Со отворањето на 18-тиот Центар за услуги во Македонија, граѓаните на Струмица и на околните општини добиваат пристап до 350 услуги од Националниот портал за електронски услуги – uslugi.gov.mk, со непосредна помош од вработените во центарот.

Во изјавата за медиумите, министерот Андоновски истакна дека новиот центар е резултат на успешната соработка меѓу Министерството за дигитална трансформација и локалната самоуправа, која го обезбеди просторот.

„Како што ветивме во текот на кампањата и како што разговаравме со градоначалникот, Струмица е во фокусот на Министерството за дигитална трансформација. Големо е задоволството што тука го отвораме 18-тиот Центар за услуги во Македонија. Во одлична соработка со локалната самоуправа, нашите вработени сега се достапни да им ги понудат 350-те услуги од Националниот портал на граѓаните од Струмица и од целиот регион“, изјави Андоновски.

Министерот посочи дека центарот е наменет за сите граѓани, особено за оние кои немаат можност, не сакаат или не знаат самостојно да ги користат електронските услуги од својот дом. Со поддршка од вработените, тие ќе можат полесно да пристапат до потребните услуги на едно место.

„Секој граѓанин кој не е во можност или не знае како да користи електронски услуги од дома, тоа ќе може да го направи тука, во Центарот за услуги. Уверението за државјанство, потврдите за неосудуваност, за кривична и казнена евиденција, изводите од матичните книги на родени, венчани и умрени, како и услугите од Агенцијата за катастар, се достапни на едно место во Струмица“, нагласи министерот.

Градоначалникот на Општина Струмица, Петар Јанков, се заблагодари за успешната соработка со Министерството за дигитална трансформација и изрази желба таа да продолжи и во иднина, во интерес на граѓаните на општината. Тој ги повика граѓаните да ги користат услугите на новиот Центар за услуги, кои ќе им заштедат време и ќе го олеснат процесот на добивање на потребните документи.

Покрај пристапот до услугите, центарот има и едукативна улога, преку која граѓаните ќе добиваат насоки и помош за користење на електронските услуги. Андоновски истакна дека соработката со Општина Струмица продолжува и преку други проекти за подобрување на дигиталната достапност.

„Намената на центарот е и едукативна, а соработката со општините не запира тука. Во Струмица реализиравме и две зони за бесплатен интернет преку проект на ГИЗ и Европската Унија. Во периодот што следи, граѓаните треба да очекуваат новини од соработката на Министерството со општините, секако и со Општина Струмица“, рече Андоновски.

Министерот ја потврди заложбата до крајот на годината да бидат отворени 20 центри за услуги, најавувајќи дека следни се Ресен, Кичево и Гостивар. Воедно, најави и кампања од пролет за доближување на електронските услуги до жителите на руралните средини.

„Целта е до крајот на мандатот да стигнеме до секој граѓанин. Ветив дека до крајот на годината ќе имаме 20 вакви центри за услуги и тоа ќе го исполниме. Следни се Ресен, Кичево и Гостивар, со што веќе покриваме најголем дел од градовите во Македонија. Од пролет најавувам и кампања за руралните средини, за електронските услуги да ги доближиме до сите граѓани, бидејќи само во тој случај дигиталните услуги се корисни“, порача Андоновски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Интересот за првото издание е голем – пријавени се вкупно 180 тркачи. Трката е организирана во две категории: „Сива Кобила Треил“, долга 33 километри со 1.800 метри висинска разлика, и „Буов Треил“, долга 15 километри со 700 метри искачување. Двете патеки стартуваат и завршуваат во Македонска Каменица. Дополнително ќе има организирано и детска трка која ќе биде од ревијален карактер.

„Каменица Треилс“ е создаден со идеја преку планинското трчање да се промовираат природните убавини и туристичкиот потенцијал на овој дел од Источна Македонија. Трките тргнуваат од “Паркот на Рударите” во Каменица и набрзо се искачуваат кон планината, низ шумски предели и отворени планински пространства, со панорамски погледи кон Калиманското Езеро и Осоговските планини.

Првото издание на „Каменица Треилс“ ќе биде можност за тркачите да запознаат нова планинска дестинација, но и почеток на една нова спортска приказна во Македонска Каменица.

На 10 октомври, Каменица трча кон планината.

Агенда на настанот

Петок, 09 октомври

17:00 – 21:00 | Дом на Културата – Каменица

Подигнување на стартни пакети и можност за запознавање со организацијата и информациите за трката.

Сабота, 10 октомври

07:00 – 08:45 | Дом на Културата – Каменица

Подигнување на преостанатите стартни пакети.

09:00 | Парк на Рудари

🏃 Старт на Буов Треил 15К и Сива Кобила Треил 33К

09:45 – 10:00 | Парк на Рудари

👧 Детска трка

10:30 | Парк на Рудари

🏁 Очекуван прв финишер на Буов Треил 15К

12:40 | Парк на Рудари

🏁 Очекуван прв финишер на Сива Кобила Треил 33К

14:00 | Парк на Рудари

🎵 Музички настап – Grooveitup

15:00 | Парк на Рудари

🏆 Прогласување на победниците и доделување на наградите

15:30 – 16:00 | Парк на Рудари

🎵 Музички настап – Grooveitup

17:00 | Парк на Рудари

Крај на настанот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На средбата присуствуваа поранешните директори Тодор Делјановски, Вангел Андрески, Саша Богдановиќ и Васко Кичевски.

Средбата беше можност за размена на искуства и сеќавања, како и за разговор за развојот на претпријатието, предизвиците со кои се соочувало во различни периоди и промените и достигнувањата во изминатите две децении. Со оваа средба воедно започнаа и подготовките за одбележување на значајниот јубилеј – 20 години од основањето на ЈП ПОЦ.

„Дваесет години се значаен период во кој претпријатието поминало низ многу промени и предизвици. Денешната средба беше убава можност да се потсетиме на почетоците, да размениме искуства и да им оддадеме признание на сите кои низ годините придонеле за развојот на ЈП ПОЦ. Секој период оставил свој белег, а наша задача е да го продолжиме тој развој и да обезбедиме уште подобри услуги за граѓаните", истакна директорот Душко Коцевски.

Како дел од јубилејните активности, предвидена е изработка на публикација посветена на 20-годишнината, која ќе го документира развојот на претпријатието низ годините и ќе содржи сведоштва, искуства и сеќавања од луѓето кои во различни периоди биле дел од неговото раководење и развој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.