Џикиќ: Белгија најсериозниот ривал во групата, приоритетот останува пласман на ЕП - Канал 5

Кошарка

Џикиќ: Белгија најсериозниот ривал во групата, приоритетот останува пласман на ЕП

Селекторот на кошаркарската репрезентација на Македонија Александар Џикиќ ја смета селекцијата на Белгија за најсериозен кандидат за првото место во квалификациите за Европското првенство во Украина 2015 година.

Џикиќ: Белгија најсериозниот ривал во групата, приоритетот останува пласман на ЕП
По денешното извлекување во Барселона каде Македонија ги доби Белгија, Белорусија и Данска за противници во квалификациските за Евробаскетот во Украина, селекторот Џикиќ во интервју за официјалната веб страна на Кошаркарската федерација на Македонија со првична оценка за противниците.

- Како што кажав и кога бев именуван, наша прва и апсолутна цел е секако пласман на ЕП во Украина. Тоа ќе мора да го реализираме преку оваа група која ја добивме. Сметам дека во нашата конкуренција, селекцијата на Белгија се издвојува со квалитетот и дека заедно со македонската репрезентација се во нешто поповолна ситуација, односно се фаворити во однос на Белорусија и Данска. Се разбира, многу работи ќе зависат од тоа во кои состави ќе бидат репрезентациите. Можеби посакувавме некое позвучно име меѓу противниците, но од друга страна па и сакаме неатрактивни противници кои би можеле полесно да ги минеме. Јас сум за оваа вторава варијанта и затоа сметам дека ждрепката за нас беше доста поволна, додава селекторот на репрезентацијата Џикиќ.

Белгија, која на последното ЕП во Словенија минатиот септември, заврши како девето рангирана е најсериозниот конкурент на нашата селекција, која по трет пат во низа, односно вкупно четврти пат ќе се обиде да обезбеди пласман на завршницата на континенталниот шампионат.

- Белгија не ни е непозната, напротив точно знаеме каков е нивниот квалитет. Познат ни е и квалитетот на Белгиската лига, го знаеме стилот на кошарка кој го играат - дисциплиниран, отворен, тврд и физички доста напорен. За селекциите на Белорусија и Данска треба да собереме дополнителни информации за да можеме да зборуваме подетално, но реално, тоа не се репрезентации кои се во врвот на европската кошарка. Секако, исклучително ќе биде важно во кој состав ќе бидеме ние, но како и да е, никако не смееме да потцениме ниту еден од противниците. Едноставно немаме право на тоа, истакнува селекторот на Македонија.

Според Џикиќ многу значаен ќе биде првиот натпревар во Скопје против Белгија, а стартна победа ќе ја зголеми самодовербата, но и шансите за конечен успех, пласман на Евробаскетот во Украина.

- Подготовките за квалификацискиот циклус ќе траат околу шест недели и ние ќе се обидеме да го освежиме до одредена мерка составот, кој меѓусебно одлично се познава. Ќе се обидеме во тој период на подготовки да закажеме неколку пријателски натпревари кои нам најмногу ќе ни одговараат. Секако, ќе направиме обид да закажеме дуели и со послаби противници, но и со позвучни имиња, за во моментот кога ќе ги отвориме квалификациите против Белгија, да бидеме максимално подготвени. Многу е значајна првата средба против Белгија на домашен терен, затоа што како што реков, во нашата група, тоа е најтешкиот противник, завршил Александар Џикиќ.

Македонија квалификациите ќе ги започне на 10 август на домашен терен против Белгија, по што следуваат три гостувања за седум дена, во Данска (13 август), Белорусија (17 август) и Белгија (20 август).

Последните два натпревара нашите кошаркари ќе ги одиграат на домашен терен пред своја публика со Данска (24 август) и Белорусија (27 август).

Пласман на ЕП ќе обезбедат првопласираните селекции од сите групи, како и шест второ рангирани репрезентации од вкупно седумте квалификациски групи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер