Ковачевски до Јаневска: Се затвораат училишта и се спојуваат паралелки – дали децата ќе добијат поквалитетно образование?
2Ковачевски до Јаневска: Се затвораат училишта и се спојуваат паралелки – дали децата ќе добијат поквалитетно образование?
3Геговска: Ви следи бумеранг - за криминал и казни врз народот свикувате седници за два часа, а за заштита на жените продавате празни најави!
Историски момент за „Војаџер 1“. Сонда е оддалечена еден светлосен ден од Земјата или 25,9 милијарди километри
1Историски момент за „Војаџер 1“. Сонда е оддалечена еден светлосен ден од Земјата или 25,9 милијарди километри
3Тамара Тодевска на 7 декември со голем концерт „25 години љубов“ – над 40 музичари, хор и безвременски хитови на сцената
ХороскопДневен хороскоп за 10. јули 2023 годинаДневен хороскоп за понеделник, 10. јули 2023 година.Рак 22.6-22.7. Љубов Едно излегување би можело да се покаже посериозно отколку што сте очекувале. Ќе стане збор за многу важни теми. Кариера Работите во кои се бара остроумност и специфични таленти денеска ви се многу добро поставени. Здравје и совет Бидете поодговорни. Лав 23.7-22.8. Љубов Пред вас е уште еден ден во кој ќе дојде до отвореност на сите можности кога станува збор за љубовта. Кариера Секој ваш потег е исто толку добар , како и на другите колеги. затоа , немојте да мислите дека нешто може да скриете. Здравје и совет Прифатете ја реалноста. Девица 23.8.-23.9. Љубов Ќе препознавате убавина околу себе и со доблесни намери ќе им пристапувате на лицата кои ви се допаѓаат. Кариера Веројатни се подготовки за краток службен пат , каде треба да ви се случат убави нешта. Здравје и совет Ќе се чувствувате одлично. Вага 24.9.-23.10 Љубов Поволни љубовни можност ќе се појават и денеска . Излегување, блискост со саканата личност , задоволство и среќа се тука. Кариера Службено патување или движење во одредени кругови може да биде добро како инспирација за оригинален деловен план. Не се сомневајте во своите идеи,. одлични се. Здравје и совет Сѐ се одвива според планот. Шкорпија 24.10-22.11. Љубов Денеска е денот што ветува многу на љубовен план. Се ќе упатува на хармонија, размена на идеи , телепатско разбирање и поврзување. Кариера Ќе мора да се позанимавате со еден финансиски проблем. Ќе успеете да најдете задоволително решение. Здравје и совет Прифатете ги предизвиците. Стрелец 23.11.-21.12. Љубов Денот е идеален за неврзано дружење со кафенце . Излезете , разговарајте со драги луѓе или со саканата личност. Кариера Не е спорно дека вие сте заслужни за успеси , но спорно е колкав е вашиот удел. Можеби тоа ќе се мери. Здравје и совет Во право сте што негувате природен изглед. Јарец 22.12.-20.1. Љубов Ќе ве обземат емоции на кои е најдобро да им се препуштите. Вашето срце ќе ви биде јасен патоказ за тоа што треба да се направи. Кариера Денот е одличен за секаков вид анализи. Ако има големи отстапувања, ќе ги решавате. Здравје и совет Игнорирајте ги грижите. Водолија 21.1.-19.2. Љубов Ве очекува добра забава со пријателите. Некои меѓу нив или со нивна помош ќе сретнат нова љубов. Кариера Ќе бидете сигурни во своите дела и ќе настојувате планот да го изведете до крај, но тоа ќе биде доста напорно. Сметајте на тоа. Здравје и совет Внимавајте на провев. Риби 20.2.- 20.3. Љубов Вашата потреба емотивно да се изразите ќе биде се посилна , па на партнерот ќе му шепотите нежни зборови. Кариера Цврсто го држите кормилото во свои раце и покрај минливите проблеми. ќе успеете да решите помала препрека. Здравје и совет Интересни сништа. Овен 21.3-20.4. Љубов Ќе играте на сигурно. Ќе ја однесете саканата личност таму каде што знаете дека има добра забава . Ќе успеете. Кариера Ќе се покажете не само како одличен работник , туку и како многу добар советник за секаков вид работа. Здравје и совет Одете таму каде штио се чувствувате добро. Бик 21.4- 20.5. Љубов Можно е дека ќе изгубите некакви илузии во врска со саканата личност. Тоа ќе биде мал напредок во вашето созревање. Кариера И со каква работа да се занимавате , денеска ќе ви оди од рака. Работите ќе се решаваат самите од себе , а вие само ќе ги контролирате. Здравје и совет Наспијте се. Близнаци 21.5.-21.6. Љубов Одличен ден за излегувања , забава и нови познанаства. Се што е поврзано со тоа ,ќе ви оди од рака. Придвижете се. Кариера Самостојните професии денеска ќе размислуваат за смисолот на она што го работат. Некои одлуки оставете ги за утре кога се ќе биде појасно. Здравје и совет Послушајте го својот внатрешен глас.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вести8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45АНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00
8 месеци затворска казна и 3300 евра парична казна доби Игор Дашковски Стојановски за палењето на дипломатски возила на бугарската амбасада10:45
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
МакедонијаГерасимовски: Отворена „Лига Центар“, доделени 53 спортски стипендии за најдобрите млади спортистиСо ревијален одбојкарски натпревар меѓу девојчињата од основните училишта „11 Октомври“ и „Киро Глигоров“, денеска беше отворена новата сезона на „Лига Центар“.Градоначалникот на Општина Центар, Горан Герасимовски, им посака на младите спортисти од Центар многу успеси, добри резултати и спортски достигнувања, нагласувајќи дека општината продолжува да ги поддржува и вреднува нивните постигнувања. „Овие ученици заслужуваат признание и поддршка за трудот, посветеноста и резултатите што ги постигнуваат. Продолжуваме да ги стимулираме спортските успеси и да ги поттикнуваме децата и младите да спортуваат, да се натпреваруваат и да се физички активни“, порача Герасимовски. Оваа година Општина Центар додели вкупно 53 спортски стипендии, со месечен износ од 3.500 до 5.000 денари, кои се исплаќаат во текот на осум месеци од учебната година. Стипендиите се наменети за ученици кои постигнале значајни резултати во различни спортски дисциплини. За првпат годинава, Општина Центар додели стипендии и за екипен спортски резултат. Поддршка доби ракометарскиот тим на ООУ „Коле Неделковски“, за освоеното трето место на меѓународен натпревар. Со отворањето на „Лига Центар“, Општина Центар продолжува да ги поттикнува спортскиот живот и правилниот развој кај младите.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаКовачевски до Јаневска: Се затвораат училишта и се спојуваат паралелки – дали децата ќе добијат поквалитетно образование?Пратеникот на СДСМ, Димитар Ковачевски, постави пратеничко прашање до министерката за образование и наука, Весна Јаневска, за ефектите од оптимизацијата на училишната мрежа, затворањето и спојувањето на паралелките,...Пратеникот на СДСМ, Димитар Ковачевски, постави пратеничко прашање до министерката за образование и наука, Весна Јаневска, за ефектите од оптимизацијата на училишната мрежа, затворањето и спојувањето на паралелките, како и прераспределбата на наставниот кадар. Ковачевски посочи дека демографските промени и намалувањето на бројот на ученици бараат долгорочно планирање, но побара одговор дали спроведената реорганизација навистина обезбедува подобри услови за образование или првенствено значи намалување на трошоците. Тој побара конкретни податоци за бројот на ученици кои се префрлени во други училишта, растојанијата што треба да ги поминуваат, обезбедувањето бесплатен и безбеден превоз, условите во училиштата и статусот на наставниците кои се опфатени со прераспределбата. Воедно, побара одговор дали постои план за задржување на искусниот наставен кадар во образовниот систем и дали ефектите од реформата ќе се мерат преку квалитетот на образованието и резултатите на учениците. Во продолжение, интегрално го пренесуваме пратеничкото прашање на Димитар Ковачевски: Оптимизацијата на училишната мрежа ја најавувате како една од клучните реформи во образованието, со образложение дека демографските промени, намалувањето на бројот на ученици и нерационалното користење на ресурсите бараат поинаква организација на училиштата и наставниот процес. Никој не може да го оспори демографскиот проблем со кој се соочува државата. Но, исто така, не може да се прифати дека секое намалување на бројот на училишта или паралелки автоматски значи подобрување на квалитетот на образованието. Напротив, вистинското прашање е дали со оваа реорганизација децата добиваат подобри услови за образование или само се намалуваат трошоците на образовниот систем. Податоците на Државниот завод за статистика покажуваат дека на почетокот на учебната 2025/2026 година во редовното основно образование биле запишани 3,6 проценти помалку ученици во однос на претходната учебна година. Истото се случува и во средното образование, како и со намалувањето на бројот на првачиња запишани во оваа учебна година. Сето тоа е резултат на демографските фактори во изминатите децении во државата. Овие податоци јасно укажуваат дека демографските промени имаат сериозно влијание врз образовниот систем и дека е потребно долгорочно планирање. Но, податоците што самото Министерство ги објави на 8 мај годинава отвораат и други важни прашања. Според Министерството за образование, две третини од училишните објекти се подрачни училишта, а во нив учат само 12 проценти од вкупниот број ученици. Дополнително, во околу 100 училишни објекти во руралните средини учат помалку од пет деца. На 28 мај беше соопштено дека во 147 подрачни училишта во претходната учебна година немало ниту еден запишан ученик. Потоа, на почетокот на новата учебна година, Министерството информираше дека се намалени вкупно 433 паралелки, дел во основното, а дел во средното образование, додека 26 подрачни училишта привремено се затвораат, а вкупно 148 училишни објекти практично се празни. Истовремено, според вашите најави, наставниците треба да бидат прераспределени, доквалификувани или преквалификувани, а учениците од затворените училишта треба да продолжат со образованието во други училишни објекти. Најавивте и дека децата нема да мора да патуваат на големи растојанија и дека ќе бидат обезбедени соодветни услови за продолжување на наставата. Меѓутоа, досега јавноста нема целосна и транспарентна слика за реалните ефекти од оваа реорганизација. Нема доволно информации за тоа колку ученици секојдневно патуваат подалеку, дали има организиран превоз, колку наставници навистина се прераспределени и дали во училиштата каде што се префрлени учениците постојат соодветни просторни и кадровски услови. Затоа сметам дека е неопходно оваа реформа да се оценува и според резултатите за учениците, а не само според бројот на затворени објекти, споени паралелки и намалени трошоци. Моето прашање до вас е поделено во две целини. Едната целина е насочена кон учениците, а втората кон наставниците. Прво, какви се конкретните резултати од оптимизацијата на училишната мрежа во учебната 2026/2027 година? Колку училишта и паралелки се затворени или споени, колку ученици се префрлени во други училишта и колку од нив треба да патуваат подалеку од местото на живеење? Дали Министерството има направено анализа за просечното и максималното растојание што овие деца сега го поминуваат до училиштето, колку време им е потребно за секојдневно патување и дали за сите ученици е обезбеден бесплатен, организиран и безбеден превоз? Исто така, дали училиштата во кои се префрлени учениците имаат доволен просторен капацитет, соодветни услови, потребен наставен кадар и можности за продолжен престој? Дали постои посебна проценка за влијанието на оваа реорганизација врз децата од социјално ранливите семејства и од оддалечените рурални населени места? И второ, во однос на наставниците, какви се конкретните резултати од најавената мобилност на наставниот кадар? Колку наставници досега биле опфатени со прераспределување? Колку добиле ново работно место? Колку се во постапка на доквалификација или преквалификација? Колку сè уште немаат решен работен статус? Колку наставници се прераспределени во предучилишното образование, имајќи предвид дека самото Министерство го посочува проширувањето на опфатот на децата во предучилишното образование како важен приоритет? Дали постои конкретен план со рокови и финансиски средства за задржување на овие наставници во образовниот систем, наместо оптимизацијата да доведе до губење на искусен наставен кадар? Од вас очекувам конкретни бројки, податоци и резултати за досегашната реализација, а не повторување на целите и очекуваните придобивки од реформите. Затоа што на крајот, суштинското прашање е едноставно: Дали оптимизацијата навистина им обезбедува поквалитетно образование на децата, кое ќе резултира со подобри резултати на ПИСА и на другите релевантни меѓународни тестирања за споредба на знаењето на децата согласно образовните системи, или само создава поевтин образовен систем? Линк до видеото : https://youtu.be/zidpj_YE09Y?si=ljGeTZsgVvNFSX7M Скопје, 18.11.2026 СДСМКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ТехнологијаИсториски момент за „Војаџер 1“. Сонда е оддалечена еден светлосен ден од Земјата или 25,9 милијарди километриНа 17 февруари 1998 година, вселенската сонда „Војаџер 1“ стана најоддалечениот објект создаден од човекот, надминувајќи ја сондата „Пионир 10“. Оттогаш, таа постојано поставува нови рекорди во оддалеченост. Денес, на 18 ноември 2026 година — речиси 50 години по нејзиното лансирање — леталото достигна нова пресвртница: сега се наоѓа на растојание од еден светлосен ден од Земјата, односно приближно 25,9 милијарди километри, пренесува „Сајанс алерт“ (Science Alert). Тоа значи дека на радиосигналите од „Војаџер 1“, кои се движат со брзината на светлината, им се потребни 24 часа за да стигнат до Земјата. Леталото продолжува сè повеќе да се оддалечува и наскоро трајно ќе остане на растојание поголемо од еден светлосен ден. „Кога почнав да работам на проектот ’Војаџер‘ во 1977 година, немав претстава дека ’Војаџер 1‘ ќе стигне до растојание од еден светлосен ден“, изјави за ScienceAlert планетарниот научник Линда Спилкер од Лабораторијата за млазен погон (JPL) на НАСА. „Војаџер 1“ и „Војаџер 2“ беа лансирани во 1977 година за да ги истражат најоддалечените делови на Сончевиот систем. Двете летала се опремени со научни инструменти и носат пораки наменети за евентуални вонземски цивилизации. Времето на лансирање беше избрано за да се искористи реткото порамнување на планетите, кое се случува приближно на секои 176 години. Благодарение на гравитацијата на планетите, летала успеаја да забрзаат и да го продолжат своето патување кон следната дестинација. „Војаџер 2“ беше лансиран на 20 август 1977 година, а по него, на 5 септември, и „Војаџер 1“. Поради побрзата траекторија, „Војаџер 1“ прв стигна до Јупитер во 1979 година, а до Сатурн во 1980 година. Неговите набљудувања открија дотогаш непознати детали, вклучувајќи активни вулкани на Јупитеровата месечина Ио и сложената структура на прстените на Сатурн. „Војаџер 2“ го продолжи своето патување кон Уран, покрај кој помина во 1986 година, а до Нептун стигна во 1989 година. „Не можев ни да замислам какви откритија ќе направат овие две вселенски летала за време на нивната планетарна фаза. Секоја планета и секоја месечина донесоа неочекувани изненадувања“, изјави физичарот Бил Курт од Универзитетот во Ајова. Првото вселенско летало во меѓуѕвездениот простор Откако ги остави планетите зад себе, „Војаџер 1“ продолжи кон работ на хелиосферата – огромен регион околу Сонцето во кој доминира сончевиот ветер. На 25 август 2012 година, на оддалеченост од приближно 18,2 милијарди километри од Сонцето, леталото ја премина хелиопаузата – границата каде што влијанието на сончевиот ветер престанува да биде доминантно – и стана првиот објект создаден од човекот што навлегол во меѓуѕвездениот простор. Потврдата за овој историски настан пристигна дури една година подоцна, откако научниците ги анализираа податоците за густината на плазмата и утврдија дека вселенското летало навистина се наоѓа надвор од хелиосферата. Сè до денес, „Војаџер 1“ продолжува да пренесува вредни научни податоци. Неговите мерења покажуваат дека Сонцето има влијание врз меѓуѕвездениот простор дури и милијарди километри подалеку од хелиопаузата. Притоа, научниците истражуваат и неочекувано однесување на магнетното поле, како и флуктуации во густината на плазмата. Уште колку долго „Војаџер 1“ ќе остане функционален? Иако осум од неговите десет научни инструменти се исклучени, „Војаџер 1“ продолжува да истражува делови од вселената до кои претходно нема стигнато ниту едно друго вселенско летало. Неговиот нуклеарен извор на енергија губи околу четири вати моќност секоја година, што ги принудува инженерите на НАСА постепено да ја деактивираат опремата за да го продолжат траењето на мисијата. Според проценките на НАСА, можеби ќе има доволно енергија за да остане активен барем еден инструмент сè до 2030-тите години. Сепак, тоа е далеку од 300-те години што би му биле потребни на леталото за да стигне до внатрешниот раб на Оортовиот облак – регион што се смета за дел од најоддалечените граници на Сончевиот систем.Тагови: НАСА Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook