Дневен хороскоп за 14. септември 2021 година

Дневен хороскоп за вторник, 14. септември 2021 година

Девица 23.8.-23.9.

Љубов

Можеби денеска ќе бидете поскромни во љубовните барања , а не треба. Имате право на љубов.

Кариера

Најдобро ќе се чувствуваат оние кои работат самостојно , зашто им пречи влијанието на надредени.

Здравје и совет

Денот е добар за опуштање.

Вага 24.9.-23.10

Љубов

Ќе дојде до преоден немир во вашите лични односи. Вие ќе бидете премногу револуционерни , а партнерот чувствителен.

Кариера

За да ги исполните своите нови идеи , прво ќе довршите една работа што сте го оставиле на страна.

Здравје и совет

Поминете некое време во тишина.

Шкорпија 24.10-22.11.

Љубов

Уште малку ќе се натегате во личните односи , но не во толкава мерка за да ги загрозите.

Кариера

Денот е одличен за да се посветите на домот, семејството, својот семеен живот. Работата ќе ја извршувате автоматски.

Здравје и совет

Почнете со поправки по дома.

Стрелец 23.11.-21.12.

Љубов

Ќе успеете да ги надминете несогласувањата и незадоволството во врската и повторно ќе постигнете завидна рамнотежа во односите.

Кариера

Она што порано ви пречеше , сега ќе се сврти во ваша корист. Затоа денеска ќе работите полесно , побрзо и поквалитено.

Здравје и совет

Подобрување.

Јарец 22.12.-20.1.

Љубов

И натаму ќе се усогласувате со партнерот , но очигледно е дека има многу добра волја од двете страни , па ќе се среди.

Кариера

Ќе најдете заеднички јазик со оние со кои работите. Оние кои не работат, ќе уживаат без поголеми проблеми.

Здравје и совет

Можете малку да се опуштите.

Водолија 21.1.-19.2.

Љубов

Повеќето од вас ќе почувствуваат денеска потреба за домашен живот со саканата личност. Останувате дома.

Кариера

Во деловните контакти не ги презентирајте новите идеи , зашто ќе се покаже дека сте пред времето. Засега зачувајте ги.

Здравје и совет

Не брзајте.

Риби 20.2.- 20.3.

Љубов

Ќе ги оставите зад себе љубовните грижи и ќе се обидете да се свртите кон поведрата страна. Ќе успеете да го активирате потенцијалот на својот хумор.

Кариера

Не сте свесни колку сте напредни. Тоа денеска ќе ви стане целосно јасно преку соработка со другите.

Здравје и совет

Бидете она што сте.

Овен 21.3-20.4.

Љубов

Вашиот партнер ќе се согласи на некои компромиси , но и натаму ќе треба да вложувате доста напор во меѓусебната комуникација.

Кариера

На работното место сте популарни , но тоа не значи дека ќе ви прогледаат низ прсти. Треба да се работи.

Здравје и совет

Заинтересирајте се за растителни чаеви.

Бик 21.4- 20.5.

Љубов

Не приговарајте доколку тоа не е сосема оправдано . И натаму треба да го тестирате секој збор , за да не дојде до недоразбирање.

Кариера

Весело ќе сонувате за викендот пред вас , па малку ќе ја занемарите работата. Внимавајте да не ви се поткрадне грешка.

Здравје и совет

Бидете она што сте.

Близнаци 21.5.-21.6.

Љубов

Денеска би можеле да се покажете како многу пријатен домаќин на своите драги гости , било да живеете во двојка или да сте сами.

Кариера

Ќе се ослободите од секоја мисла за работата , за која знаете дека добро ви оди. Денот е како создаден за уживање.

Здравје и совет

Нема грижи , ниту напори.

Рак 22.6-22.7.

Љубов

Во својот стил за заведување ќе воведете повеќе фантазија и сензуалност. На многумина тоа ќе им се допадне.

Кариера

Оние кои денеска мора да одат на работа , ќе настојуваат на работното место да донесат свежина , уметност и убавина.

Здравје и совет

Имате добри идеи.

Лав 23.7-22.8.

Љубов

Ако се обидувате да доминирате во врската , нема да успеете. рамноправна соработка и договарање се подобра опција.

Кариера

Вашите надредени и колегите ќе постигнат договор , но вие нема најдобро да го прифатите , зашто има детали кои не ви одат во прилог.

Здравје и совет

Ќе најдете компромис.

Двегодишно девојче има ретка болест, најлошо е на рацете (ВИДЕО)

Приказната за малата Кори Рубен ги обиколи светските медиуми, а ова девојче дојде во центарот на интересот поради необичното нарушување со кое се родило.

Имено, Кори боледува од лимфедем - неправилно функционирање на лимфниот систем, а понатаму оваа болест доведува до неверојатен оток и акумулација на течност во нозете, стомакот, стапалата и рацете.

Поради тоа, двегодишното девојче Кора Рубен има екстремно отечени, речиси џиновски раце, и покрај бројните третмани и масажи, нејзините раце не престануваат да растат. Но, германски експерт им открија на нејзините очајни родители дека 80 проценти од отокот е всушност маснотија, а само 20 проценти е лимфна течност.

Во договор со Кејси и Брет, мајката и таткото на слатката Кори, лекарите се согласиле дека ќе подлежи на липосукција, и оваа постапка ќе и` овозможи на девојчето конечно да ги држи работите во раце и да носи нормална облека. Лекарите исто така веруваат дека таа ќе може да води нормален живот.

"Нејзините раце се најголемото нешто што луѓето го гледаат. Но, она што луѓето не го знаат е дека има отоци по целото тело. Во стомакот, во двете нозе, на гениталиите и како што старее, отоците стануваат полоши и полоши. ", објаснува Брет Рубен за состојбата на неговата ќерка и додаде дека неговата сопруга имала нормална бременост, и дека лекарите по раѓањето им рекле дека отокот на телото на бебето на крајот ќе се намали.

"Првите неколку недели верувавме дека отокот ќе се намали, така ни рекоа. Но, тоа не се случи, затоа посетивме педијатар и беше дијагностициран лимфедем", се сеќаваат родителите, посочувајќи дека д -р Емили Фолди од Германија помогнала најмногу, всушност, открила дека тоа не е само лимфна течност, туку и масно ткиво.

„Не е таа виновна што се родила со оваа состојба и ќе направам се што можам за да и помогнам да живее квалитетен и среќен живот“, рекла мајката за Daily Mail, додавајќи дека состојбата на Корина е далеку подобра од порано.

"Нејзината способност да ги зема и држи работите е многу подобра отколку порано. Рацете сега и` се меки и може да ги провлече низ ракавите на фустанот што сака да го носи".

Лимфедемот е тешка хронична и прогресивна болест која главно се јавува како оток на екстремитетите. Тоа е болест на лимфната циркулација, а ризичната група ги вклучува сите оние чии лимфни јазли се отстранети поради некоја причина или чиј лимфен систем е оштетен.

Франција се налути поради австралиските подморници, Нов Зеланд не ги сака во нивното море

Француската влада вчера го повлече својот амбасадор во САД на консултации како одговор на неодамна објавеното партнерство за национална безбедност меѓу САД, Велика Британија и Австралија.

Овој потег е без преседан во односите САД-Франција, земја што официјален претставник на Белата куќа неодамна ја нарече „најстариот сојузник на Соединетите држави“.

Францускиот министер за Европа и надворешни работи, Жан-Ив Ле Дриан, во рече дека тоа е направено по барање на претседателот Емануел Макрон.

Напуштањето на проектот за подморници на кој Австралија и Франција работеле од 2016 година и најавата за ново партнерство со САД претставуваат неприфатливо однесување меѓу сојузниците и партнерите, рече тој.

Тој посочи дека оваа „исклучителна одлука“ е резултат на „исклучително тешка ситуација“.

Но, не се лути само Французите. Анти-нуклеарните групи во Австралија, како и многу Австралијци, се револтирани од новиот пакт, загрижени дека може да ја донесе нуклеарната индустрија во Австралија преку задна врата, на што нацијата со децении се спротивставува.

Новиот пакт ќе и овозможи на Австралија да стане седма земја во светот која поседува подморници со нуклеарен погон, а сојузниците исто така најавија дека ќе споделуваат технологии базирани на вештачка интелигенција, како и други технологии за подморници.

Во меѓувреме, Кина ги обвини трите сили вклучени во пактот дека имаат „менталитет од Студената војна“.

На новата алијанса реагираше и премиерката на Нов Зеланд, Џасинда Ардерн, која му порача на австралискиот премиер Скот Морисон дека нуклеарните подморници нема да бидат добредојдени во територијалните води на Нов Зеланд, пренесува Си -Ен -Ен.

Во 1984 година, Нов Зеланд ги забрани сите нуклеарни активности во нивната област.

Да потсетиме, Австралија во четвртокот објави дека ќе го отфрли договорот вреден 40 милијарди долари со француска компанија која што требаше да изгради флота од конвенционални подморници и наместо тоа да изгради најмалку осум нуклеарни подморници со американска и британска технологија по склучувањето на трилатералното партнерство за безбедност.

Францускиот министер за надворешни работи Жан-Ив Ле Дријан ја опиша одлуката како нож во грб.

"Оваа еднострана и непредвидена одлука е слична на постапките на поранешниот американски претседател Доналд Трамп. Ни заби нож во грбот", рече тој по објавувањето на веста за новото партнерство.

Во четвртокот, австралискиот премиер Морисон рече дека Франција била известена за одлуката пред објавувањето, но Франција го негираше тоа.

Проектот поништува огромен австралиски налог на подморници од Франција, која пшто изрази остри реакции кон Канбера за прекршување на даден збор, како и против американскиот претседател Џо Бајден.

„Не бевме информирани за проектот пред да се појават првите информации во американскиот и австралискиот печат, неколку часа пред официјалната објава на американскиот претседател Џо Бајден“, рече портпаролот на француската амбасада во Вашингтон, Паскал Конфавро.

Морисон вчера го призна кршењето на австралиско-француските односи, но инсистираше на тоа дека во јуни му кажал на францускиот претседател Емануел Макрон дека Австралија се премислила за договорот и дека можеби ќе треба да донесат поинаква одлука.

„Го кажав многу јасно, имавме долга вечера во Париз, за ​​нашите многу важни грижи, за можностите на конвенционалните подморници да се справат со новата стратешка средина со која се соочуваме“, рече Морисон за Радио 5аа.

„Многу јасно кажав за што станува збор и дека Австралија ќе треба да донесе одлука што е од наш национален интерес“, рече тој.

Напнатоста во австралиско-француските односи дојде во време кога САД и нивните сојузници бараат дополнителна поддршка во Азија и Пацификот поради загриженоста за зголеменото влијание на се` посилната Кина.

Франција треба да го преземе претседателството со Европската унија, која во четвртокот издаде стратегија за индо-пацифичкиот регион, ветувајќи дека ќе постигне повеќе трговски договори со Тајван и ќе ангажира повеќе бродови за да ги држи отворени поморските патишта.

Германците организараа замена за откажаниот Октоберфест (ВИДЕО)

Поради пандемијата на коронавирус, Октоберфест нема да се одржи ниту оваа година, но алтернативен настан од мали размери започна денеска во Минхен.

Настанот започна истиот ден и на местото на познатиот германски фестивал на пивото.

Бурињата со пиво се споија во пабовите во закажаното време на Октоберфест, во 12 часот по локално време.

Луѓето се собраа во Терезиенвизе, отворен простор во Минхен, каде што вообичаено се одржува најголемиот фестивал на пивото, носејќи работи за излети и пијалоци.

За разлика од минатата година, оваа година алкохолот е дозволен на овој голем простор. Областа стана јавен зелен простор, рече шефот на Октоберфест, Клеменс Баумгаертнер.

Екологистите се задоволни од фактот дека фестивалот не се одржал, бидејќи му помогна на Терезиенвизе, што повторно стана зелена површина, пишува германската агенција DPA.

Градските власти и организаторите на фестивалот ги поканија луѓето да се приклучат на алтернативниот настан, на кој учествуваат и околу 50 ресторани.

Баровите се украсени во стилот на познатите шатори од Октоберфест, а фестивалот трае до 3 октомври.

Оригиналниот Октоберфест е планиран за следната година, објавија Баумгаертнер и градоначалникот на Минхен, Дитер Рајтер.

притисни ентер