„Добар ден и од мене.

Би сакал да ја искористам оваа можност и да им честитам на сите оние коишто беа вклучени во реализацијата на овој проект, на потпретседателот на Влада и министер за транспорт, на луѓето од неговиот кабинет, се разбира, на луѓето од „Македонска железница, инфраструктура и транспорт“, на директорите коишто лично беа фокусирани и насочени при реализација на овој проект, на колегите од Владата, се разбира, министрите и замениците министри, за реализацијата на проектите коишто се дел од Програмата на Владата. Впрочем, и ова е еден таков проект.

Исто така, би сакал да се заблагодарам на секој оној којшто вложил атом енергија од своето време за да може ова денеска да стане реалност. Навистина една година е прилично брз период за да се реализира овој проект, којшто можам вака од лично искуство да кажам дека условите во коишто денеска ја поминавме делницата од Зелениково до оваа Централна железничка станица во центарот на Скопје, се навистина европски.

Дали со ова ги решаваме сите проблеми на светот коишто во суштина ги имаме? Нема да ги решиме, но дали е ова чекор напред? Да, е чекор напред во делот на решавање на дел од проблемите со кои што се соочуваме, посебно во транспортот и посебно во делот на заштитата на животната средина и загадувањето, имајќи предвид дека пред нас е и грејната сезона и предизвиците коишто доаѓаат со таа грејна сезона.

Генерално сите технички параметри коишто се поврзани со самиот проект веќе претходните говорници ги напоменаа, јас би сакал само да кажам дека продолжуваме и понатаму да ги реализираме проектите за коишто сме ја добиле довербата од народот.

Тоа е многу важно, затоа што преку реализацијата на проектите вие стекнувате кредибилитет, а преку кредибилитет ја менувате и перцепцијата за самата држава и за системот којшто го управуваме како Влада.

Сакам да се заблагодарам и на медиумите кои што ја следите работата на Владата, реализацијата на овој тип на проекти, и да посакам уште многу проекти во следните денови да можеме заеднички да посведочиме како се реализираат и отпочнуваме со нивно понатамошно користење.

Благодарност уште еднаш до сите коишто беа вклучени во овој проект. Повторно ќе кажам, до потпретседателот на Влада и министер за транспорт, до заменикот-министер за транспорт, до сите вработени во Министерството за транспорт, до директорите во „Македонска железница, инфраструктура и транспорт“, до управните одбори, вработените во тие институции, градоначалникот на Град Скопје, градоначалниците од Градот Скопје, но и до градоначалникот од Зелениково кој е тука денеска со нас, кој исто така даваше несебична поддршка при реализација на овој проект.

Впрочем, и жителите на Општина Зелениково ќе бидат корисници на оваа линија и за многу кратко време од Зелениково ќе се стига во центарот на Скопје.

И уште многу вакви проекти да ни се случуваат.

Ви благодарам.“- изјави премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски повторно ја задолжува Македонија. Ново задолжување од 1,3 милијарди евра усвоила Владата на седница.

Со ова ново задолжување, вкупно, за само две години, оваа Влада ја задолжи државата со 4 милијарди евра.

Мицкоски за две години направи 30 проценти од вкупниот јавен долг од независноста на Македонија до денес.

Но каде одат парите? Сите пари одат во криминални партиски тендери.

Како што најавуваме со месеци - во буџетот нема пари. Касата е празна. Затоа сега Мицкоски прави ново задолжување од 1,3 милијарди и го зголемува веќе постоечкиот долг од 2,5 милијарди на 4 милијарди евра.

Недели наназад владата на Мицкоски се задолжуваше со десетици и стотици милиони евра седмично.

Ова не е запаметено во Македонија.

Буџетскиот дефицит постојано надминува 4 % од БДП – што е незаконски, бидејќи Законот за буџети предвидува максимум 3 %.

Буџетот денес е околу 7 милијарди евра - двојно повеќе од 3,5 милијарди во 2017 а ништо двојно подобро не се случило.

Од нешто прават ништо.

Минималните трошоци за четиричлено семејство пораснаа за 9.000 денари за 2 години, а минималната плата само за 3.500 денари.

Работниците со минимална плата живеат полошо.

Што прави Мицкоски?

Одбива да ја покачи минималната плата на 600 евра и повторно се обидува да ја обвини претходната влада за долгови од минатото.

Секоја влада од основањето на Македонија користела кредити - тоа е нормална работа. Но ниту една влада не направила вакво нешто.

Со Мицкоски кредитите имаат само една намена: испумпување пари од буџетот за партиски криминални тендери и полнење приватни џебови.

Еден од показателите: сите претходни влади го плаќале долгот. Дури и по големата светска криза, по пандемиската криза по ковид, по почетокот на војната во Украина и енергетската криза - владата плаќаше 120 милиони евра камати. Денес оваа Влада плаќа 350 милиони евра камати.

Мицкоски ги задолжи генерациите. Ги задолжи сите што доаѓаат.

Да имаше една добра работа што ја направија, еден сериозен проект или подобрување на економијата - можеби ќе можеа да зборуваат. Но нема.

Не само што нема проект - нема пари за граѓаните.

Нема пари за мерки, нема пари за повисоки плати нема пари за пензии.

Дури сакаат да го национализираат вториот столб.

Не ја покачија минималната плата на 600 евра.

Не воведоа ниту една мерка што би го запрела огромниот раст на цените - штитеа само одредени трговци заради раст на нивниот профит.

Цените отидоа до плафон. Семејствата одвај крпат крај со крај. Младите немаат можност за нормален живот.

Ова е реалноста. Ова е цената што граѓаните ја плаќаат поради криминалните политики на Владата на Мицкоски.

Доаѓа време кога оваа криминална група ќе одговара, а парите ќе им бидат вратени на граѓаните на Македонија.

Народот ќе победи.

Прес конференција на СДСМ, Богданка Кузеска - портпаролка и членка на ИО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

И во САД има обиди за креирање на јавно мислење против изградба на дата центри. Според натписи од американските медиуми истите информации против индустријата со дата центри се шират организирано од голем број на профили од Кина.

И овие профили на социјалните мрежи организирани од Кина се на иста линија со Филипче или Филипче е на иста линија со нив.

И ставот на Кина е разбирлив затоа што САД со дата центрите и се најголем конкурент.

Но, ставот на Филипче не е за разбирање.

Зошто? Затоа што покрај наводната грижа која Филипче ја изразува од евентуално зголемено трошење електрична енергија и штетно влијание на водите во државата, тој вчера посочи дека граѓаните нема да видат никаква добивка од дата центрите.

Зарем Филипче мисли дека од развиена индустрија граѓаните немаат добивка? Зарем Филипче мисли дека национален дата центар во кој ќе се чуваат податоци на граѓаните и на државата не се придобивка?

Талогот на СДС и Филипче покажуваат само едно грижа за сопствени интереси, но не и интереси за подобар живот на граѓаните.

Миле Лефков, член на ИК и пратеник на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.