Живот

ДНК на паун-пајакот нуди изненадувачки нови научни сознанија

Паун-пајак е мало животно што се наоѓа и живее низ цела Австралија.

Долги само околу 4-5 милиметри, тие се именувани по светлите бои на нивниот стомак, коишто мажјаците ги прикажуваат во својот „заводлив ритуал“ на парење, заедно со тропкањето со нозете и ритмичкото движење со коешто ја привлекуваат женката. Како што пишува порталот „Политика магазин“, она што е извонредно кај овие суштества е разновидноста во нивниот изглед, „песните“ и „танцувачките“ движења.

Видот паун-пајак (лат.: „Maratus“) е откриен уште во 1870-тите, но тогашните два новопронајдени подвидови („Maratus volans“ и „Maratus speciosus“) првично биле опишани како „Salticus volans“ и „Salticus speciosus“. Денес се забележани над 100 различни подвидови паун-пајаци, и во таа смисла, особено е занимлива „темната ДНК“ на пајакот - мистериозен дел од генетскиот код на ова животно. Она што го досега го знаат научниците, велат, би можело да помогне да се објасни зошто има толку многу варијации во природниот свет. Тие сметаат дека нивната ДНК можеби му овозможува на овој вид брзо да се прилагоди на променливите услови на животната средина, еволуирајќи така во нови подвидови.

- Нè интересира како пајаците еволуираат за да станат толку разновидни, изјави Џона Вокер од Институтот „Сангер“ во областа Кембриџшир, Англија. - Со проучување на паун-пајаците, може да го искористиме овој екстремен случај за да се обидеме да разбереме кои процеси создаваат варијација во животинскиот свет воопшто, вели тој.

Паун-пајаците се наоѓаат ширум цела Австралија, и секој е скоро со големина на глава од чкорче. Иако Вокер претходно се плашел од пајаци, тој бил привлечен од науката што стои зад нив, па го надминал својот страв и го прифатил проектот како дел од неговото докторско истражување. Со својот водач, д-р Џоан Мејер, и меѓународен тим научници ги собираат сите подвидови откриени досега. Потоа следи категоризацијата.

- Последниот дел од сложувалката беше да се вкрстат сите овие информации со ДНК-та на секој вид. Со споредување на резултатите од сите видови, се надеваме дека ќе откриеме кои гени се одговорни за секоја особина, и на крајот - зошто постојат толку многу различни видови паун-пајаци, па додека истражувањето е во тек, како тим, веќе имаме силна научна основа за натамошно истражување... Сè е во својот зачеток, но едно од возбудливите нешта што ги откривме е дека можеби не се само гените одговорни за разновидноста, туку и деловите меѓу нив - тн. „темна ДНК“, што може да влијае на тоа како пајаците еволуираат, објасни Вокер.

ДНК е составена од долга низа молекули. Некои од нив се вклучени во одлучувањето за специфични особини. Во случајот со луѓето, тие можат да одлучуваат за висината или бојата на очите. Овие делови се нарекуваат гени. Но, повеќето делови од ДНК-та не се гени и никој навистина не знае што, всушност, е нивната намена. Истражувачите сметаат дека „темната ДНК“ ќе може даде одговори.

Тие имаат три пати повеќе темна ДНК од луѓето. Некои пеперутки и молци исто така имаат исклучително голем број видови. Д-р Мајер веќе ја декодирал ДНК-та на илјада видови пеперутки и молци. Но, пајаците, пеперутките и молците се само почеток на еден од најамбициозните генетски проекти што некогаш се преземени.

- Исто како и сите растенија, животни и габи, имаме многу слична ДНК. Со научното разбирање на ДНК-та на сите различни организми, учиме за општите принципи за тоа како функционираат гените и која е функцијата на темната ДНК, а тоа ни помага да научиме многу за себе, изјави д-р Мајер за „Би-би-си“.

Така, целта за следните 10 - 20 години е да се дешифрира генетскиот код на секое растение, животно и габа на планетата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Дали пешачењето е тренинг - Одговор на стручни лица по фитнес и физиотерапија

Пешачењето во последно време стана најпопуларна препорака за движење. Се бројат чекори, се препорачуваат дневни и вечерни прошетки, а социјалните мрежи се полни со предизвици за подобра кондиција и здравје.

Но, дали обична прошетка може да се смета за тренинг? Еве што велат стручните лица.

Зависи како пешачите

Ебенезер Семјуел, директор за фитнес во „Men's Health“, ја објаснува важната разлика помеѓу физичката активност и тренингот. Иако секое движење се смета за физичка активност, тренингот подразбира оптоварување на телото што треба да доведе до одредени адаптации – како што се подобрена кондиција, поголема сила или зголемена издржливост.

Затоа обична прошетка до продавница нема да се смета за тренинг за една личност, додека брзото, планско пешачење може да претставува сериозна физичка активност за друга. Многу работи зависат од почетната кондиција на поединецот.

Тренерот и експерт за вежбање Доменик Анџелино смета дека пешачењето може да послужи како основа за програмата за вежбање, под услов да е намерно и структурирано. Со други зборови, постои разлика помеѓу чекорите што случајно ги правиме во текот на денот и одењето на прошетка со конкретна цел – движење во одредено времетраење и со одреден интензитет.

За некои, 7.000 чекори се сметаат за тренинг; за други – не.

Физиотерапевтот Марио Мехија ја истакнува важноста на нивото на кондиција. За некој што штотуку започнува со вежбање, се враќа на активност по повреда или е постаро лице, пешачењето може да биде исклучително корисна форма на аеробна активност.

Од друга страна, малку е веројатно дека некој што тренира интензивно пет или шест пати неделно ќе забележи значителен напредок во кондицијата само со правење 7.000 чекори во текот на денот. За такво лице, пешачењето сепак е корисно, но не мора нужно да го замени вистинскиот тренинг.

Токму затоа физиотерапевтот Кајл Санчез го смета интензитетот за клучен фактор. Ако сакате обичното пешачење да го претворите во тренинг, можете да го зголемите темпото, да го продолжите времетраењето, да пешачите по нагорнина или намерно да го менувате интензитетот.

Тоа не значи дека пешачењето „не се важи“

Дури и кога не е доволно интензивно за да се смета за тренинг, пешачењето сепак нуди бројни здравствени придобивки. Експертите од *Men's Health* нагласуваат дека луѓето треба да пешачат без оглед на нивното ниво на физичка подготвеност.

Ова го потврдуваат и официјалните препораки. Американскиот Центар за контрола и превенција на болести (CDC) го наведува брзото одење како пример за физичка активност со умерен интензитет, препорачувајќи возрасните да имаат најмалку 150 минути таква активност неделно, заедно со вежби за зајакнување на мускулите најмалку два дена во неделата.

Редовната физичка активност е поврзана со подобар квалитет на сонот, пониско ниво на анксиозност и понизок крвен притисок, а истовремено го намалува долгорочниот ризик од разни хронични болести. Заклучокот е едноставен: пешачењето е одлична форма на движење и може да послужи дури и како вистински тренинг – под услов да претставува доволен предизвик за вашето моментално ниво на подготвеност. Ако сакате да напредувате по пешачењето, не мора нужно да почнете со трчање. Понекогаш е доволно само да го зголемите темпото, да вклучите нагорнини или постепено да ја зголемувате рутата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Хајди Клум позира топлес покрај базен: Обожавателите ја нарекуваат „кралица“

Хајди Клум (53) го искористи сончевиот викенд за релаксација покрај базен. Во неделата, манекенката објави фотографија на Инстаграм на која седи на работ од базенот, со нозете во водата и кренати раце.

Таа носеше само долен дел од црно бикини и качкет, додека покрај неа седеше нејзината 22-годишна ќерка, Лени. Лени во скутот држеше кученце по име Фриц – кое Хајди го вдоми во април. „Недела“, напиша таа кратко покрај фотографијата.

Хајди не се крие

Објавата брзо го привлече вниманието на нејзините следбеници, кои го преплавија делот за коментари со комплименти. Некои ја нарекоа „кралица“ и „божица“, додека други едноставно напишаа „вау“.

Хајди со години отворено зборува за својот став кон сопственото тело и голотијата. Во интервју за списанието „People“, таа објасни дека ваквиот пристап за неа е сосема природен.

„Отсекогаш сум била многу отворена во однос на своето тело. Кога се сончам во градината, понекогаш не носам горен дел. Јас сум Европејка... моите деца никогаш не ме запознале поинаку, што веројатно е причината зошто тие се поопуштени во однос на сопствените тела“, изјави таа.

Манекенката исто така истакна дека никогаш премногу не се грижела за тоа како изгледа пред другите. „Отсекогаш сум имала самодоверба. Немам проблем да шетам наоколу во долна облека. Не се кријам по ќошиња“, појасни Хајди.

Таа не сака инјекции за слабеење

Клум претходно зборуваше за тоа како се справува со телесните промени што доаѓаат со стареењето. Според неа, во тоа има поддршка од нејзиниот сопруг, Том Каулиц (37), кој ја охрабрува да не биде опседната со стандардите за слабост наметнати од модната индустрија.

View this post on Instagram

A post shared by Heidi Klum (@heidiklum)

Денес, таа смета дека неколкуте килограми вишок воопшто не ѝ пречат и дека таквата фигура одлично ѝ прилега. Истовремено, таа изјави дека нема интерес за лекови за слабеење, како што се „Ozempic“, „Wegovy“ или „Mounjaro“.

Наместо тоа, таа се стреми да одржува рамнотежа преку исхраната и редовната физичка активност. Не поминува часови во теретана, бидејќи претпочита поедноставни форми на вежбање. Дома, во Лос Анџелес, таа често скока на трамболина или изведува вежби со сопствена тежина, вклучително и чучњеви.

Тагови: Хајди Клум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена со ебола пренесена во Швајцарија, има сомнеж за уште еден случај

Маж, за кој постои сомневање дека е заразен со ебола, пристигна во Швајцарија од Нигерија и е примен во Универзитетската болница во Цирих, потврди денеска портпарол на болницата, пренесува Ројтерс.

Владата на Нигерија претходно соопшти дека жена заразена со ебола – сопруга на швајцарски дипломат – утрово заминала за Швајцарија со специјален лет за медицинска евакуација. Во авионот бил и нејзиниот сопруг. Според веб-страниците за следење летови, авионот пристигнал во Швајцарија попладнево.

Жена пренесена во Женева на лекување

Портпаролот на болницата во Цирих не го откри идентитетот на мажот, но потврди дека една жена е пренесена во Женева на лекување. Властите во Женева одбија да го коментираат случајот, наведувајќи дека швајцарската влада наскоро ќе издаде соопштение со дополнителни детали.

Извор: Индекс.хр

Тагови: ебола Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.