Дневен хороскоп за 30. јули 2022 година

Дневен хороскоп за сабота, 30. јули 2022 година. 

Лав 23.7-22.8.

Љубов

Личност со која деловно соработувате би можела дас е заинтересира за вас , но вие засега ќе бидете на дистанца.

Кариера

Доколку пред вас поставуваат се поголеми и потешки задачи, тогаш треба да ги оправдате со сериозен напор.

Здравје и совет

Ќе сонувате пријатни сништа.

Девица 23.8.-23.9.

Љубов

Доколку сте во врска , вашиот меѓусебен однос ќе се подобрува. Доколку уште сте сами, излегувајте и ќе бидете забележани.

Кариера

Денеска е ден во кој одлично ќе се развиваат сите работи поврзани со луѓе. Не треба многу да зборувате , работите ќе се одвиваат самите од себе.

Здравје и совет

Влијаете врз настаните , искористете го тоа.

Вага 24.9.-23.10

Љубов

Плимата на емоции што ве обзема, би можела да ве збуни. На некои ќе им се остварат љубовните сништа.

Кариера

Би можело да се случи оној чудесен ,,клик” , по што сите работи ќе си дојдат на свое место. Искористете го.

Здравје и совет

Не заборавајте на шефовите.

Шкорпија 24.10-22.11.

Љубов

Партнерот би можел денеска да биде малку повреден од некој ваш ненадеен испад. Затоа, контролирајте се за да не го нарушите солидниот однос.

Кариера

Не треба да се грижите , зашто работите за вас се одвиваат добро. денеска занимавајте се со ситни финансиски анализи.

Здравје и совет

Не се грижете за туѓи проблеми.

Стрелец 23.11.-21.12.

Љубов

Веројатно ќе има ловечки приказни за ваѓите љубовни успеси , со кои ќе се обидете да ја импресионирате другата страна.

Кариера

Пред вас е поволна финансиска можност за која некогаш сте сонувале.Сега е на вас паметно да ја искористите.

Здравје и совет

Понекогаш треба и да се одморите .

Јарец 22.12.-20.1.

Љубов

Многу ќе се трудите да бидете љубезни и фини кон партнерот. На тој начин ќе ја средите малата напнатост во вашиот однос.

Кариера

Други ќе ве прашаат за ваше мислење за одредена тема , но вие она што го мислите кажете го дипломатски , а не директно.

Здравје и совет

Обидете се да најдете компромис.

Водолија 21.1.-19.2.

Љубов

Вашата најсакана личност денеска би можела пријатно да ве изненади. Ќе биде подготвена да попушти во нешто околу што сте се расправале.

Кариера

Вашата енергија ќе биде заразна за околината. На многумина ќе им биде вистински поттик , зашто сте конструктивни и посветени на работата.

Здравје и совет

Бидете доследни .

Риби 20.2.- 20.3.

Љубов

Ќе чувствувате дека денот би можел да биде добар за забави , а се знае што оди со тоа. Многу кандидати за љубов.

Кариера

Ќе посакате барем мала промена на работното место. Кога веќе ја нема , самите измислете ја, па дури и да е ситница.

Здравје и совет

Бидете нежни.

Овен 21.3-20.4.

Љубов

Тешко дека денеска би можеле да се ставите во положбата на другата страна.Ќе се чувствувате фрустрирано , зашто ќе недостига разбирање.

Кариера

Можеби на некого ќе му подвикнете да се опамети , иако тоа би можело да се примени и на вас.

Здравје и совет

Поработете на својот карактер.

Бик 21.4- 20.5.

Љубов

Еден семеен проблем ќе биде се поголем, па затоа е потребно решавање.Тоа ќе ви одземе повеќе од слободното време.

Кариера

Имате потреба привремено да се повлечете. Некои ќе заминат на пократок годишен одмор , а оние кои работат , само ќе ја одработуваат работата.

Здравје и совет

Водете здрав живот.

Близнаци 21.5.-21.6.

Љубов

Можно е дека ќе следува покана за посета од вашето семејство , каде што ќе заминете со својата сакана личност.

Кариера

Притисокот од претпоставените не се намалува , а вие сте веќе уморни од тоа. Издржете уште малку , подоцна ќе ги сумирате резултатите.

Здравје и совет

Опуштете се со она што го сакате.

Рак 22.6-22.7.

Љубов

Домашната среќа ќе ви биде најважна. Оние во врска уживаат дома , а осамените нема премногу даас е ангажираат во зеведувањето.

Кариера

Веројатно сте на патување , кое ве радува. Ги завршувате работите со мал напор , а во исто време и се забавувате.

Здравје и совет

Бидете трпеливи и издржете.

Археолошки истражувања на локалитетот Градиште кај Неготино

НУ Археолошки музеј во соработка со Универзитетот од Гдањск, Р. Полска, во изминатиот месец го реализираа меѓународниот проект „Археолошки истражувања на локалитетот Градиште кај Неготино“.

-Покрај стручниот тим од Археолошкиот музеј, во проектот се вклучени професори и постдипломци од Универзитетот од Гдањск, како и археолози од Музеј на град Неготино. Локалитетот се наоѓа на западниот влез на градот Неготино, на висок рид со зарамнето плато што доминира над реката Вардар и автопатот Е75. Археолошките истражувања, изведени овде во 1983 и 1984 година, констатирале остатоци од утврден антички град, кој се развил од постара праисториска населба и егзистирал сè до доцноримскиот период, информираа денеска од Археолошкиот музеј.

Оттаму нагласија дека изобилството на локално изработени керамички садови и фигурини, калапи, печки за керамика, но и постоењето на глиништа во близината, кажуваат дека овој град имал развиена керамичарска продукција, која веројатно била и еден од главните извори на неговата економска моќ. Откриените градби, улици со тротоари и системи за одвод се сведоштво за економски силна градска населба.

– Според една од актуелните теории, на ридот Градиште во античкиот период егзистирал градот Антигонеа, подигнат во 3. век пред н.е., во време на династијата на македонските кралеви Антигониди, поточно во времето на Антигон Гонат (283-239) или Антигон Досон (229-221). За постоењето на градот Антигонеа сведочат повеќе антички пишани извори, но за неговата местоположба најрелевантен извор е познатата Појтингерова карта, според која Антигонеа се наоѓала 12 римски милји (18 км) јужно од Стоби и 17 милји (25 км) северно од Стенае (Демир Капија), соопштија од Музејот.

Тие растојанија, нагласија, во целост одговараат со местоположбата на локалитетот Градиште кај Неготино.

Оваа година тимот истражуваше на највисоката позиција на локалитетот при што се oткри дел од уличната мрежа составена од две улици кои се пресекуваат, а едната од нив е во одлична состојба поплочена со масивни камени блокови. Покрај ова се работеше и на откриените печки со цел да се утврди нивната намена, земјата од печките се флотираше за да се провери дали има биолошки остатоци. При флотирањето се пронајдоа семиња од грозје, житарици, грав и др. кои ќе бидат цел на понатамошни анализи.

Раководители на проектот се м-р Радомир Ивановиќ од Археолошкиот музеј и д-р Николас Секунда од Универзитетот Гдањск. Стручната екипа ја сочинуваа: Мила Шурбановска, м-р Перо Синадиновски, Костадинка Филипова, Стојанче Атанасов, д-р Јакуб Мосиејчук, д-р Марчин Пашке, м-р Вероника Кул, Наталија Ресзута, Мачеј Скотарек и Кристијан Рдзанек, информираа од Археолошки музеј.

Лефков: Нови детали од аферата броило - Фирмата на Ковачевски и кумот заработила 2 милиони евра

Нови детали од аферата броило - Фирмата на Ковачевски и кумот заработила 2 милиони евра само од државни тендери.

Соларниот картел составен од Ковачевски и кумот Паунов е создаден и почнува да врти милиони со доаѓањето на СДС на власт.

Димитар Ковачевски трајно неспособен за војска, но трајно способен за тендери, провизии и картелско здружување.

Аферата броило ни покажува како мала група длабоко вгнездена во највисоките структури на власта тргувала со влијание за стекнување на сопствена корист.

Премиерот и дезертер Димитар Ковачевски и неговиот кум Горанчо Паунов, ја основале Пиксел груп на 3.11.2017 година, 5 месеци откако СДС прави влада. Значи Заев е премиер, а СДС власт, веднаш потоа Ковачевски станува и заменик министер за финансии.

Пиксел груп основана од Ковачевски и кумот Паунов, во изминативе 5 години станува централна фирма, околу која се вртат 26 милиони евра на соларниот картел. Но, денес во аферата на дезертерот Ковачевски броило ќе презентираме нови факти.

Втората фирма која се јавува како изведувач на работи е КМГ ЕОЛ Квазар, основана од кумот на Ковачевски Паунов.

Летале државни тендери за фирмата на кумот која е дел од аферата броило. Кумот на Ковачевски дoбивал работа од државата, а денес со владата раководи токму Ковачевски.

КМГ ЕОЛ Квазар ги добива најголемиот број од договорите со државата кога на власт е СДС. И во рок од неколку години овие фирми го монополизираат пазарот.

Пиксел груп за неполна година од основањето гради фабрика во Кочани за производство на фотоволтаични панели. На отворањето е присутно цело СДС. Еве фотографии. Погледнете.

Со доаѓањето на СДС на власт почнуваат и тендерите и зделките за соларниот картел. Имено преку КМГ ЕОЛ Квазар, откако е СДС на власт се земени 2 милиони евра државни тендери.

Се одело од крупни до најситни тендери. Па така само преку ЈКП Комуналец Свети Николе во 4 наврати КМГ ЕОЛ Квазар земала над 100 илјади евра. Еве го и доказот. Почнале со набавка од 19 илјади евра во 2018 година, за на 1.10.2019 година, да склучат договор во висина од 30 илјади евра, па на 14.10.2021 година уште еден oд 19 илјади, и да завршат со уште еден договор од 30 илјади евра на 25.10.2021 година, за целиот овој период власт во Свети Николе е СДС.

Еден од најголемите набавки кои КМГ ЕОЛ Квазар ги вршела за државен субјект се две последователни набавки од страна на ЈП Пасишта, првата од 15.11.2019 во висина од 172 илјади евра и втората двојно поголема од 16.09.2021 во висина од 343 илјади евра, еве ги набавките, склучени во време кога Ковачевски е заменик министер за финансии, односно вкупно над половина милион евра од касата на ЈП Пасишта се слеале на сметката на фирмата на кумот на Ковачевски за неполни две години.

Тендери за КМГ ЕОЛ Квазар имало и од општина Ѓорче Петров, со која фирмата склучува договор на 31.05.2021 година во висина од 48 илјади евра.

Договори се прават и со општина Чаир, еве ги и двата договори, договор Општина Чаир кој на 09.11.2021 година, склучува договор со фирмата на кумот на Ковачевски, кога тој е заменик министер за финансии во висина од 108 илјади евра.

Откако Ковачевски станува заменик министер оваа фирма склучува и договор за изградба на фотоволтаични панели со ЕВН во висина од над 2 милиони евра.

Погледнете ова се тие тендери. Власта на СДС обезбедила 4 милиони евра државни тендери и бизнис со ЕВН за фирмата на кумот и бизнис партнер на дезертерот Ковачевски.

Повторувам само од ЕВН и државни тендери кој што ги видовте, фирмата на кумот и бизнис партнер на Ковачевски добила неверојатни 4 милиони евра.

Како токму фирмата на кумот на Ковачевски била најуспешната за државните тендери?

Дали се работи за претплатени тендери и пари на граѓаните за фирмите од соларниот картел?

Шемата е јасна. Кумашинот Ковачевски управува со владата, кумот добива.

Додека народот гладува, цените растат, Ковачевски се богати. Продолжуваме во наредните денови со нови сознанија.

Миле Лефков, пратеник и член на ИК на ВМРО-ДПМНЕ

Центар за комуникации на ВМРО-ДПМНЕ

Премиерот Ковачевски се сретна со потпретседателот на Европската комисија Маргаритис Шинас

Претседателот на Владата на Република Македонија Димитар Ковачевски, заедно со вицепремиерот Бојан Маричиќ и министерот за внатрешни работи Оливер Спасовски, денеска се сретнаа со потпретседателот на Европската комисија Маргаритис Шинас. 

Тема на состанокот беше зајакнувањето на капацитетите на земјата за надминување на предизвиците со илегалната миграција, но и скрининг процес што и претстои на земјата.

На состанокот беше истакнато дека Република Македонија останува посветена на управување на сите релевантни аспекти на надворешните миграции. Имајќи ги предвид миграциските текови и нивното влијание врз демографскиот и социо-економскиот развој, Република Македонија со години неуморно и посветено работи со цел успешно справување со миграциската криза.

Премиерот Ковачевски на состанокот посочи дека заедно со европски партнери како и други земји од Западен Балкан, успеавме, најдобро што можеме, да се справиме со миграцијата.

Од декември 2015 година па наваму на јужната граница континуирано се имплементира меѓународна заедничка операција во која учествуваат странски полициски службеници од 8 европски земји.

Со потпишувањето на Договорот со ФРОНТЕКС, кој се очекува да биде потпишан во најкраток временски рок, ќе се отвори можноста за распоредување на сили на ФРОНТЕКС на територијата на Република Македонија, што уште повеќе би придонело во поглед на успешното справување со нелегалната миграција.

притисни ентер