Култура

До крајот на неделава, Министерството за култура ќе распише тендер за изведувач на Универзаланата сала во Скопје

До крајот на неделата ќе биде распишан тендерот за изведба на Универзалната сала – најавува министерот за култура и туризам Зоран Љутков.

Ако се помине во ред, во употреба ќе биде пуштена за две години. Реконстукцијата треба да продолжи во септември, по завршувањето на новата тендерската постапка која трае два месеца. По опожарувањето направени се дополнителни испитувања и а добиените податоци се внесени во новиот проект, за кој министерството побарал да се гради по принципот „клуч на рака“ и да вклучува целосно внатрешно и надворешно уредување.

-Можам слободно да кажам дека се завршени сите процеси и дека до крајот на оваа недела ќе биде распишана јавна набавка и почнуваме со изградба на Универзалната сала, која што во динамиката која што ја имаме определено во делот на буџетот би требало да заврши до крајот на 27 година. Се одвоени некаде околу 20 милиони евра распределени во 3 години,- Зоран Љутков – министер за култура и туризам.

Љутков информираше и дека во министерството официјално преминува секторот туризам, откако вчера во Собранието беа изгласани измените на Законот за туристичка дејност. Со ова се укинува Агенцијата за промоција и подршка на туризмот, а министерството ќе преземе 30тина вработени, имотот како и сите постапки од агенцијата.

Меѓу активностите на министерството во секторот туризам, Љутков ја посочи борбата против нелегалните туристички водичи, особено оние кои погрешно ја пренесуваат македонската историја и култура. За ова веќе била остварена средба со туристичките водичи и е формирана работна група, која меѓудругото дискутирала за основање на туристичка инспекција, која би ги сакционирала ваквите појави.

- На тој работен состанок донесовме неколку заклучоци, а тоа е една од најголемите болки која ја имаат туристичките водичи и ние како држава искривување на вистината на нелегалните туристички водичи кои што доаѓаат и од други земји, но и од нашава земја и кои што прават голема штета на Македонија. Донесовме неколку заклучоци кои во наредниов период ќе треба да ги спроведеме и да се заштитиме од таквите влијанија понатаму,- Зоран Љутков – министер за култура и туризам .

Од агенцијата во министерството преминуваат и средства во вредност од 605 милиони денари. Љутков посочи дека дел од нив ќе бидат наменети за проектите за реконстукцијата на Скопското Кале и Плаошник, како и за промоција и подршка на туризмот. Дополнително со ребалансот на буџетот, култура доби 60 милиони денари за инфраструктурни проекти во општините.

Тагови: Министерство за култура и туризам

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Водата во Скопје безбедна за пиење

Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 04.08.2026 до 07.08.2026 зема 162 примероци за физичко-хемиска и 162 примероци за микробиолошка анализа на вода за пиење од 45 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Тагови: Водовод и канализација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Од Рим до Скопје – Vespa Grand Prix Skopje 2026

На 5 септември Скопје ќе биде домаќин на Vespa Grand Prix Skopje, целодневен настан посветен на Vespa културата, Италија и 80-годишнината на еден од најпрепознатливите италијански симболи.

На 5 септември 2026 година, со почеток во 10:00 часот, на големиот паркинг кај Спортскиот центар „Борис Трајковски“, спроти базенот, ќе се одржи Vespa Grand Prix Skopje – целодневен настан во организација на Vespa Club Skopje, посветен на Vespa културата, натпреварувачкиот дух и италијанскиот начин на живот.

Оваа година настанот добива дополнително значење бидејќи Vespa одбележува 80 години од своето создавање во 1946 година. Осум децении подоцна, Vespa е многу повеќе од превозно средство – таа е еден од најпрепознатливите симболи на италијанскиот дизајн, стил, слобода и култура.

Годинава, осум членови на Vespa Club Skopje со своите Веспи отпатуваа од Скопје до Италија и беа дел од големото одбележување на 80-годишнината на Vespa во Рим.

Патувањето од речиси 2.000 километри на Vespa, како и атмосферата и заедништвото што клубот ги доживеа во Рим, станаа дополнителна инспирација дел од тој дух да се пренесе и во Скопје.

Само неколку месеци подоцна, Vespa Club Skopje го организира Vespa Grand Prix Skopje, со амбиција македонската престолнина да добие свој препознатлив Vespa настан кој во иднина ќе привлекува учесници и гости од целиот регион.

Натпреварувачкиот дел на Vespa Grand Prix Skopje е резервиран за сопствениците и возачите на Vespa и ќе се одвива во три дисциплини.

Во споро возење, возачите ќе ги покажат својата контрола и баланс, додека во спретно возење – Gymkhana ќе се натпреваруваат на специјално подготвен полигон каде прецизноста и умешноста ќе бидат клучни.

Третата дисциплина носи сосема поинаква динамика – најбрзо возење на 60 метри, каде што ќе одлучуваат брзината и времето.

Учесниците ќе можат да се пријават во една, две или во сите три дисциплини, а за најуспешните се предвидени награди.

Дополнително, ќе биде избрана и Best in Show Vespa – најубавата Vespa на настанот.

Иако натпреварувачкиот дел е резервиран исклучиво за возачите на Vespa, Vespa Grand Prix Skopje е настан од отворен карактер, а влезот за сите посетители е слободен.

Идејата е на 5 септември просторот кај СЦ „Борис Трајковски“ да стане место за дружење на весписти, семејства, љубители на италијанската култура и сите оние кои сакаат да поминат еден поинаков ден во Скопје.

Покрај натпреварувачката програма, во текот на целиот ден ќе има DJ сетови, а во попладневните часови со двочасовен музички настап ќе се претстават Калина & Гуру Харе бенд.

Италијанскиот карактер на настанот ќе продолжи и преку гастрономската понуда – фокача сендвичи, пица, италијанско кафе и други препознатливи италијански вкусови и пијалоци.

Целта е едноставна: на еден ден, дел од Италија и Vespa културата да се преселат во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ферен Торес на пат за Париз!?

Шпанскиот шампион Барселона го продава херојот од Светското првенство.

Шпанскиот фудбалски репрезенативец,асот на Барселона Феран Торес е сè поблиску до редовите на европскиот првак ПСЖ.

Феран Торес ги договорил личните услови со Пари Сен Жермен и сака да ја продолжи кариерата кај францускиот шампион.

„Л'Екип“ пренесува дека шпанскиот репрезентативец постигнал договор со ПСЖ за петгодишен договор, додека преговорите со Барселона сè уште се во тек.

„Марка“ наведува дека клубовите се блиску до конечен договор и дека се очекува Барселона да добие околу 50 милиони евра.

Во моментов се финализираат износот на трансферот и бонусите. Инаку, извонредниот Торес беше херој на последното Светско првенство, постигнувајќи гол во финалето со кој Шпанија стигна до светската круна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.