- Претседателот отсекогаш ни го чувал грбот. И ние ќе му го чуваме грбот, им рече на новинарите гувернерот на Мериленд, Вес Мур по состанокот со Бајден и потпретседателката Камала Харис во Белата куќа, на кој присуствуваа 24 демократски гувернери и градоначалникот на Вашингтон Д.Ц., вклучително и некои кои се приклучија преку Интернет.

Мур рече дека гувернерите биле искрени во пренесувањето негативни повратни информации од гласачите за лошиот настап на Бајден за време на дебатата со републиканскиот ривал Доналд Трамп. Тој рече дека јасно е дека имаат работа пред изборите на 5 ноември, но оти Бајден јасно ставил до знаење дека ќе остане во трката.

- Претседателот е наш кандидат. Претседателот е лидер на нашата партија, рече Мур.

Во последните денови сè почесто се зборува меѓу демократите дека 81-годишниот Бајден треба да се откаже од трката.

Гувернерката на Њујорк, Кети Хочул, рече дека се чувствува сигурна по состанокот и дека сите гувернери ветија поддршка за Бајден.

Гувернерот на Минесота, Тим Валц, претседател на Здружението на демократски гувернери, рече дека перформансот на Бајден во дебатата во четвртокот бил лоши но тој мисли дека Бајден е способен за функцијата.

- Очигледно, како и многу Американци, ние сме малку загрижени. Загрижени сме бидејќи заканата од претседателствување на Трамп не е теоретска, рече Валц, додавајќи дека претходното претседателство на Трамп било обележано со „хаос, уништување“.

Речиси десетина државни лидери лично присуствуваа на состанокот, но само тројца од нив потоа разговараа со новинарите.

Гувернерот на Калифорнија, Гевин Њусом, кој лично присуствуваше на состанокот, ја објави својата реакција на Х: „Слушнав три збора од претседателот вечерва – тој е подготвен. Исто и јас“.

Кампањата на Бајден соопшти дека претседателот ја повторил својата решеност „да ја победи егзистенцијалната закана од Доналд Трамп на гласачките кутии во ноември“ и дека разговарал за важноста да се привлечат демократите на гласачкото ливче.

- Сите учесници ја повторија својата колективна посветеност да направат се што е можно за да им помогнат на претседателот Бајден и потпретседателката Харис да го поразат Доналд Трамп во ноември, се вели во соопштението.

„Не, не е можно“, беше одговорот на Песков на новинарско прашање дали Ердоган може да посредува во разговорите меѓу Москва и Киев, но потврди дека на вчерашната средба меѓу Ердоган и рускиот претседател Владимир Путин „станало збор за Украина“.

Путин и Ердоган разговараа на маргините на самитот на Шангајската организација за соработка во Казахстан.

„И покрај сите тешкотии во светот, односите меѓу Русија и Турција напредуваат чекор по чекор“, рече Путин.

Рускиот претседател наводно е подготвен да го подели окупираниот украински полуостров Крим за да стави крај на војната која започна во февруари 2022 година, пишува Дејли Мејл.

Иако под санкции, на Колокотев му било дозволено да влезе во САД, наводно за да присуствува на состанокот на полициските команданти на ОН. Но, тоа е само трик за да му се дозволи да отпатува во Вашингтон со авион од претседателската флота на Путин и да ги пренесе барањата на рускиот претседател за мировен договор до американската влада.

Неговото патување во САД и пораката на Путин беа обелоденети од водечкиот украински ТВ новинар Дмитриј Гордон и рускиот Телеграмски канал Госдумскаја. Украина најверојатно нема да го прифати предлогот на Путин, бидејќи според него би морала да отстапи огромни делови од окупираната територија и да се откаже од влезот во НАТО. Сепак, овој предлог на Путин претставува отстапка во однос на претходните идеи.

„Главната цел на патувањето на Колоколцев беше да им го предаде рускиот мировен план на американските власти“, изјавил Гордон, додавајќи дека тоа е план на Путин „да стави крај на војната“.

Според овој план, Путин бара Украина целосно да се повлече од окупираните региони Доњецк и Луганск, но Русија ќе и ги предаде на Украина нуклеарната централа Запорожје и блискиот град Енерходар. Ќе се разговара и за можното враќање на регионите Керсон и Запорожје под украинска контрола.

Полуостровот Крим ќе стане „специјална демилитаризирана административна област под двојна власт на Украина и Руската Федерација“, а Украина ќе мора да се обврзе да не го блокира снабдувањето со вода на Крим.

Русија го зазеде Крим во 2014 година по што Путин вети дека полуостровот на Црното Море никогаш повеќе нема да ѝ припадне на Украина.

Според рускиот мировен предлог, Украина би контролирала „демилитаризирана зона“ долж реката Днепар од околу 100 километри. На земјата, исто така, ќе и биде забранет пристапот во НАТО - една од клучните цели на претседателот Володимир Зеленски - но ќе и биде дозволено да се приклучи на Европската унија.

Од друга страна, Западот би ги укинал санкциите кон Русија поврзани со нафтата, гасот и банкарскиот сектор.

Извештаите на Дмитриј Гордон и рускиот Телеграмски канал Госдумскаја се разликуваат во нивните тврдења за големината на армијата што Украина треба да ја задржи: Гордон вели дека има 350.000 војници, а Госдумскаја шпекулира 150.000. Гордон предупредува дека „Доњецката и Луганската област не можат да бидат префрлени под контрола на Украина, бидејќи тоа би „предизвикало геноцид врз тамошното население“, имајќи предвид дека „третина учествувала во непријателствата против Украина“. САД, Русија и Украина не ги коментираа овие наводи, ниту пак посетата на Колоколцев на САД.

Но, интересно е што авионот во кој патувал Колоколцев е виден покрај авионот на поранешниот американски претседател Доналд Трамп по слетувањето во Вашингтон.

Извор. Б92.нет