Македонија

До крајот на месецов треба да заврши санацијата на пругата меѓу Лисиче и Драчево

Најдоцна до крајот на месецов работите целосно ќе бидат завршени, по што возовите повторно ќе сообраќајат и помеѓу станиците Драчево и Лисиче.

Екипи на ЈП Македонски железници инфраструктура веќе 51 ден работат на санација на насипот на пругата кај Маркова Река, каде на 2 април годинава поради поројниот дожд и дотечената Маркова Река беше однесен дел од насипот, каде е поставена железничката пруга, на делницата помеѓу станиците Лисиче и Драчево.

Поради тоа возововите на релација Велес - Скопје и обратно веќе 51 ден не возат на оваа делница туку кон станицата Трубарево поради што патувањето од Велес и Скопје и обратно место вообичаените 45 минути е двојно зголемено, до два часа и повеќе. Поради оваа состојба до ЈП Македонски железници инфраструктура секојдневно се жалат патници, а посебно учениците и вработените од Велес со месечни карти, кои не можат на време да стигнат на работа и факултет во Скопје. Патниците, како што велат, биле принудени и возот го заменија со патување со автобус или друг превоз. На доцнењето на возовите поради предолгата санација секојдневно се жалеа и патниците од Прилеп, Битола и Гевгелија кои редовно или повремено патуваат со воз.

Од ЈП МЖ инфраструктура информираат дека работите на насипот беа повеќепати стопирани поради обилните дождови изминатите недели, но додаваат дека сега се продолжени и треба да завршат најдоцна до крајот на мај и од почетокот на јуни возовите повторно да сообраќаат на делницата Драчево - Лисиче, со што ќе се намали времето на патување меѓу Велес и Скопје и обратно.

Тие првично најавија дека до денеска треба да се санира долниот строј, а вработените во Лабораторија надлежна за проверка на стисливоста на долниот строј дека денеска треба да изврши контрола. Попладнево од ЈП МЖ инфраструктура информираа дека работите се уште не се завршени, се пролонгирани и за овој викенд и треба да завршат до идната недела. Потоа треба да почнат работите за санирање на горниот строј, односно поставување шини, прагови и толчаник.

Од ЈП МЖ инфраструктура повторно потенцираа дека најдоцна до крајот на месецов работите целосно ќе бидат завршени, по што возовите повторно ќе сообраќајат и помеѓу станиците Драчево и Лисиче.

Тагови: воз пруга

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Потврден е идентитетот на жртвите од пожарот во Шпанија; повеќето се странци.

Шпанските власти по обдукциите потврдија дека дванаесет од тринаесетте жртви на смртоносниот шумски пожар што ја зафати Андалузија биле странски државјани.

Пожарот избувна минатиот четврток војугоисточна покраина Алмерија, област популарна кај странските жители по должината на медитеранскиот брег, објави „Еуроњуз“.

Официјалното соопштение укажува дека седум жртви биле од Обединетото Кралство, три од Белгија и по една од Франција и САД. Последната, тринаесетта жртва била шпански државјанин. „Тринаесетте починати вклучуваат осум жени и пет мажи, сите возрасни“, додаде телото одговорно за идентификација.

Во меѓувреме, Интегрираниот центар за податоци (CID) објави дека бројот на случаи на исчезнати лица се зголемил на десет по новиот извештај за две лица. Пожар уништи седум квадратни километри Пожарот, разгорен од силни ветрови, се запалил кога далновод паднал на патот.

Пламените јазици проголтале шуми и вегетација - кои се претвориле во суво гориво поради екстремно високите температури - оставајќи ги живописните рурални населби опустошени. Површина од приближно седум квадратни километри изгоре во пожарот, еден од најсмртоносните во Шпанија во последните години.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница за опозициски прашања во Собранието

Собранието денеска ќе ја одржи 111. седница, на чиј дневен ред се вкупно 22 точки, меѓу кои и Законот за изменување на Законот за аудио и аудиовизуелни медиумски услуги во трето читање.

На денешната собраниска седница, на дневен ред се и опозициските пратенички прашања.

Пред пратениците се и Законот за изменување на Законот за Царинската тарифа, во трето читање, Предлог на законот за соодветна и правична застапеност во второ читање, Предлог на законот за високото образование, Предлог на законот за изменување и дополнување на Законот за државните награди, Предлог на законот за обезбедување на квалитет во високото образование и науката, Предлог на законот за научноистражувачката дејност, сите во прво читање, Предлог на законот за изменување и дополнување на Законот за студентскиот стандард и Националната стратегија за спречување на корупцијата и судирот на интереси 2026-2030 година, Предлог на закон за изменување на Законот за супервизија на осигурување, и двата по скратена постапка, Предлогот на завршна сметка на Буџетот на Република Македонија за 2025 година.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026- Полуфинале :Фаворизираната Франција немоќна пред фуриозната Шпанија

Европскиот шампион Шпанија е првиот финалист на 23 фудбалски Мундијал во Северна Америка.

Во премиерното полуфинале во Далас црвената фурија одржа вистински час по супермодерн фудбал и без многу мака ја декласираше фаворизираната Франција со 2-0.

Најдобриот напад на Мундијалот беше неможен пред најдобрата одбрана на првенството, Шпанија останува со само еден примен гол во досегашниот тек од шампионатот.

Франција важеше за фаворит на овој натпревар, како и на многу претходни, сè додека топката не тргна од центарот... Од првата до последната минута, на теренот во Далас постоеше само еден тим, оној на Шпанија.

Головите вредни второ финале за Шпанија во историја ги постигнаа Микел Ојарзабал од пенал во 22-рата минута и Педро Поро во 58- минута.

Црвената фурија со докторска игра по целиот терен го матираше „најдобриот француски тим на сите времиња“.

Шпанија сега на финалето во Њу Џерси на 19 јули ќе го очекува победникот од вечерашната полуфинална пресметка меѓу бранителот на светскиот трон Аргентина и европскиот вицешампион Англија.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.