Дневен хороскоп за 10.јануари 2021 година

Дневен хороскоп за недела,10.јануари 2021 година. 

Јарец 22.12.-20.1.

Љубов

Вашата најдрага личност ќе може да се потпре на вас , а со тоа ќе ви се подигне самодовербата.

Кариера

Во моментов ништо не ве загрижува. Ако треба да се работи , во ред , ако треба да се оди во борба за работа , и тоа не ви пречи.

Здравје

Почнете да вежбате.

Водолија 21.1.-19.2.

Љубов

Како што ќе минува денот, ќе имате се поголема потреба дасе повлечете од другите и да се завлечете во четирите ѕида на домот.

Кариера

Некои меѓу вас ќе посакаат одмор . Можно е да посакаат и да добијате неколку слободни денови.

Здравје

Преиспитајте се себеси.

Риби 20.2.- 20.3.

Љубов

Доколку се контролирате и ја пшочитувате другата страна, може да очекувате подобрување на личните односи.

Кариера

Веројатна е многу пријатна соработка со деловни партнери од странство или со луѓе од иста професија.

Здравје

Ќе ви олесни.

Овен 21.3-20.4.

Љубов

Некои ќе поверуваат дека се на прагот на конечно решение, но ќе се покаже дека треба уште да поработат на својот однос.

Кариера

Ќе ве интересира се што може да придонесе кон вашата сигурност. Некои ќе ги анализираат финансиите , а другите ќе ги проверат бравите во станот.

Здравје

Немате причина за страв.

Бик 21.4- 20.5.

Љубов

Ќе продолжите да излегувате и да ја развивате својата врска на паметен начин . Некои тукушто ја започнале , па нека одат полека.

Кариера

Можеби ќе имате малку повеќе среќа од другите , бидејќи на работното место сега ви помагаат.Но , и тоа ќе помине.

Здравје

Одморете се за утре.

Близнаци 21.5.-21.6.

Љубов

Вашето љубовно расположение ќе биде во пад, додека партнерот ќе има потреба за повеќе нежност. Бидете тактични.

Кариера

Во деловната кореспонденција ќе бидете многу оригинални . Со своето изразување ќе поттикнувате , но и ќе ги збунивате другите.

Здравје

Денеска сте возач различен од сите други.

Рак 22.6-22.7.

Љубов

Помалку ќе приговарате , па вашиот партнер ќе станува се посреќен и позадоволен , а секако и вие со него.

Кариера

Би можеле да ги проширите вашите деловни хоризонти со нови знаења , помодерен пристап или со истражување без компромис.

Здравје

Вежбајте јога.

Лав 23.7-22.8.

Љубов

Немојте да се споредувате со другите , зашто нема добро да се чувствувате. Бидете мирни и трпеливи и уживајте во она што го имате.

Кариера

Имате одлични идеи како да ја унапредите дејноста во која работите. Ќе размислувате за тоа.

Здравје

Верувајте во подобро утре.

Девица 23.8.-23.9.

Љубов

Сентименталноста или потребата од нежност ќе предизвика голем копнеж кај вас доколку сте сами , или пак желба да му угодувате на партнерот.

Кариера

Уметниците ќе имаат многу впечатливи настапи и денеска , а другите навистина ќе уживаат во публиката.

Здравје

Аплаузот е загарантиран.

Вага 24.9.-23.10

Љубов

Во текот на денешниот ден вашите лични односи ќе се доведуваат во ред и малку по малку ќе се подобруваат.

Кариера

Алтернативците одлично ќе ги води интуицијата , а креативците едноставно ќе уживаат во својата работа.

Здравје

Здружете се со младите.

Шкорпија 24.10-22.11.

Љубов

Оние во подолга врска успешно ќе го обноват својот сексуален живот. Оние кои сеуште се сами , нека излегуваат зашто ќе им биде убаво.

Кариера

Со која работа и да се занимавате , денеска би можеле успешно да го споите убавото со корисното.

Здравје

Игнорирајте го немирот.

Стрелец 23.11.-21.12.

Љубов

За вас ни денеска нема пречки. Отворени ви се многу љубовни врати , а ваше е да изберете.

Кариера

Количината на мислите во вашата глава ќе биде значителна , но ниту една нема да биде поврзана со работата.

Здравје

Поминете си убаво.

Карлеуша ги зачуди фановите со фотошопирани фотографии

Фотографите ја снимале Јелена Карлеуша пред студиото на шоуто Ѕвезде Гранда неколку дена по ред, а пејачката, позната по уредувањето фотографии на социјалните мрежи, потоа се пофали со фотографиите во истите комбинации на Инстаграм.

Фолк sвездата се појави пред студиото во црн тесен фустан што го истакна нејзиното деколте. Неколку часа подоцна, таа објави фотографија во истиот фустан.

Ден претходно, таа го привлече вниманието пред студиото во минијатурен комплет од тексас кој го открива нејзиниот стомак и добар дел од градите. И во таа комбинација се појави фотошопирана на Инстаграм.

Карлеуша ја следат 2,3 милиони луѓе на Инстаграм, а за нејзиното уредување фотографии и селфи често се дискутира. "Мотивациска порака за хејтерите: Изгледам 100 пати подобро во живо и сум убава без шминка. На сите им посакувам прекрасен ден", напишала еднаш на социјалните мрежи.

Огромен пад на приходите на хотелите на Трамп

Приходите на најпознатите хотели на поранешниот претседател Доналд Трамп паднале минатата година, кога пандемијата на ковид-19 силно ја погоди економијата, покажува финансискиот извештај објавен вчера, на последниот ден од неговиот мандат. 

Хотелот „Трамп Интернешнл“ во Вашингтон заработил 15,1 милиони долари во 2020 година и првите три недели од 2021 година, покажува извештајот на Трамп. Тоа е за 62,7 проценти помалку отколку во 2019 година.

Слично е и со недвижниот имот на Трамп во Лас Вегас, чии приходи паднале за 60,5 проценти, на 9,2 милиони долари и со неговиот терен за голф во Флорида, Трамп Национал Дорал, чии приходи се пониски за 42,7 проценти, на 44,2 милиони долари.

Ретка светла точка е клубот на Трамп, Мар-а-Лаго во Палм Бич, Флорида, каде што тој ќе живее откако го напушти Вашингтон. Приходите на одморалиштето, во кое Трамп повремено примал политички сојузници и странски гости, скокнале за 13% минатата година на 24,2 милиони долари.

Редовниот финансиски извештај што Трамп требало да го пополни, нуди еден од најкомплетните увиди во финансиите на милијардерот за недвижнини, кој упорно одбивал да ги објавува своите даночни пријави, и покрај вообичаената практика на претходните претседатели.

Во извештајот на 79 страници се наведени детали за неговиот удел во компаниите за тоа колку пари добил како член на Screen Actors Guild, асоцијација на филмски и телевизиски работници и изведувачи. Вклучува и подароци што Трамп ги добил како претседател, вклучително и шампионски појас од 650 долари Ultimate Fight што го добил од Колби Ковингтон, борец и приврзаник на Трамп.

Во извештајот се вклучени и обврски од компаниите на Трамп, вклучително и пет заеми, во вредност од најмалку 50 милиони долари. Повеќето од нив треба да се наплатат во следните четири години.

Мајка на три деца се шокирала кога видела дека има илегален потстанар на таванот (ВИДЕО)

Млада Австралијка се плаши да спие во сопствениот дом откако открила дека на нејзиниот таван живее натрапник.

Моника Грин, мајка на три деца од Рокамптон, Квинсленд, забележала некое време чудни работи околу нејзината куќа, но никогаш навистина не се загрижила, отфрлајќи ги како случајности или плодови на нејзината имагинација.

Но, во понеделникот, откако се вратила дома со децата од лекарски преглед, Моника веќе не можела да го игнорира очигледното. Задната врата била ширум отворена, клима уредот и телевизорот биле вклучени, а во кујната имало полуизедена чинија со храна. Веднаш повикала полиција, а подоцна дознала дека оној што и влегол во куќата веројатно живеел таму некое време.

Додека ја проверувале куќата за какви било траги, полицајците забележале дека капакот што води кон таванот е делумно отворен, а откако го провериле таванот, пронашле докази дека таму живее некој. Колку долго и како успеале да останат неоткриени, засега никој не може да каже, но истрагата е во тек, пренесува Одити Централ.

"Се чувствувам како да е нападнат мојот личен простор. Се чувствував шокирано, преплашено и исплашено", изјавила Моника за Курир Меил. Таа додава дека забележала дека почнала да се тресе при најмал шум. "Три пати проверувам дали се е заклучено пред спиење. Вечерта ја поминав дома со семејството, но тоа што сум сама дома ме плаши", рече таа.

Размислувајќи за сè што забележала низ куќата во последно време, Грин вели дека имало многу знаци дека нешто не е во ред. Откако храната исчезнала, и по втор пат нејзиниот систем за безбедносни камери бил расипан, таа не обрнувала многу внимание кога се случиле тие работи.

Грин и нејзиното семејство веруваат дека натрапникот безбедно се приближил до куќата крадејќи и ги клучевите, а сега ги смениле сите брави. Сепак, младата жена стравува дека лицето може да се врати, а не знаејќи ги неговите намери, таа не знае што да очекува.

"Зошто беше на таванот? Кои беа неговите намери? Дали тој беше овде да ни наштети? Дали беше тој тука за да украде едно од моите деца? Јасцтреба да бидам таа што ги штити и се чувствувам како да не сум успеала", рече мајката на три деца.

притисни ентер