Живот

Џими Кимел во емотивен монолог рече дека никогаш немал намера да ја омаловажи смртта на Чарли Кирк

Никогаш немав намера да омаловажам убиство на млад човек, рече Џими Кимел во воведниот монолог во своето прво шоу по кратката суспензија, поради коментари што ги даде за смртта на конзервативниот активист Чарли Кирк.

Синоќа се емитуваше првата епизода што ја водеше комичарот откако минатата недела емисијата беше симната од етер.

Кимел ја бранеше слободата на говорот, го спореди претседателот на Федералната комисија за комуникации (FCC) Брендан Кар со мафијашки бос, и се потсмеваше на настапот на претседателот Доналд Трамп во ОН – вклучувајќи го инцидентот со ескалаторот.

Кимел, за време на својот монолог со видно насолзени очи рече дека никогаш немал намера да се шегува за смртта на Чарли Кирк.

- Немам илузии дека ќе сменам нечие мислење, но сакам да разјаснам нешто, бидејќи тоа е важно за мене како човек, а тоа е – сфаќате дека никогаш не ми беше намера да го омаловажам убиството на еден млад човек. Не мислам дека има нешто смешно во тоа, рече Кимел.

Тој додаде дека не се обидувал да обвини ниту една специфична група „за постапките на она што … очигледно беше длабоко растроена личност“.

- Тоа беше всушност спротивното од поентата што се обидував да ја истакнам, рече Кимел и додаде дека сфаќа оти неговите забелешки минатата недела на некои „им изгледале дека се кажани во погрешно време, или нејасни, или можеби и двете“.

Во своето прво јавно обраќање од спорот, Кимел ја пофали Ерика Кирк што му прости на наводниот убиец на нејзиниот сопруг на комеморацијата за време на викендот.

- Тоа беше несебичен чин на милост … што длабоко ме трогна, рече Кимел.

Кимел го критикуваше Кар, кој прв повика на неговата суспензија, и Трамп за тоа што бараше отстранување на неговите колеги водители од доцните ноќни шоуа – сите чести критичари на Трамп.

- Нашиот лидер ги слави луѓето што ги губат своите средства за живот затоа што не може да трпи шеги, рече Кимел, додавајќи дека Трамп отворено посакува луѓето да ги изгубат своите работни места, што е „неамерикански“ и „опасно“.

- Влада што се заканува дека ќе замолчи комичар кого претседателот не го сака е антиамериканска, рече Кимел во воведниот монолог во кој го поздрави јавниот бес поради неговата суспензија.

Тој му се потсмеваше на Трамп и затоа што го критикувал за лоши рејтинзи. „Се потруди најмногу што можеше да ме откаже, а наместо тоа ги натера милиони луѓе да ја гледаат оваа емисија“, рече Кимел.

- Оваа емисија не е важна. Она што е важно е тоа што живееме во земја која ни дозволува да имаме емисија како оваа подвлече комичарот.

Кимел исто така се преправаше дека чита соопштение што Дизни му го напишал, а потоа гласно прочита: „Како да ја реактивирате вашата Disney+ претплата“.

Синоќешната епизода не беше достапна на многу американски ТВ мрежи поради отпор од локалните станици, но можеше да се гледа на стриминг сервисот Hulu + Live TV на Дизни.

Гости во синоќешната емисија беа актерот Глен Пауел (Twisters, Chad Powers) и музичката гостинка Сара Меклахлан.

Емисијата беше суспендирана по неговиот монолог на 15 септември за убиството на Кирк, што предизвика бурни реакции. Кимел тогаш рече дека Трамп и неговите сојузници „очајно се обидуваат да го претстават ова дете што го уби Чарли Кирк како нешто поинакво од нив“ и се обидуваат „да извлечат политички поени од тоа“.

Тој исто така ја спореди реакцијата на Трамп на убиството на инфлуенсерот со „начинот на кој четиригодишно дете жали за златна рипка“.

Овие шеги го разгневија Кар, кој рече дека Кимел „се обидува директно да ја измами американската јавност“ со своите коментари за убиецот на Кирк.

FCC ги регулира радио, ТВ и сателитските фреквенции, што му дава моќ врз различни прашања, вклучувајќи спојувања и жалби за пристојност.

Коментарите на Кимел, заедно со загриженоста на локалните емитери кои управуваат со ABC станици, ја натераа мрежата „неограничено“ да ја суспендира неговата емисија. Оваа суспензија предизвика силен отпор од законодавци, синдикати и застапници на слободата на говор. Познати личности и активисти повикаа на бојкот на Дизни, матичната компанија на ABC.

Кимел доби поддршка и од своите колеги водители на доцните ноќни шоуа, меѓу кои Стивен Колбер (CBS), Џон Стјуарт и Сет Мајерс.

Дизни во понеделникот објави дека ќе ја врати емисијата по „детални разговори со Џими“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.