Џиџи Хадид (29) проговори за врската со Бредли Купер (50): Многу сум среќна (ВИДЕО) - Канал 5

Забава

Џиџи Хадид (29) проговори за врската со Бредли Купер (50): Многу сум среќна (ВИДЕО)

Врската помеѓу Џиџи Хадид (29) и Бредли Купер (50) првпат беше откриена пред нешто повеќе од една година, а сега манекенката за прв пат проговори за врската со познатиот актер кој е 21 година постар од неа.

Џиџи Хадид (29) проговори за врската со Бредли Купер (50): Многу сум среќна (ВИДЕО)

„Многу го почитувам како уметник и креативна личност“, изјави Џиџи за магазинот „Вог“ и додаде: „Чувствувам дека ми дава многу - тој секогаш ме охрабрува и верува во мене. Кога ве поддржуваат луѓето што ги почитувате и им се восхитувате, тоа ви дава дополнителна самодоверба. Потоа размислувате: „Па што ако пробам нешто ново?“ Не е важно дали не функционира, само треба да се обидете да го направите првиот чекор“.

YouTube video

Но, кога зборува за нејзината врска со Бредли, за кого вели дека го запознала на детска роденденска забава на заеднички пријател, таа вели дека не станува збор за некој голем ризик или одлука, туку за чувството дека го нашла својот дом.

„Мислам дека е навистина важно да се дојде до момент во животот каде што знаете што сакате и што заслужувате во врската“, објаснила Џиџи. „И тогаш кога ќе најдете некој кој исто така дошол до тој момент, кога и тој знае што сака и што бара, тогаш и двајцата работите на себе, но заедно градите нешто убаво, нешто здраво“, додаде таа.

Џиџи вели дека нејзината врска со Бредли е „многу романтична“, но сепак нема премногу да зборува за нивната врска во јавноста. „Тоа едноставно не е дел од нашата врска. Не споделуваме сѐ со другите и така ни е удобно“, заклучила таа.

Откако израсна во центарот на вниманието и секогаш под будното око на јавноста, Џиџи научила да не се нервира од гласини и озборувања. "Треба да научите да ги пуштате работите. Не можете секогаш да поправите сè", изјавила манекенката.

Во текот на изминатата година, таа и Бредли, според неа, биле многу внимателни да ја држат својата врска подалеку од очите на јавноста. Тие претпочитаат тивки излегувања наместо интервјуа или големи појавувања на црвениот тепих. Една од работите што често ја прават заедно сега е да одат во театар, а Џиџи призна дека Бредли ја поттикнал да го направи тоа повторно. „Бредли ме поттикна повторно да почнам да одам во театар, за што ми е навистина драго. Убаво е да ја имам таа навика повторно во мојот живот“.

Таа исто така откри дека поради нивните јавни работи, двајцата имаат потешкотии да најдат приватност и нормален простор за врска. "Сакате да си дадете нормално искуство во врската, како што имаат сите други. Но, дури и на моите пријатели кои не се познати може да им биде тешко. Каде да излезете? Со кого да разговарате? Како воопшто запознавате некого?"

Таа рече дека јавните личности имаат дополнителна загриженост за приватноста и безбедноста. „Сакате да им верувате на луѓето дека нема да ве издадат, дека нема да се јавуваат во медиумите или да споделуваат приватни информации на социјалните мрежи. Но, никогаш не можете да бидете сигурни“.

И покрај сето ова, Џиџи потврди дека е многу среќна. „Се чувствувам навистина среќна“, заклучи таа.

За потсетување, гласините за нивната врска започнаа во октомври 2023 година кога Џиџи и Купер беа видени на вечера со пријателите во Њујорк. Набргу потоа, тие отидоа заедно на претстава на Бродвеј, а во јануари 2024 година, Џиџи им се придружи на Бредли и неговата мајка на вечера по Златните глобуси. Својата врска ја потврдија на крајот на месецот, кога се држеа за рака при посетата на Лондон.

