се повикуваат кандидатите кои претходно успешно ја поминале административната селекција.

Во рамки на административната селекција, меѓу другото, се утврдува исполнувањето на условот кандидатот да има најмалку „добар“ општ успех во двете завршени години средно образование и да не му биле изрекувани педагошки мерки во училиштето во кое ги завршил прва и втора година.

Во конкретниот случај, кандидатот не е повикан на проверка на моторичките способности бидејќи не ја поминал административната селекција, односно не ги исполнил сите услови што се проверуваат во оваа фаза.

По завршувањето на целокупната постапка, кандидатите ќе бидат известени за исходот од селекцијата, а согласно предвидената постапка ќе им биде овозможен и увид во документацијата.

Министерството за внатрешни работи апелира да не се изнесуваат неточни и непотврдени информации пред официјалното завршување на процесот. Селекцијата се спроведува професионално, согласно критериумите од јавниот повик и со еднаков третман на сите кандидати, стои во соопштението од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер