Џентилони: Г7 ќе има рамковен договор за заем од 50 милијарди долари за Украина до октомври - Канал 5

Џентилони: Г7 ќе има рамковен договор за заем од 50 милијарди долари за Украина до октомври

Групата седум најиндустриски развиени земји во светот (Г7) најверојатно до октомври ќе има рамковен договор за заем од 50 милијарди долари за Украина, поддржан од запленети руски имоти, изјави европскиот економски комесар Паоло Џентилони.

Џентилони: Г7 ќе има рамковен договор за заем од 50 милијарди долари за Украина до октомври

Зборувајќи со новинари на маргините на состанокот на министрите за финансии на Г-20 и гувернерите на централните банки во Рио де Жанеиро, Џентилони рече дека е постигнат добар напредок во техничките и правните аспекти на заемот, што начелно беше договорен во јуни.

„Мислам дека напредуваме многу добро технички, но и политички. Само вчера имавме состанок за овој итен заем за Украина“, рече тој, мислејќи на состанокот на министрите од Г7 пред состаноците на Г-20, што се одржа вчера.

Како што наведе, Џентилони е уверен дека договорот ќе биде постигнат до октомври.

„До октомври мислам на рамковно. Потоа, се разбира, до крајот на годината треба да се оди на пазарите, но секоја земја е различна“, рече тој.

Заемот од 50 милијарди долари ќе биде сервисиран од средствата од околу 300 милијарди долари од имотот на руската централна банка замрзнат на Запад откако Москва ја нападна Украина на почетокот на 2022 година.

Иако не постои едногласна поддршка меѓу членките на Г7 за запленување на капиталот од 300 милијарди долари, постои договор дека е законски можно да се извлечат профитите што ги создаваат средствата.

Друг извор од Г7 ги опиша разговорите за планот како „детални и позитивни“, додавајќи дека постои „заеднички оптимизам дека сите преостанати прашања може да се решат“.

Најголем дел од замрзнатите пари, околу 210 милијарди евра, се во Европа. Околу 10 милијарди долари се во САД, 10 милијарди долари во Британија и околу 30 милијарди долари во Јапонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Охридско лето“ со впечатлив концерт во Македонската филхармонија, Патира и Курек ја воодушевија публиката

Виртуозниот полски виолинист Мариуш Патира и истакнатиот пијанист Радослав Курек синоќа приредија впечатлива музичка вечер во Камерната сала на Македонската филхармонија, во рамките на концертната дејност на НУ „Охридско лето“ .

„Охридско лето“ со впечатлив концерт во Македонската филхармонија, Патира и Курек ја воодушевија публиката

Виртуозниот полски виолинист Мариуш Патира и истакнатиот пијанист Радослав Курек синоќа приредија впечатлива музичка вечер во Камерната сала на Македонската филхармонија, во рамките на концертната дејност на НУ „Охридско лето“ надвор од редовната фестивалска сезона.

Публиката имаше можност да ужива во внимателно одбран репертоар, кој понуди дела од различни стилски периоди и ја истакна виртуозноста и музичката интерпретација на двајцата уметници.

Со својата извонредна техника, музикалност и сценска енергија, Патира и Курек ја воодушевија публиката, која нивната изведба ја награди со долги и громогласни аплаузи.

Особено внимание предизвика музичката комуникација меѓу двајцата уметници, чии изведби се надополнуваа во впечатлива целина, оставајќи силен впечаток кај присутните.

Мариуш Патира во 2001 година ја освои главната награда на престижниот Меѓународен виолински натпревар „Николо Паганини“, како прв полски виолинист кому му припаднало ова признание. Настапувал на престижни концертни сцени во Европа, Јапонија, САД и Мексико.

Радослав Курек е истакнат пијанист и камерен музичар, добитник на повеќе меѓународни признанија, а неговата концертна кариера опфаќа настапи во Европа, Америка, Азија и Африка.

Со овој концерт „Охридско лето“ ја продолжува својата концертна дејност и надвор од редовните фестивалски денови, традиција започната минатата година.

Овој концерт се реализираше со поддршка на Амбасадата на Република Полска во Скопје, а влезот за посетителите беше бесплатен како израз на благодарност за поддршката и довербата на публиката, но и како придонес кон создавање достапни и квалитетни културни содржини.

По синоќешниот концерт, концертната програма продолжува на 4 декември во Музејот на македонската борба за самостојност, со настап на извонредната корејско-американска сопранистка Јуна Ли и пијанистот Кенет Клецјен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Си Џинпинг го нарече Путин „стар пријател“ пред средбата со Трамп

Кинескиот претседател Си Џинпинг го нарече рускиот претседател Владимир Путин „стар пријател“ на средбата во Кина, пред Самитот на Азиско-пацифичките лидери.

Си Џинпинг го нарече Путин „стар пријател“ пред средбата со Трамп

Двајцата разговараа за војната во Украина, енергетската соработка и односите со САД. Си се обидува да одржи деликатна рамнотежа меѓу односите со Москва и Вашингтон.

Во четврток, Си и Путин треба да имаат историска трилатерална средба со американскиот претседател Доналд Трамп.

Руските медиуми средбата веќе ја оценуваат како дипломатска победа за Путин. Трамп денеска ќе отпатува за Кина од Филипините, каде присуствуваше на Самитот на Азиско-пацифичкиот регион.Таму се сретна со индискиот премиер Моди, австралискиот премиер Албанезе и јапонската премиерка Такаичи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Собранието ќе ги продолжи прекинатите опозициски пратенички прашања

Собранието на денешната 130.седница ќе продолжи со одржувањето на опозициски прашања, кои беа прекинати на 12 ноември по бараните паузи од пратеници од опозицијата.

Собранието ќе ги продолжи прекинатите опозициски пратенички прашања

Претседателот на собранието, Африм Гаши на брифингот со новинарите во понеделник се осврна на дилемите за прекинатата седница за опозициски пратенички прашања. Потенцира дека постоеле разни толкувања на деловникот во однос на тоа дали паузите треба да се пресметуваат во предвидените два часа за поставување прашања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер