Во последниот негов труд за изработка на графити на ѕидот на детската установа „Весели цветови”, учествуваше доброволно, а во договор со граѓани, институции на доброволна база е подготвен да работи на поголем простор. Неретко црта и на карпи и на сите оние места кои ќе му „фатат” око, а меѓу нив и автомобили и други предмети.

При изработката на графити на детската градинка, како што вели, за време на целата негова работа бил опкружен од дечиња, што за него престставува посебно задоволство.

– Работата на ѕидот на градинката ја завршив во експресен рок. Беше задоволство да се работи за дечињата. Во градинката се разбира цртежите се со мотиви кои одговараат на опкружувањето, а инаку црпам инспирација од местото каде се наоѓаме, од опкружувањето, од дневно-политичката ситуација, некогаш тоа е иронија на општественото живеење, со инспирацијата знам и да претерам за луѓето. Оти всушност графиката е преку цртеж да раскажеш многу, рече Манов.

Во рамки на неговата работа, тој често со неговите цртежи знае да укаже на одреден проблем. Цртежите на ѕидовите покрај меѓународниот пат во селото Ѕвегор каде секојдневно гравитираат многу возила се доказ за тоа.

– Во село Ѕвегор е симптоматично што многу брзо се вози. За таа појава да се намали, почнав со еден цртеж покрај патот кој го привлекуваше вниманието на возачите. Забележав дека тоа има ефект и нацртав уште 10 такви и сега во голема мера таму е намалена брзината, додава графитчијата од Ѕвегор.

Иако речиси цел живот се занимава со цртање, последните 5 години за Манов се особено активни.

-Повеќето мислат дека цртањето графити е дарба и секако тоа е близу до вистината, но потребно е и многу работа. За самите графити особено во западните земји може да кажеме дека од илегална работа, се повеќе стануваат легална работа и бизнис. Ако порано имаше забрана за цртање во некои земји, сега се заработува од тоа, особено во Швајцарија каде за одредена квадратура се заработува солидна сума. Во Македонија засега работата ја работам, доброволно, доволно е само да има ѕид и добра воља од заинтересираните, додава Манов.

отенцира дека за добар графит потребен е добар спреј кој заедно со останатите материјали ги набавува претежно од странство.

– Материјалите ги набавувам претежно од Швајцарија, а кога сум во Македонија најголем дел од Скопје. Сите знаеме дека за графитите е потребно спреј кој најчесто се користи, се разбира тоа се квалитетни марки кои придонесуваат за квалитетен цртеж. Искуства споделувам со Хром кој е познат графитчија во Северна Македонија, дополни Манов.

Бидејќи често е на релација Швајцарија – Македонија, ѕвегорскиот графитчија заинтересираните најчесто го бараат на социјалните мрежи, но отворен е за соработка и во непосреден контакт со зинтересираните.

– Живееме во време на интернет и социјални мрежи, па така достапен сум таму. Секако луѓето можат и лично да ме побараат, за се може да се договориме, ќе повторам работам доброволно, потребно е само сопственикот да одбере простор и да се договориме околу тоа што треба да се претстави преку цртежот на тоа место, рече Манов.

За крај порача дека сите кои имаат свој талент треба да го надградуваат, бидејќи само така може да се дојде до успехот. Сите кои поминуваат покрај Меѓународниот пат кој преку Ѕвегор води до граничниот премин Делчево со соседна Република Бугарија лесно можат да ги забележат цртежите на Манов кои упатуваат силна порака која некогаш спасува и човечки животи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.