До крајот на месецов се очекува договор со САД за најавените царини - Канал 5

Македонија

До крајот на месецов се очекува договор со САД за најавените царини

Македонија веќе е во процес на преговори за царините од 30 проценти кои американскиот претседател Трамп ги најави од 1 август – вели премиерот Мицкоски.

До крајот на месецов се очекува договор со САД за најавените царини

Според него, разговорите се движеле во правилна насока, а очекува до крајот на месецот да биде постигнат и договор. За евентуалните последици кои би ги имала Македонија по воведувањето на царините уверува дека ќе се решавале со концизни политики.

-Фокусирани сме сега на тоа да до крајот на овој месец постигнеме договор кој што ќе значи повеќе за македонската економија и повеќе за македонските граѓани. Се разбира дека доколку не успеат САД и ЕУ да се усогласат околу тарифите дека тоа ќе има влијание и на нас, но мислам дека со една јасна политика и една концизна политика дека ќе успееме да го одржиме макроекономскиот баланс и стабилност и граѓаните тоа да не го почуствуваат. Да бидам попрецизен, сигурен сум,- - Христијан Мицкоски – Претседател на владата.

Во меѓувреме, претседателката на Евроската комисија Урсула Фон дер Лајен изјави дека Европската Унија иако најави пропорционални контрамерки за САД од денеска, сепак ги одложува за почетокот на август, доколку и до тогаш не се изнајде договорно решение.

-Секогаш сме биле многу јасни дека преферираме договорено решение. Тоа останува така и во случајов и ќе го искористиме времето што го имаме сега до 1 август. Уште од самиот почеток работевме на тоа да одговориме со контрамерки. Подготвени сме за ова и можеме да одговориме со контрамерки доколку е потребно,- Урсула Фон дер Лајен – претседателка на ЕК.

Собранието минатиот месец го усвои Законот за именување и дополнување на Законот за царински тарифи, со што меѓудругото даде зелено светло на планот на Владата за целосно укинување на царинските давачки за увоз на стоки со потекло од САД. Очекувањата на Владата се дека со ова освен што ќе се засили конкуренцијата на домашниот пазар, се испраќа и позитивна економска порака која ќе потикне продлабочување на стратешкото партнерство меѓу двете земји.

Тагови: Христијан Мицкоски царини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во училиште на Филипините: Загинаа три деца, а осум се повредени

Тројца ученици загинаа денес при пукање во училиште во градот Банга, во јужниот дел на Филипините, вклучително и 16-годишникот осомничен за извршување на нападот , додека осум други лица се повредени, соопшти градоначалникот на градот.

Пукање во училиште на Филипините: Загинаа три деца, а осум се повредени

„Сите жртви се ученици на возраст од 14 до 17 години. Четворица од повредените се во критична состојба“, изјави за Ројтерс Алберт Паленсија, градоначалникот на Банга.

Медиумите претходно известуваа, повикувајќи се на локални претставници, дека најмалку едно лице загинало, а четворица биле ранети.

Инцидентот се случил во Националното средно училиште „Банга“ во провинцијата Јужен Котабато, на југот на Филипините, според гувернерот на Јужен Котабато, Реиналдо Тамајо.

Наредникот на полицијата Реџи Фадерон претходно изјави дека има повеќе повредени и оти полицијата ги утврдува деталите.

Пред точно еден месец, најмалку две лица загинаа, а девет беа повредени при пукање во училишниот комплекс во градот Замбоанга, на југот на Филипините – поточно во кампусот на средното училиште при Универзитетот „Атенео де Замбоанга“.

Според градоначалникот, осомничениот, ученик во седмо одделение, влегол во училиштето на 18 август вооружен со пушка и пиштол, отворил оган врз учениците и наставниците, а потоа си го одзел животот.

Тагови: пукање Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Србија го објави составот: Душан Тадиќ се враќа во репрезенатцијата

Селекторот на најдобрата фудбалска селекција на Србија, Вељко Пауновиќ, го објави спидсоко на фудбалери  за претстојните четири натпревари во елитната А група од Лигата на нации на УЕФА. 

Селекторот на Србија го објави составот: Душан Тадиќ се враќа во репрезенатцијата

Србија најпрво ја очекуваат два натпревара на домашен терен во Белград против Грција и Холандија, по што следуваат исклучително тешки гостувања против Германија во Минхен и повторно против Холандија во Ајндховен.

Главна вест во врска со составот е официјалното враќање на поранешниот капитен Душан Тадиќ во националниот тим, како и повикувањето на бројни дебитанти и целосна реконструкција на нападот.

Нови имиња на списокот се Петар Шукачев и Лазар Николиќ од Војводина Нови Сад, како и Стефан Џодиќ од шпанска Алмерија.

Во нападот, повикани се помладите играчи Михајло Цветковиќ и Јован Милошевиќ, заедно со повратникот Дејан Јовељиќ.

Селекторот Пауновиќ ќе се потпре на следните играчи за претстојните репрезентативни предизвици:

Голмани: Вања Милинковиќ-Савиќ, Ѓорѓе Петровиќ, Филип Станковиќ.

Одбрани: Страхиња Павловиќ, Страхиња Ераковиќ, Срѓан Бабиќ, Никола Симиќ, Коста Недељковиќ, Алекса Терзиќ, Петар Шукачев, Лазар Николиќ.

Играчи од средниот ред: Александар Станковиќ, Немања Максимовиќ, Сергеј Милинковиќ-Савиќ, Саша Лукиќ, Немања Гудељ, Вања Драгојевиќ, Лазар Самарџиќ, Андрија Живковиќ, Филип Костиќ, Стефан Џодиќ, Василије Тасвиќ, Душин Костов.

Напаѓачи: Душан Влаховиќ, Лука Јовиќ, Дејан Јовељиќ, Михајло Цветковиќ, Јован Милошевиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вознемирувачко видео: Возач во Пробиштип прегази кучиња покрај патот

Снимка е објавена на социјалните мрежи, на која се гледа како возач со кола гази кучиња покрај патот кај Лиса Гара, на патот кон Марчено, во Пробиштип.

Вознемирувачко видео: Возач во Пробиштип прегази кучиња покрај патот

На видеото кое го објави ТВ Стар на фејсбук, се гледа дека едно од кучињата е прегазено, а според информациите, животното угинало.

Се очекува реакција на МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер