Зборувајќи со Гејл Кинг на CBS Mornings, актерот призна дека тој и Амал се уште не се скарале, што изненади многу обожаватели.
„Се обидуваме да најдеме причина за кавга“
Тој се присети и на последното појавување во шоуто, велејќи дека и тогаш го тврдел истото. "Се сеќавам дека еднаш бевме кај вас и рековме дека никогаш не сме се скарале. Сè уште не сме се скарале. Се обидуваме да најдеме причина да се караме", изјавил Џорџ низ смеа.
"Имам неверојатна среќа што ја запознав оваа извонредна жена. Се чувствувам како да сум добил џекпот. Не поминува ниту еден ден да не мислам дека сум најсреќниот маж на светот. Навистина е прекрасно", додал тој.
По тоа интервју, некои корисници на платформата X (поранешен Твитер) почнаа да шпекулираат дека „најверојатно спијат во посебни соби“. Еден обожавател исто така предложил да имаат посебни соби, додека друг објавил мем со Вил Ферел од Елф со познатиот цитат: „Седиш на тронот на лагите“. „Тоа не е нормално“, напишаа многумина.
Тие се венчаа во 2014 година.
Џорџ прво изјави дека тие никогаш не се скарале во 2022 година, исто така на CBS Mornings. Во тоа време, тој рече дека неговиот брак со Амал бил „најлесната работа во неговиот живот досега“. Амал исто така учествуваше во тоа интервју и рече: "Тоа ги излудува некои од нашите пријатели. Имам братучед кој секогаш кога ќе нѐ види, првото нешто што не прашува е: "Па, дали веќе се скаравте?" пред да каже „здраво“.
Џорџ и Амал се верија во април 2014 година, ја добија дозволата за брак во август истата година и се венчаа на 27 септември 2014 година во Ка Фарсета, Италија. Тие ги добија близнаците Ела и Александар на 6 јуни 2017 година.