До септември се очекува да биде отворен Музејот на виното во Кавадарци - Канал 5

Македонија

До септември се очекува да биде отворен Музејот на виното во Кавадарци

„Кавадарци и регионот ќе добијат вински музеј кој ќе биде од големо значење и за туризмот и за развивање на Вардарскиот  регион“, вели Јанчев.

До септември се очекува да биде отворен Музејот на виното во Кавадарци

До септември годинава се очекува да биде отворен Музејот на виното во Кавадарци, најавија денеска градоначалникот Митко Јанчев, министерот за локална самоуправа Горан Милевски и раководителот на Центарот за развој на Вардарскиот плански регион Игор Андреев.

По направениот увид во работите на новиот Музеј, тие истакнаа дека изградбата вредна 7,5 милиони денари е со кофинансирање од Министерството и Бирото за регионален развој, но од вкупната сума, три милиони денари се општински пари.

-Кавадарци и регионот ќе добијат вински музеј кој ќе биде од големо значење и за туризмот и за развивање на Вардарскиот регион познат по виновата лоза и по производството на вино. Во овој музеј посетителите ќе може да се запознаат со лозарството и винарството, рече Јанчев.

Како што дополни министерот Милевски, Музејот ќе ја зголеми и туристичката понуда. Во него ќе се дегустираат вина, ќе се организираат промоции, предавања, обуки, работилници поврзани со виното.

-Ќе има и изложба за тоа како се правело виното, на кој начин. Со средства на општина Кавадарци ќе се доуреди објектот и се надевам дека до роденденот на Кавадарци, седми септември, официјално ќе биде отворен. Сите проекти што ги правиме, ги правиме заеднички со општините. Партнер ни се општините бидејќи без нивна поддршка нема да можеме да реализираме поголем број на проекти, нагласи Милевски.

Министерот, градоначалникот и раководителот на Центарот за развој на Вардарскиот плански регион направија увид и во проектот за финализирање на коритото на реката Луда Мара.

Јанчев потсети дека веќе неколку години општина Кавадарци заедно со Вардарски плански регион и со Министерството за локална самоуправа со кофинансирање работи на изградба на Кејот во градското подрачје. Со оваа доградба ќе се направи комплетно заокружување на целиот процес. Вкупната инвестиција е 23 милиони денари, должината е 750 метри, а се очекува целиот проект да биде завршен во септември, октомври.

-Од Ваташа до излезот на Кавадарци, односно до „Видое Смилевски" добиваме комплетен Кеј од шест километри со велосипедски патеки, со можност за рекреирање и урбанизирање на средината каде нашите граѓани ќе можат комотно да се движат, да се рекреираат и да уживаат, додаде Јанчев.

Министерството за локална самоуправа финансиски покрива 25 отсто од проектот, а остатокот е на општина Кавадарци.

-Уште во старт кога станав раководител на Вардарскиот плански регион, кажав јасно и гласно дека не само што ќе продолжи, туку и мојата намера ќе биде да се засили соработката и со Кавадарци и со сите општини од регионот за подобрување на квалитетот на живот на жителите, но и за промоција на туризмот. Кавадарци и Тиквешијата се познати по виното и по многу други работи заедно со сите останати објекти, со сите други општини од регионот. Може да претставуваат една целина и да претставуваат конкуренти не само во регионот, државата, туку и пошироко надвор, за привлекување туристи. Мислам дека има голем потенцијал и навистина можам да ветам дека понатаму ќе продолжиме со поддршката која и досега беше во голема мера и од Министерството и од останатите други донатори, нагласи Андреев чиј цел, покрај туризмот и квалитетот на животот, е и раздвижување на бизнис центрите и економијата во овој регион. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аргентина во шок: Се повлече Меси

Она што беше најавувано сега доби епилог. 

Аргентина во шок: Се повлече Меси

Легендарниот Лионел Меси одлучи да се повлече од репрезентацијата, објави тој на својот официјален профил на Инстаграм. Тој објави и емотивна порака.

Лионел Меси играше на овогодинешното Светско првенство, стигна до финалето со Аргентина и беше поразен од Шпанија со 1-0 по продолженијата. Сега Меси се огласи по Светското првенство, по долго време, и откри дека повеќе нема да игра за Аргентина.

- По сето ова време што помина од финалето, откако многу размислував за сè, сакам да им кажам на сите дека се повлекувам од репрезентацијата... Тоа беше одлука што ме болеше и што ми ја боли душата, но разбирам дека дојде време за тоа. Ви се колнам дека секогаш сум давал сè од себе, не само во последните неколку години кога сè се освојуваше, туку и порано. Секогаш сум се борел и сум оставал сè за овој дрес, за да ви дадам радост и да ве направам горди што сте Аргентинци преку фудбалот.

- Сè уште има малку време и некои фази полека се затвораат, а оваа е една од оние што многу ме боли. Сакам, сакав и секогаш ќе сакам да бидам дел од националниот тим. Се испразнив од себе, немам што повеќе да дадам. А покрај тоа, некои навистина одлични момци доаѓаат по мене кои заслужуваат да бидат тука. Ви благодарам за целата љубов и поддршка во текот на овие 20 години. Ќе ми недостига да ве слушам одвнатре, од теренот.

- Сега ќе бидам уште еден од вас, ќе ве бодрам и ќе ве поддржувам секогаш однадвор - во добри и лоши времиња, а особено тогаш. Благодарам на моето семејство што секогаш беше тука за мене, што ме придружуваше на ова прекрасно, но тешко патување. Благодарам на секој тренер, соиграч и службено лице со кого имав можност да го споделам ова патување. Носам со себе спомени и моменти што никогаш нема да ги заборавам.

- Си заминувам смирен и горд затоа што, заедно со моите соиграчи, ви ги дадов моментите за кои сонувавме. Беше лудо да го доживеам сето тоа заедно со вас. Ве сакам! Фала му на Бога што ме направи Аргентинец. Напред Аргентина! Ги напишав овие зборови на 21 јули, два дена по финалето. Денес, по сè што се случи со мојот татко, сум уште поубеден во мојата одлука.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ливерпул го претстави еден од најскапите играчи во историјата на фудбалот (ВИДЕО)

Бредли Баркола (23) е нов играч на Ливерпул, објави англискиот клуб. Францускиот крилен напаѓач пристигна од ПСЖ за фиксна сума од 125 милиони евра, плус 20 милиони евра во можни бонуси. 

Ливерпул го претстави еден од најскапите играчи во историјата на фудбалот (ВИДЕО)

Основниот износ на надоместокот го направи трет најскап играч во историјата на Ливерпул, зад Александар Исак (145 милиони евра) и Флоријан Вирц (125 милиони евра). Доколку договорените бонуси се реализираат, тој би бил изедначен на врвот со шведскиот напаѓач. Тој потпиша петгодишен договор.

Баркола дојде во ПСЖ пред три години од Лион со надомест од 45 милиони евра. Оттогаш, одигра 152 натпревари со учинок од 39 гола и 37 асистенции. Освои три француски и две титули во Лигата на шампионите, како и два домашни купа, како и еден Интерконтинентален куп. Трансфермаркт ја проценува неговата вредност на 90 милиони евра.

Тој влегува на седмото место, а може да скокне и на третото.

Трансферот на Баркола е еден од најскапите во историјата. Фиксната сума за надомест од 125 милиони евра го става на седмото место. Го дели со Јано Диоманде, кој неодамна се пресели од Лајпциг во Реал за истата сума.

Доколку се исполнат условите за активирање на бонусот од 20 милиони евра, тој се искачува на третото место, од кое ќе го истисне малку поевтиниот Александар Исак. Тој беше купен и од Ливерпул минатото лето.

Најскапи трансфери во историјата:

1. Нејмар од Барселона во ПСЖ за 222 милиони евра

2. Килијан Мбапе од Монако во ПСЖ за 180 милиони евра

3. Александар Исак од Њукасл во Ливерпул за 145 милиони евра

4. Морган Роџерс од Астон Вила во Челзи за 137 милиони евра

5. Елиот Андерсон од Нотингем во Манчестер Сити за 135 милиони евра

6. Жоао Феликс од Бенфика во Атлетико Мадрид за 126 милиони евра

7. Јан Диоманде од Лајпциг во Реал за 125 милиони евра

8. Бредли Баркола од ПСЖ во Ливерпул за 125 милиони евра

9. Антоан Гризман од Атлетико во Барселона за 120 милиони евра

10. Филипе Кутињо од Ливерпул во Барселона за 118 милиони евра

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре жешко време со температура до 37 степени, попладне наместа ќе врне пороен дожд

Времето утре ќе биде сончево и топло со мала до умерена локална облачност, информираат од УХМР.

И утре жешко време со температура до 37 степени, попладне наместа ќе врне пороен дожд

МАКСИМАЛНА ТЕМПЕРАТУРА

22 Попова Шапка, 28 Крушево, 29 Маврови Анови, 31 Берово, 32 Охрид, Претор, 33 Крива Паланка, 34 Битола, Прилеп, Виница, 35 Гевгелија, Демир Капија, Струмица, Тетово, 36 Кавадарци, Штип, 37 Велес, 38 Скопје Петровец, Зајчев Рид.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Во некои планински предели беше нестабилно со пороен дожд, грмежи и засилен ветер. Дуваше слаб до умерен ветер од југозападен правец. До крајот на денот ќе има услови за локална нестабиност проследена со пороен дожд, грмежи и засилен ветер. Во вечерните часови се очекува стабилизација на времето.

ВРЕМЕТО УТРЕ

Сончево и топло со мала до умерена локална облачност. Наместа ќе има услови за локална нестабилност со пороен дожд, грмежи и засилен ветер. Ќе дува слаб до умерен ветер од северен правец. Минималната температура ќе биде во интервал од 14 до 21, а максималната ќе достигне од 31 до 37 степени.

Во Скопје, сончево и топло со мала до умерена облачност. Ќе дува слаб до умерен ветер од променлив правец. Минималната температура ќе се спушти до 21, а максималната ќе достигне до 37 степени.

ВРЕМЕТО ВО НАРЕДНИТЕ ДЕНОВИ

Во наредните денови времето ќе биде сончево и топло со мала до умерена облачност. Во попладневните часови ќе има услови за локална нестабилност која ќе биде поизразена во среда и четврток кога процесите ќе бидат во форма на невреме со засилен ветер, пороен дожд, грмежи и услови за појава на град. Во петок и за време на викендот ќе биде сончево и топло со мала до умерена облачност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер