Главниот обвинител на Меѓународниот кривичен суд (МКС) Карим Кан е под сè поголем притисок поради извештаите кои дополнително укажуваат на сериозноста на обвиненијата за сексуално недолично однесување кои против него ги изнесе помлад колега, јави Еуроњуз.

Кан, кој е главен обвинител на МКС од 2021 година, е обвинет дека присилил асистентка во хотелска соба во Њујорк во декември 2023 година, според извештај на Волстрит Џурнал.

Инцидентот се истражува како дел од наводна шема на несоодветно допирање, вознемирување и присилен сексуален однос кој Кан го извршил против обвинителка.

Асистентката, адвокатка од Малезија во триесеттите години, тврдела дека Кан дополнително ја присилил на сексуален однос против нејзина волја додека била на мисии во Њујорк, Колумбија, Конго, Чад и Париз, како и во неговата резиденција во Хаг, според нејзиното сведочење кое го прегледа американскиот медиум.

Адвокатите на Кан изјавија дека сите обвиненија за сексуално насилство или недолично однесување се „категорично невистинити“.

Обвиненијата беа предмет на надворешна истрага на крајот од минатата година. Претходна внатрешна истрага беше затворена во рок од пет дена без никакви мерки.

Едно од прашањата што се врти околу случајот е прашањето за времето на издавањето на налогот за апсење на израелскиот премиер Бенјамин Нетанјаху и неговиот поранешен министер за одбрана, Јоав Галант – потег кој го санкционираше администрацијата на Трамп.

Тој налог беше издаден само две недели откако обвиненијата против Кан беа формално изнесени.

Критичарите на истрагите на судот за Израел поставија прашање дали Кан презел невидена акција во обид да го подобри својот имиџ соочен со претстојниот скандал – особено по неколку месеци критики поради наводната неактивност на Меѓународниот кривичен суд додека Израел ги засилуваше нападите врз Газа.

Израел побара судот да ги повлече налозите за апсење против Нетанјаху и Галант и да ја откаже истрагата за израелските злосторства во Газа и на Западниот Брег.

Адвокатите на Кан ги негираа тврдењата дека налогот за апсење и обвиненијата за сексуално недолично однесување се поврзани. Кан, пак, изјави дека случајот против него бил дел од поширок обид за дискредитација на Меѓународниот кривичен суд (МКС).

Извештајот на Канцеларијата за внатрешна контрола на Обединетите нации за наводното недолично однесување на Кан се очекува во наредните месеци.

Следниот логичен чекор за јапонскиот производител на автомобили би можел да биде аквизицијата на еден од многуте мали, проблематични кинески брендови на електрични возила, во овој случај – „Нета“.

Основана во 2014 година, „Нета“ произведе неколку генерички модели, вклучувајќи го спортскиот автомобил „GT“, седанот „S“ и елегантниот спортски караван „S Hunting Edition“. Сепак, компанијата се соочува со значителни финансиски предизвици од средината на 2024 година, што доведе до запирање на производството и отпуштања на работници.

Во февруари, „Нета“ обезбеди прилив на ново финансирање од 552 до 621 милион долари, но договорот беше условен со продолжување на производството, што не се случи, па инвестицијата пропадна.

Се чини дека Тојота сега бара можност да ги преземе средствата и производството на Нета. Според извештајот на кинеската компанија „Куаи Технолоџи“, „Тојота“ размислува да ја купи „Нета“.

Иако засега нема детали за тоа колку би можела да чини оваа аквизиција, проценката на „Нета“ претходно оваа година беше околу 828 милиони долари. Тоа е ситница за Тојота, која пријави повеќе од 130 милијарди долари готовина на крајот од 2024 година.

Вреди да се напомене дека Сју Јиминг, директор за комуникации на Тојота во Кина, негираше дека знаел за интересот на компанијата за купување на Нета, објавува КарЊуз Кина.

Доколку Тојота одлучи да ја направи аквизицијата, ќе добие не само средствата и технологијата на Нета, туку и подобро разбирање на конкурентниот кинески пазар и технологијата за електрични автомобили. Во 2024 година, Нета продаде 64.500 возила, но до јануари оваа година продаде само 110. Најблаго кажано - драматичен пад.

Извор: Б92

Доколку се утврди драстично зголемување на цените на прехранбените производи на крајот на месецов ќе бидат применети мерки кои ќе траат до крај на годинава, најави денеска премиерот Христијан Мицкоски.

Одговарајќи на новинарски прашања, дали поради поплаките од граѓаните за поскапувања на прехранбените производи ќе се чека извештајот од контролите на цените на прехранбените производи што ги спроведува Државниот пазарен инспекторат (ДПИ), откако на 30-ти минатиот месец завршија владините мерки за скалести маржи, Мицкоски рече дека нема таква информација според бројките што му ги претставил пред два дена ресорниот министер. Мицкоски порача и дека нема да се толерираат трикови во кои, како што рече, „преку прокси правни лица ќе се изнесуваат пари под плаштот на маркетинг и пи-ар услуги, а со тоа практично ќе се плаќа маржата на одредени маркети“.

- Ги следиме состојбите, јас немам таква информација, разговарав со министерот пред два дена, имавме состанок и ми покажа бројки, немам таква информација дека тоа се случува, но доколку се случува тоа на крајот на месецот автоматски ќе бидат применети мерки кои ќе траат до крајот на годината. Јасно кажавме дека такви трикови нема да толерираме. Слушаме трикови во кои преку прокси правни лица ќе се изнесуваат пари под плаштот на маркетинг услуги, пи ар услуги, а со тоа практично ќе се плаќа маржата на одредени маркети, слушаме, стигаат до нас тие инфоромации, вознемирени сме од тоа што го слушаме, и е добро тоа што го слушаме затоа што на тој начин не можеме да градиме партнерски однос, изјави Мицкоски, по присуство на поставување камен-темелник на училишна спортска сала во подрачен објект на ОУ „Гоце Делчев“ во село Долно Лисиче, Општина Аеродром.

Министерот за економија и труд Бесар Дурмиши на 8. месецов изјави дека инспекторите од ДПИ се на терен за да утврдат дали трговците, дистрибутерите или производителите имаат девијантно однесување, односно дали има зголемување на цените на прехранбените производи. Доколку се утврди зголемување на цените на производите во тој случај ќе се преземат поригорозни мерки, рече Дурмиши на прес-коференција, посочувајќи дека меѓу мерките кои за кои се размислува е и да се покачи процентот на маржата.