Имаше 75 години. Веста беше објавена на нејзината официјална веб-страница, пишува Би-Би-Си.

Починала во болница во Португалија

Во пораката објавена од нејзиното семејство и тим, се вели дека се скршени од веста дека Бони починала неочекувано синоќа во болница во Португалија, како резултат на болеста од која се лекувала. „Наскоро ќе објавиме дополнително соопштение, а засега бараме приватност додека се справуваме со оваа трагедија“, се додава во соопштението.

Пејачката, по потекло од Скевен, Јужен Велс, беше ставена во индуцирана кома во мај по итна операција на цревата во Португалија. Минатиот месец, нејзиниот портпарол потврди дека се разбудила од кома, но дека нејзината состојба е сè уште „многу сериозна и дека е на интензивна нега“.

Од велшки клубови до глобална слава

Бони Тајлер е родена како Гејнор Хопкинс и пораснала во општински стан во Нит. Ловецот на таленти Роџер Бел ја открил во клуб во Свонзи, а таа го издаде својот прв сингл „Lost in France“ во 1977 година.

Истата година, таа ја издаде кантри-поп баладата „It's a Heartache“, која достигна четврто место во Велика Британија и трето место на американската Billboard Hot 100 листа, обезбедувајќи ѝ светско признание.

Песната што го освои светот

Нејзиниот најголем хит, рок баладата „Total Eclipse of the Heart“, пристигна шест години подоцна, во 1983 година, и се искачи на врвот на топ листите од двете страни на Атлантикот. Драматичната песна ја напишал Џим Стајнман, автор на хитови за Meat Loaf, и првично се викала „Vampires in Love“ бидејќи била наменета за мјузиклот за Носферату.

„Никогаш не се заморувам да ја пеам“, неодамна изјави таа за BBC. „Ја обожавам бидејќи публиката едвај чека да ја чуе и да пее заедно со мене.“

Песната ѝ донесе номинација за наградата Греми, а беше номинирана и за албумот „Faster Than the Speed ​​of Night“ и синглот „Here She Comes“. Стајнман напиша и уште една одлична поп-рок химна од 80-тите за неа, страсната и бомбастична „Holding Out for a Hero“, снимена за филмот „Footloose“ и подоцна искористена во анимираниот филм „Shrek 2“.

Активна до последниве години

Во 2013 година, Тајлер го претставуваше Обединетото Кралство на Евровизискиот натпревар за песна, каде што се пласираше на 19-то место. Во 2023 година беше наградена со Орден на Британската империја (MBE) за нејзиниот придонес во музиката.

Минатата година, во соработка со Дејвид Гета и Хајпатон, таа издаде клубска верзија на нејзиниот најголем хит наречен „Together“, а оваа година оригиналната песна надмина една милијарда преслушувања на Spotify, 43 години по нејзиното објавување.

„Многу сум среќна за тоа, особено кога ќе се земе предвид дека во светот живеат само малку повеќе од осум милијарди луѓе“, коментираше таа за овој успех.

Во 2017 година, пејачката ја изведе својата истоимена песна на крстосувач во Карибите за време на затемнување на сонцето кое беше видливо над САД. Таа е зад нејзиниот сопруг, Роберт Саливан, со кого е во брак повеќе од 50 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Истовремено, соседна Грција подготвува пет стратешки рударски и рециклажни проекти, меѓу кои бакарно-златните рудници „Скуриес“ и „Сапес“, третирајќи ги како клучни инвестиции за економската и енергетската транзиција. Во Македонија пак, една од најголемите инвестиции во оваа област, рудникот за бакар Иловица, со години е заглавен во административни и судски постапки, иако според досегашните истражувања има потенцијал за производство од над 10 илјади тони бакар годишно во следните две децении. Деканот на Факултетот за природни и технички науки, Ѓорѓи Димов, вели дека Македонија и северна Грција припаѓаат на ист металогенски појас и располагаат со слични бакарно-златни лежишта, што, според него, претставува значителен развоен потенцијал за земјава.

-Не гледам зошто не би можеле и ние да го следиме тој пример. Ако отидете да видите Скуриес веќе 2 години се спрема таа нова технологија, која овозможува многу мала емисија, практично нула емисија на загадување ако можеме така да кажеме, сите патишта на емисиите се следат, има постојан мониторинг. Тоа се технологии кои се применуваат успешно насекаде во светот. Се она што се прави во овој момент во европските земји целото тоа треба да се преслика и тука,- Ѓорѓи Димов - декан на ФПТН.

Според Димов, денешното рударство се разликува од некогашното по примената на современи технологии и строгите европски стандарди за заштита на животната средина. Тој смета дека јавниот страв најмногу произлегува од лошите искуства со старите рударски практики, а додава дека Македонија располага со стручни кадри способни да ги применуваат современите решенија.

- За да се надмине овој страв, да се добие довербата посебно во локалните заедници каде треба да се спроведат тие проекти мора да се убедат луѓето дека ќе се инсталираат најнови технологии. Сме релативно добро спремни за таа работа, бидејки значаен дел од рудниците металични веќе имаат на големо спроведено такви мерки. Имаме искуство и знаење и тие како инвеститори и ние како истражувачи, проектанти. Имаме домашни капацитети да тоа го изработиме сами,- Ѓорѓи Димов - декан на ФПТН.

Во меѓувреме, Владата започна постапка за анализа на теренот и потенцијалните наоѓалишта на ресурси во 27 општини од источниот и југоисточниот дел од земјава. Еколошките здруженија предупредуваат дека тоа може да отвори пат за нови рударски проекти и најавуваат реакции и протести поради можни последици врз животната средина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Лајк, сподели и означи тројца“ пријатели за да добиеш патување, мобилен телефон или било каква друга награда од 14-ти јули ќе биде под лупа на институциите – она што досега изгледаше како обична игра за следбениците на „инфлуенсерите“ на социјалните мрежи добива нова рамка и правила – министерството за финансии ги регулира со закон популарните „giveaway – и“ кои сега ќе бидат дефинира како игри на среќа.

Целта е, според надлежните, да се знае кој организира, а кој и на каков начин добива награди, па, инфлуенсерите и компаниите, пред да ги организираат дарувањата ќе треба да ги исполнат новите административни услови за да ја добијат дозволата, која треба да ја побараат 30 дена пред почетокот на играта од министерството.

-Доколку организатор на подарувањето е трговец поединец, кон барањето за издавање дозвола доставува правила на подарувањето, докази за потекло на наградите, документ за регистрација изваден од централниот регистар, информација за економско-финансиската состојба врз основа на последната годишна сметка, доколку вршел деловна активност, доказ за платен надоместок за поднесување на барањето во износ од 100 евра во денарска противредност, како и доказ за подмирени јавни давачки по основ на даноци, царини и придонеси,- – Министерство за економија.

Во ред е да се регулираат награди како автомобили, станови и други поскапи работи, но не и цвеќари кои нудат букет како награда – вели инфлуенсерката Јелена Спенџарска за Канал 5. Според неа, потребна е регулатива, но истата треба да биде соодветно воспоставена според вредноста на објавата.

-Бутикот кај мене во „маало“ кој што навистина сака да подари три фустанчиња на некој на кој можеби навистина му требаат, или цвеќарата која што сака да подари букет за да се сподели некој „лајк“ или чисто да се направи некој „brand awareness“ на некоја мала компанија мислам дека треба да се направат отстапки токму за овие луѓе. Министерството тука пореално ги согледа работите, во случај на giveaway со станови, нели станови се дела или автомобили или не знам било што, тука законот треба да важи. Тука е секако во ред, поддржувам, не можеш туку така стан да добиеш – можеш ама треба да има некои процедури.-Јелена Спенџарска – Инфлуенсерка.

Законот воедно предвидува, правилата на играта да бидат јавно објавени пред истата да започне, а резултатите, односно добитниците, да бидат објавени најдоцна три дена по извлекувањето. Наградите, парични или стоковни, ќе треба да бидат доделени во рок, не подолг од 60 дена од објавените резултати.

Дополнително, во правилата задолжително ќе треба да бидат наведени организаторот, производите или услугите кои се рекламираат, условите за учество, времетраењето на играта, начинот на извлекување на добитниците и вредноста на наградите, а ќе има и постапка за приговор, како и забрана за учество на вработените кај организаторот „giveaway-от“ и неговото потесно семејство. Од здружението на инфлуенсери засега нема официјален став.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.