@myboybraids Eagles Football 🏈#philadelphiaeagles #fyp #bradleycooper #gigihadid ♬ original sound - BillyBadAss

Тие неодамна беа снимени на натпревар во НФЛ помеѓу Лос Анџелес Рамс и Филаделфија Иглс. На TikTok се појави видео од натпреварот. Некој од публиката го снимил парот како ентузијастички навива од горната ложа на трибините. Џиџи плескаше, а Бредли викаше и мавташе со рацете.

Пред Џиџи, Бредли беше во брак со актерката Џенифер Еспосито. Имаше врски и со Зои Салдана, Суки Вотерхаус и Ирина Шајк, со која ја доби ќерката Леа (7). Џиџи, сестрата на Бела Хадид, претходно беше со Коди Симпсон и Џо Џонас, а од врската со Зејн Малик ја има ќерката Каи (4).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Родри пристигна во Барселона и испрати порака: „Одиме по сè!“

Најдобриот фудбалер од 23 Мундијал, капитенот на светскиот шампион Шпанија, Родри пристигна во Барселона, каде што наскоро треба и официјално да биде претставен како ново големо засилување на каталонскиот клуб.

Видео: Родри пристигна во Барселона и испрати порака: „Одиме по сè!“

Шпанскиот репрезентативец не ги крие своите амбиции – ги сака сите трофеи, вклучително и оној во Лигата на шампионите.

Искусниот фудбалер пристигна во Барселона синоќа, малку подоцна од првично планираното поради доцнење на летот.

Родри денеска ќе ги мине лекарските прегледи, по што Барселона би требало официјално да го потврди неговиот трансфер.

По пристигнувањето на аеродромот, Шпанецот позираше пред присутните претставници на медиумите и веднаш испрати јасна порака до навивачите.

„Среќен сум. Изминатите неколку дена беа интензивни, но мило ми е што сè е решено. Се разбира, да се игра за Барселона е сон. Едвај чекам да им се придружам на соиграчите, од кои повеќето веќе ги познавам. Дали одиме по титулата во Лигата на шампионите? Да одиме по сè!“, изјави Родри.

Барселона и Манчестер Сити се договорија за трансфер во вредност од вкупно 76,5 милиони евра.

Од таа сума, 60 милиони евра претставуваат фиксен износ, додека преостанатите 16,5 милиони се предвидени преку бонуси и други договорени ставки. Преговорите меѓу двата клуба започнаа пред нешто повеќе од десет дена, а конечниот договор беше постигнат во неделата навечер.

Доколку лекарските прегледи и завршната процедура поминат без проблеми, трансферот ќе биде официјализиран во наредните неколку часа.

Тагови: БАРСЕЛОНА Родри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Фабрика од талогот на лажни вести од СДС повторно погреши

Фабрика од талогот на лажни вести повторно погреши.

ВМРО-ДПМНЕ: Фабрика од талогот на лажни вести од СДС повторно погреши

РЕАКЦИЈА НА ПРЕС-КОНФЕРЕНЦИЈА НА АЛЕКСАНДАР САША ДИМИТРИЈЕВИЌ

Прво, МВР има информирано за инцидентот во својот билтен. Ете доказ на фотографијата.

Второ, не е точно дека е фрлена бомба во домот на полицаецот, туку во домот на неговиот татко.

Трето, СДС нема докази, само шарена приказна и шпекулации. Тоа е исто така како да кажеме дека Венко зема пари за операции и тоа е јавна тајна.

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Амбасадорскиот совет во Скопје – стратешка координација за силна и активна македонска дипломатија

Министерот за надворешни работи и надворешна трговија, Тимчо Муцунски, денеска на прес-конференција го најави одржувањето на Амбасадорскиот совет, кој во четврток и петок во Скопје ќе ги собере шефовите на дипломатско-конзуларните претставништва.

Муцунски: Амбасадорскиот совет во Скопје – стратешка координација за силна и активна македонска дипломатија

Министерот за надворешни работи и надворешна трговија, Тимчо Муцунски, денеска на прес-конференција го најави одржувањето на Амбасадорскиот совет, кој во четврток и петок во Скопје ќе ги собере шефовите на дипломатско-конзуларните претставништва на државата во странство.

Ова е првпат по 2019 година Амбасадорскиот совет повторно да се одржи во нашата држава со физичко присуство на шефовите на дипломатско-конзуларните претставништва. По повеќе години, македонската дипломатска мрежа повторно се собира на едно место за директна, суштинска и стратешка координација.

„Амбасадорскиот совет е еден од најважните механизми за стратешка координација на македонската дипломатија. Целта е јасна: да направиме пресек на сработеното, да ги усогласиме позициите и, пред сè, да поставиме конкретни задачи за периодот што следува“, истакна Муцунски.

Во фокусот на Советот ќе бидат европската и евроатлантската агенда, геополитичките и безбедносните промени, регионалната стабилност, институционалната отпорност, економската дипломатија и конзуларното работење.

Во рамките на Советот, дипломатите ќе имаат директен дијалог со претседателката на државата, претседателот на Владата и претседателот на Собранието.

„Кога станува збор за нашите стратешки интереси, потребни ни се институционална координација, јасни позиции и сериозен државен пристап. Во време на длабоки геополитички промени, дипломатијата не смее да биде пасивна. Потребна ни е дипломатија која предвидува, реагира навремено, гради партнерства и одлучно ги штити националните интереси“, нагласи Муцунски.

Тој посочи дека европската интеграција останува еден од централните стратешки приоритети, а дипломатската мрежа има задача јасно и аргументирано да ги претставува позициите и реформските резултати пред европските партнери и да се залага за фер и предвидлив европски процес, заснован на резултати, европски вредности и взаемна почит.

Посебен акцент на годинашниот Совет ќе биде ставен на економската дипломатија.

„Мојата порака до нашите амбасадори е едноставна: секој амбасадор мора да биде и економски промотор на нашата држава. Повеќе инвестиции, поголем извоз, нови деловни контакти и нови пазари за македонските компании мора да станат мерлив дел од работата на нашите претставништва. Нашите амбасади треба да отвораат врати за македонските компании и добрите политички односи да ги претвораат во конкретни економски можности“, порача министерот.

Значаен дел од Советот ќе биде посветен и на модернизацијата и дигитализацијата на конзуларните услуги, подобрата институционална координација и поблиската комуникација со дијаспората.

„Дипломатијата има смисла само ако создава конкретна вредност за државата и за луѓето на кои им служи. Нашата цел е македонскиот граѓанин, каде и да се наоѓа, да знае дека неговата држава е таму кога му е потребна“, истакна Муцунски.

Советот ќе биде и можност директно да се слушнат амбасадорите и генералните конзули за предизвиците со кои се соочуваат на терен, како и за потребните чекори дипломатската мрежа да стане поефикасна, попрофесионална и подобро подготвена.

„Од нашата дипломатска мрежа очекуваме три работи: да ги штити нашите национални интереси, да отвора можности за нашата држава и да им служи на македонските граѓани. Во четврток и петок овие принципи ќе ги претвориме во конкретни задачи, подобра координација и мерливи резултати“, порача Муцунски.

Тој нагласи дека силната дипломатија не се мери само според бројот на средби, посетени престолнини или потпишани документи, туку според интересите што ги штити, партнерствата што ги гради, можностите што ги отвора и резултатите што ги создава за државата и за граѓаните.

„Градиме модерна и активна, професионална и самоуверена, стратешки координирана дипломатија која знае кои се нашите интереси и има капацитет да ги застапува. Дипломатија во служба на нашите граѓани, на нашата држава и на нашата татковина“, заклучи Муцунски.

Министерот најави и дека утре во официјална посета на државата ќе престојува заменик-претседателот на Владата и министер за надворешни работи на Чешката Република, Петр Мацинка, кој ќе биде и еден од говорниците на Амбасадорскиот совет. Во фокусот на разговорите ќе бидат продлабочувањето на билатералните односи, европската перспектива, економската соработка и актуелните регионални и меѓународни прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер