Дневен хороскоп за 11.септември 2021 година

Дневен хороскоп за сабота, 11. септември 2021 година. 

Девица 23.8.-23.9.

Љубов

Ќе препознавате убавина околу себе и со доблесни намери ќе им пристапувате на лицата кои ви се допаѓаат.

Кариера

Веројатни се подготовки за краток службен пат , каде треба да ви се случат убави нешта.

Здравје и совет

Ќе се чувствувате одлично.

Вага 24.9.-23.10

Љубов

Поволни љубовни можност ќе се појават и денеска . Излегување, блискост со саканата личност , задоволство и среќа се тука.

Кариера

Службено пшатување или движење во одредени кругови може да биде добро како инспирација за оригинален деловен план. Не се сомневајте во своите идеи,. одлични се.

Здравје и совет

Се се одвива според планот.

Шкорпија 24.10-22.11.

Љубов

Денеска е денот што ветува многу на љубовен план. Се ќе упатува на хармонија, размена на идеи , телепатско разбирање и поврзување.

Кариера

Ќе мора да се позанимавате со еден финансиски проблем. Ќе успеете да најдете задоволително решение.

Здравје и совет

Прифатете ги предизвиците.

Стрелец 23.11.-21.12.

Љубов

Денот е идеален за неврзано дружење со кафенце . Излезете , разговарајте со драги луѓе или со саканата личност.

Кариера

Не е спорно дека вие сте заслужни за успеси , но спорно е колкав е вашиот удел. Можеби тоа ќе се мери.

Здравје и совет

Во право сте што негувате природен изглед.

Јарец 22.12.-20.1.

Љубов

Ќе ве обземат емоции на кои е најдобро да им се препуштите. Вашето срце ќе ви биде јасен патоказ за тоа што треба да се направи.

Кариера

Денот е одличен за секаков вид анализи. Ако има големи отстапувања, ќе ги решавате.

Здравје и совет

Игнорирајте ги грижите.

Водолија 21.1.-19.2.

Љубов

Ве очекува добраз абава со пријателите. Некои меѓу нив или со нивна помош ќе сретнат нова љубов.

Кариера

Ќе бидете сигурни во своите дела и ќе настојувате планот да го изведете до крај, но тоа ќе биде доста напорно. Сметајте на тоа.

Здравје и совет

Внимавајте на провев.

Риби 20.2.- 20.3.

Љубов

Вашата потреба емотивно дас е изразите ќе биде се посилна , па на партнерот ќе му шепотите нежни зборови.

Кариера

Цврсто го држите кормилото во свои раце и покрај минливите проблеми. ќе успеете да решите помала препрека.

Здравје и совет

Интересни сништа.

Овен 21.3-20.4.

Љубов

Ќе играте на сигурно. Ќе ја однесете саканата личност таму каде што знаете дека има добра забава . Ќе успеете.

Кариера

Ќе се покажете не само како одличен работник , туку и како многу добар советник за секаков вид работа.

Здравје и совет

Одете таму каде штио се чувствувате добро.

Бик 21.4- 20.5.

Љубов

Можно е дека ќе изгубите некакви илузии во врска со саканата личност. Тоа ќе биде мал напредок во вашето созревање.

Кариера

И со каква работа да се занимавате , денеска ќе ви оди од рака. Работите ќе се решаваат самите од себе , а вие само ќе ги контролирате.

Здравје и совет

Наспијте се.

Близнаци 21.5.-21.6.

Љубов

Одличен ден за излегувања , забава и нови познанаства. Се што е поврзано со тоа ,ќе ви оди од рака. Придвижете се.

Кариера

Самостојните професии денеска ќе размислуваат за смисолот на она што го работат. Некои одлуки оставете ги за утре кога се ќе биде појасно.

Здравје и совет

Послушајте го својот внатрешен глас.

Рак 22.6-22.7.

Љубов

Едно излегување би можело да се покаже посериозно отколку што сте очекувале. Ќе стане збор за многу важни теми.

Кариера

Работите во кои се бара остроумност и специфични таленти денеска ви се многу добро поставени.

Здравје и совет

Бидете поодговорни.

Лав 23.7-22.8.

Љубов

Пред вас е уште еден ден во кој ќе дојде до отвореност на сите можности кога станува збор за љубовта.

Кариера

Секој ваш потег е исто толку добар , како и на другите колеги. затоа , немојте да мислите дека нешто може да скриете.

Здравје и совет

Прифатете ја реалноста.

Трагедија во Србија: Млад музичар почина на бина за време на настап

Вељко Ратковиќ (21), член на КУД „Краљевачка ризница“,ненадејно почина на сцена синоќа околу 21 часот за време на настапот на настанот „Купусијада“ во Мрчајевци.

Како што неофицијално дознаваат медиумите од блиска личност до овој случај, тој починал од наркотични средства што предизвикале срцев застој. Наводно имал тежок живот од раѓање.

- Вељко имаше тежок живот и беше зависник со години. Ја загубил својата мајка кога имал само една година. Тој порасна сам со својот татко. Нема браќа и сестри ... - наведува соговорникот и додава:

- Најтешко ни беше кога требаше да го повикаме татко му. Тој, маченик, се појави за 15 минути. Трчаше целиот луд, скршен од болка, плачеше гласно за неговиот син единец. Никогаш нема да ги заборавиме неговите офкања.“

Очевидци на оваа трагедија, поточно, членовите на споменатото Културно -уметничко друштво, во кое несреќниот Вењко свирел на флејта, за „Блиц“ велат дека не можат да се соземат од шокот што го доживеале вчера.

- Се` се случи одеднаш. Изгледаше сосема нормално, немаше што да укаже дека не е добро. Тој го изведе првиот и вториот дел од изведбата на најнормален начин, но за време на третото појавување на сцена, тој само падна. Програмата беше веднаш прекината, сите бевме во шок! Брзата помош пристигна многу брзо. Го реанимирале неколку пати, а потоа го однеле во болница. Како што ни беше кажано, тој беше донесен без витални функции на Одделот за итни случаи во Општата болница Чачак. За него немаше спас ... - велат колегите на починатиот.

Велат дека Вељко се повлекол од „Краљвачка ризница“ минатата година, дека ретко се појавувал и дека, наводно, почнал да се дружи со „сомнително“ друштво.

- Доаѓаше многу ретко, скоро и да не го гледавме. Поминуваше цел ден во теретана. Тоа е се` што знаеме за него. Престана да се дружи со нас ... Знаевме дека зема дрога со години - наведуваат тие.

Русковска: Истрагата за Драги Рашковски во завршна фаза

Истрагата за поранешниот генерален секретар на Владата, Драги Рашковски е во завршна фаза, вели шефицата на Обвинителството за гонење организиран криминал и корупција, Вилма Русковска во интервју за Радио слободна Европа.

– Истрагата е во завршна фаза. Го добивме материјално-финансиското вештачење. Се чека уште едно вештачење, треба до следната недела да стигне и тоа и ќе се викаат осомничените да дадат своја одбрана, доколку сакаат, посочува Русковска во интервјуто.

Потврди дека се истражува како може Рашковски да си дозволи гаранција од околу 500 илјади евра за замена на мерката притвор во домашен притвор, а во истрагата влегува и прашањето од каде му парите на Рашковски за хациенда во Побожје.

Русковска вели дека и случајот „Империја" е во завршна фаза, а најавува и дека по истекот на мандатот нема да се кандидира повторно за прв човек на Обвинителството.

Во врска со истрагата за пожарот во модуларната болница во Тетово, на прашањето дали се повикани сведоци на распит, Русковска вели дека тие не можат да повикаат сведоци, бидејќи не ја водат истрагата.

– Наш дел е само во јавната набавка, да се разгледа документацијата, да се анализира и потоа да се одлучи што понатаму. Ако има некоја одговорност, односно во делот ако е повреден Законот за јавни набавки или во делот, бидејќи посебен закон е донесен за набавка на овие модуларни болници или во тој дел ако е повреден тогаш ќе одлучиме кого ќе распитаме и кого ќе викнеме. Сето останато е во делот што го води Основното обвинителство во Тетово, вели таа.

Во однос на тоа доколку се утврди дека потписот на министерот за здравство Венко Филипче не фигурира, односно дека набавката одела преку Министерството за труд и социјална политика дали тогаш Филипче не би бил предмет на истрагата, Русковска вели да не се навлегува во шпекулации.

– Прво треба да ја видиме документацијата па евентуално ако сметаме дека нешто во делот на набавките не е во ред ќе се одлучува кој и дали ќе биде повикан, дали како сведок, дали како лице од кое се бараат потребни известувања затоа што тоа се ќе биде во предистражна постапка, истакна Русковска во интервјуто.

Македонска компанија победи на „Global Fundraising Stage Miami 2021"

Македонскиот стартап „Creative Hub", кој во 2019 година се најде на листата на најупешните на Форбс „30 под 30", вчера победи на Глобалниот Инвестициски настан Мајами 2021.

Од „Creative Hub" информираат дека ова е прва победа на македонска компанија која на настанот беше презентирана од основачот Аријана Коскарова на инвестициски самит во САД. Настанот, кој поради пандемијата се одржа виртуелно, е организиран од Светскиот инвестициски форум на бизнис ангели (WBAF) и Институтот за „Data Science" од Мајами.

„Creative Hub" беше единствен стартап од Европа, а целта беше токму привлекување на инвестиции за развој на бизнисот и отворање на нов пазар во САД.

– Првпат после четири години од отворање на бизнисот повторно застанав на сцена во улога на стартап. Со оглед на фактот што останатите компании беа од областа на канабис, medtech, fintech и воедно беа американски старапи не мислев дека имаме шанса. Но нашата презентација му се се допадна на жирито и токму проблемот кој го решаваме, а тоа е потребата од нови вештини кои ги налага растот на технологијата. Во САД до 2030 година ќе има недостаток од 85 милиони работници од областите на кои се нашите Академии. Тоа заедно со нашиот бизнис модел и реалните податоци кои ги презентиравме ни ја донесоа победата. Оваа победа е само почеток на успех на нашата компанија надвор од границите на нашата земја, рече Аријана Коскарова, основач на „Creative Hub".

Глобалната Инвестициска Сцена (GFRS) е интернационална ко-инвестициска платформа за инвеститори, стартапи и бизниси со голем потенцијал за раст кој има за цел да им отвори можност за глобализација на бизнисите преку собирање на инвестици од верификувани инвеститори.

притисни ентер