За 16 лица се смета декас е исчезнати , а најмалку 189 се повредени и згижени во болниците.
Јапонскиот премиер Шинзо Абе рече дека приоритет е да им помогнат на погодените, но и дека треба да се отворат засолништата за сите откако се појавија информации дека едно прибежиште одбило да прими двајца бездомници.
Тајфунот Хагибис ја погоди Јапонија со обилни врнежи и ветрови со брзина од 225 км на час. Меѓутоа, кога двајца бездомници побарале засолниште од природната непогода во Токио, биле одбиени „затоа што немале адреса“. Случајот предизвика жестока дебата.
Кога Хагибис ја погоди Јапонија во саботата наутро, 64-годишен бездомник се упатил кон основно училиште што се користело како центар за евакуација, пренесува BBC. Како што информирала полицијата за весникот „Асахи Шимбун“, од мажот било побарано да ги напише своето име и адреса на хартија. Кога рекол дека нема адреса, тие одбиле да го примат.
„Им реков дека имам адреса во Хокаидо, но тие сепак ми забранија пристап до засолништето“, рече тој, велејќи дека ноќта ја поминал под чадор под покривот на зградата.
Истото попладне бил одбиен уште еден бездомник. Како што се ширела веста на социјалните мрежи, се зголеми гневот на граѓаните.
- И ова е земја што ќе биде домаќин на Олимпијадата во Токио? Па, ова ќе го видат луѓето од странство и ќе мислат дека ова е ужасна земја - напиша корисник на Твитер.
Работниците и волонтерите во спорниот центар ја отворија вратата за сите подоцна во вечерните часови, но не сите беа среќни. Тие коментираа дека „смрдливите“ и „ментално болните“ бездомници не треба да бидат сместени во просторија со други, туку треба да им се обезбеди посебен простор.
Премиерот Шинзо Абе беше запрашан за коментар за случајот.
- Во прифатните центри мора да бидат сместени сите што доаѓаат и им треба засолниште. Ние ќе испитаме што се случило и ќе преземеме неопходни мерки“, рече Абе.