Дневен хороскоп за 12. август 2023 година - Канал 5

Дневен хороскоп за 12. август 2023 година

Дневен хороскоп за сабота, 12. август 2023 година. 

Дневен хороскоп за 12. август 2023 година

Лав 23.7-22.8.

Љубов

Потребата за нежност ќе порасне и ќе очекувате од другата страна да биде нежна. Од неа зависи дали ќе биде така.

Кариера

На работа ќе добиете шанса да ја изразите својата креативност . Затоа денешниот ден ќе ви биде успешен и пријатен.

Здравје и совет

Зголемување на општата виталност.

Девица 23.8.-23.9.

Љубов

Денеска ќе имате поттик за љубов, а особено се однесува за млади Ракови , женски или машки. Бидете она што сте и се ќе биде добро.

Кариера

Добро познатите работи ќе добијат нов залет и поттик , а вие ќе работите вредно и полетно и со добро чувство во себе.

Здравје и совет

Можете да изберете спорт за вас.

Вага 24.9.-23.10.

Љубов

Ќе бидете се подобро поврзани со другите , па така и со саканата личност. Од таму ќе ви биде возвратено на пријатен начин.

Кариера

Се уште не сте навикнати дека пречките се урнати , па од време на време се чудите како тоа работите полесно и подобро соработувате со другите.

Здравје и совет

Рекреирајте се.

Шкорпија 24.10-22.11.

Љубов

Отворени сте за нови можности и со се поголема надеж им се препуштате на спонтаните моменти , кои носат задоволство.

Кариера

Не сакате порази , но некои принципи мора да се постават. Денеска ќе зборувате за нив на лежерен начин.

Здравје и совет

Не јадете тешка храна.

Стрелец 23.11.-21.12.

Љубов

Освен сензацијата на која што работите , денеска ќе се занимавате со интуитивни содржини , што ќе ги внесувате во љубовниот живот.

Кариера

Сите кои работат во сенка , денеска ќе добијат добар поттик. Другите ќе се занимаваат со суптилни вибрации на работа.

Здравје и совет

Ја дозирате храната и тоа е добро.

Јарец 22.12.-20.1.

Љубов

Вашата љубовна идила продолжува на општа радост и среќа. Оние кои уште бараат сродна душа , нека излезат и нека бидат друштвени.

Кариера

Добро ќе се снаоѓате , како во очигледните задачи , така и во оние кои подразбираат читање меѓу редови

Здравје и совет

Останете доследни на себеси.

Водолија 21.1.-19.2.

Љубов

Вашата моментална потреба за акција ќе ве наведува на непромислени чекори и изјави кога станува збор за љубов.

Кариера

Тргате во нови деловни битки и има малку што може да ве запре. Ќе им бидете пример на другите.

Здравје и совет

Мали нервози.

Риби 20.2.- 20.3.

Љубов

Уште ќе бидете под впечаток на некои тажни мисли , но тие полека ве напуштаат и на нивно место доаѓаат поведри , така што и односите се подобруваат.

Кариера

Ќе се трудите јасно да го изразите своето мислење и ќе бидете во право , но вашите пшефови поради сопствената несигурност нема тоа да ви го признаат.

Здравје и совет

Останете прибрани.

Овен 21.3-20.4.

Љубов

Ситуацијата ви е шарена. Може да излезете и убаво да си поминете , но вашите лични односи ќе останат на непријатно ниво.

Кариера

некои ќе поставуваат премногу прашања и со нив ќе направат уште поголемо недоразбирање. Обидете се да се концентрирате само на она што е важно.

Здравје и совет

Одморајте се редовно.

Бик 21.4- 20.5.

Љубов

Вашиот друштвен живот и денеска може да биде интересен и богат , но душата и натаму ви е празна. Свртете се на шега.

Кариера

Добро се поставени работите со млади , спорт и забава , но и таму се обидувате да бидете дипломат.

Здравје и совет

Организирајте си го денот.

Близнаци 21.5.-21.6.

Љубов

Ќе се обидете да ги подобрите личните односи или ако сте уште сами ќе воспоставите нови , но тоа ќе оди час горе ,час долу. Сметајте на тоа.

Кариера

Во деловните работи немате никакви проблеми , освен мали нервози . Искористете ги ситуациите.

Здравје и совет

Прошетајте се на воздух.

Рак 22.6-22.7.

Љубов

Ќе бидете многу успешни и витални во сексуалниот живот . На тој начин ќе ја збогатите својата врска и ќе се послужите со интуицијата.

Кариера

Ако ви се пристори дека ве кочат , знајте дека тоа нема долго да трае и вие ќе го пробиете мразот , што и така се топи.

Здравје и совет

Истегнете се преку гимнастика или јога.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар

Предизвикот за земјите од регионот е како заеднички да настапуваат на европскиот пазар, како да се натпреваруваат со конкуренцијата и како да се постигне повисоко ниво на развој. 

Николоски од Виенскиот економски форум: Економската соработка на регионот е потребна за заеднички пристап и посилна конкуренција на глобалниот пазар

За овие прашања, за можностите за економски напредок на регионот, како и за инвестициите во инфраструктурата, зборуваше заменик претседателот на Владата, Александар Николоски, кој се обрати на 23-от Виенски економски форум.

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

“Наш предизвик, но истовремено и наша задача, е да соработуваме сите економии што ги претставуваме. Без разлика дали станува збор за мојата земја или за која било друга земја од регионот, факт е дека нашите економии се премногу мали за да бидат конкурентни на глобалниот пазар. Дури и целиот регион, гледан како една целина, е премал за самостојно да биде глобално конкурентен. Токму затоа треба да соработуваме. Свесен сум дека тоа не е лесна задача, имајќи ги предвид политичките предизвици, политичкото минато и историското наследство на регионот. Но, и покрај тоа, тоа е задача што мораме да ја преземеме и на која мораме заеднички да работиме” – се обрати Николоски.

Додаде дека вистинското прашање во следниот период е дали земјите од регионот ќе успееме да го подигнеме квалитетот што го нудиме. Тој на форумот ги потенцира развојните проекти што се реализираат во Македонија во делот на патната и железничката инфраструктура.

“ Што се однесува до железницата, се наоѓаме во многу напредна фаза на подготовка за започнување на работите на проектот за брза железница, која ќе се протега од границата со Грција до границата со Србија. Oчекувам изградбата да започне на пролет. Станува збор за огромен проект, кој ќе биде најголемиот поединечен инфраструктурен проект во Југоисточна Европа, со инвестиција од приближно две милијарди евра.

Во однос на Коридорот 8, успеавме да постигнеме договор со Бугарија за железничкото поврзување. Двете страни веќе работат на реализацијата на проектот. Ние веќе инвестираме околу 810 милиони евра во железничкото поврзување, а Бугарија презема слични активности на своја територија. Во понапредна фаза е автопатското поврзување, каде што двете страни вложуваат значителни напори. Од наша страна, работите се завршени до границата со Бугарија, односно веќе имаме изградено автопат или експресен пат. Заедно со Европската Унија работиме и на западната железничка врска со Албанија.

Кога ќе се соберат сите овие активности, станува збор за инвестиции од приближно пет до шест милијарди евра во овие коридори. Нашата цел е земјата да стане важна крстосница, со што ќе придонесеме не само за растот на бизнисот и економијата, туку и за зајакнување на безбедноста” – се обрати Николоски на глобалниот форум.

Министерство за транспорт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Од Химлунг до Манаслу: Благица Владимировска ги поместува границите на македонското високогорство

На над 7.000 метри височина, на температура од минус 35 степени, со ветрови од 60 километри на час и повеќе од 20 часа борба со екстремните услови, македонската високогорка Благица Владимировска го оствари својот голем хималајски подвиг. 

Од Химлунг до Манаслу: Благица Владимировска ги поместува границите на македонското високогорство

По Химлунг, нејзиниот поглед е насочен кон следниот врв , Манаслу (8.163 метри) – осмиот највисок врв во светот и нејзиниот следен голем предизвик.

Постојат места на светот каде што човекот учи колку е мал пред моќта на природата. Места каде што секој здив е напор, секој чекор е одлука, а една погрешна проценка може да ја направи разликата меѓу животот и смртта.

Едно од тие места е Химлунг, на Хималаите, каде што македонската високогорка Благица Владимировска достигна височина од околу 7.020 метри, носејќи го македонското знаме во едни од најсуровите услови со кои може да се соочи еден планинар.

Со овој подвиг, Владимировска се вбројува меѓу ретките Македонки што ја надминале границата од 7.000 метри – височина на која човечкото тело се соочува со сериозен недостиг од кислород, а физичката подготвеност, искуството и менталната стабилност стануваат подеднакво важни.

Минус 35 степени. Ветер од 60 километри на час. Петнаесет килограми опрема. Повеќе од 20 часа изложеност на снег, мраз и исцрпеност. Без вода и храна.

Зад овие бројки не стои само спортски резултат. Стои борба во која секоја одлука има тежина, а желбата да се стигне повисоко никогаш не смее да биде посилна од почитта кон планината.

За Благица, високогорството не е натпревар со природата, ниту обид да се докаже сопствената надмоќ. Тоа е начин на живот, изграден врз дисциплина, истрајност, самоконтрола и способност да се препознае границата меѓу храброста и непромисленоста.

„Ова е приказна од реалноста, каде што еден погрешен чекор може да значи живот или смрт. Каде што одлуките не смеат да бидат водени од егото и самољубието. Каде што почитта кон планината е религија. Таму јас вистински живеам“, вели Благица Владимировска.

Следната цел – Манаслу, 8.163 метри надморска височина

Но подвигот на Химлунг не е крајната точка на нејзината високогорска приказна. Напротив, тој е уште еден голем чекор кон следната цел – Манаслу, врв висок 8.163 метри, кој се издигнува на Хималаите во Непал и е осмиот највисок врв на планетата.

Манаслу е еден од четиринаесетте врвови во светот повисоки од 8.000 метри. На тие височини, во таканаречената „зона на смртта“, човечкиот организам функционира во услови на екстремен недостиг од кислород, а секој дополнителен метар претставува огромен физички и ментален предизвик.

За големите височини, покрај храброста, потребна е и поддршка

Досега, зад секоја експедиција на Благица Владимировска стоеле нејзината лична посветеност, огромни одрекувања и сопствени финансиски средства. Сите досегашни високогорски предизвици ги организирала и финансирала самостојно, вложувајќи во подготовките, патувањата и опремата, водена од желбата да ги поместува сопствените граници и достоинствено да го претставува македонското високогорство.

Но Манаслу е предизвик од сосема поинакви размери.

Експедиција на 8.163 метри подразбира сериозни финансиски средства, специјализирана опрема, сложена логистика, долготрајни подготовки и високи безбедносни стандарди. Затоа, за остварување на следната голема цел, на Благица овојпат ќе ѝ биде потребна и финансиска поддршка.

Ова е можност македонските компании, институции и сите оние што веруваат во спортот, истрајноста и човечките достигнувања да станат дел од една нова високогорска приказна. Да поддржат жена која со сопствени сили веќе стигнала таму каде што малкумина успеваат, а сега се подготвува за еден од најголемите предизвици во светското високогорство.

Зашто ваквите успеси се инспирација за новите генерации, доказ дека големите соништа не се резервирани само за оние што доаѓаат од големи земји и потсетник дека и Македонија има луѓе со капацитет за најголемите светски предизвици.

Имаме Македонка која стигна над 7.000 метри на Хималаите. Македонка која се соочи со суровоста на Химлунг, со екстремниот студ, ветерот и исцрпеноста. Македонка која сега се подготвува за Манаслу – 8.163 метри над светот.

Нејзиното име е Благица Владимировска.

ПОВИК ЗА ПОДДРШКА НА ЕКСПЕДИЦИЈАТА „МАНАСЛУ 8.163“

Компании, институции и поединци заинтересирани за финансиска или спонзорска поддршка на следната високогорска експедиција на Благица Владимировска можат да се обратат на:

Е-пошта:[email protected]

Предмет: Поддршка за експедицијата Манаслу 8.163 – Благица Владимировска

Да застанеме зад македонската високогорка која се подготвува за еден од највисоките врвови на светот. Зашто големите височини се достигнуваат со лична храброст, но и со заедничка поддршка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сведочи ќерката на првообвинетиот во случајот „Пулс“

Со сведочење на ќерката на првообвинетиот Дејан Јованов денеска продолжува судењето за пожарот во дискотеката „Пулс“ во Кочани.

Сведочи ќерката на првообвинетиот во случајот „Пулс“

Рочиштето се одржува во судницата во затворот „Идризово“. Судењето го води судијката Дијана Груевска-Илиевска, а обвинението го застапува тим од 15 јавни обвинители.

Процесот започна на 19 ноември 2025 година, осум месеци по трагичниот пожар.

Во несреќата, која се случи на 16 март за време на настапот на групата ДНК, загинаа 63 лица, а над 200 беа повредени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер