Шоу биз

Џејн Фонда на 85 години сними три филма во паузите на хемотерапија- има тешка форма на рак

Дека и на 85 години е буквално неуништлива и незапирлива, познатата американска актерка, политички активист, писателка, поранешен модел и фитнес гуру, Џејн Фонда потврди во неодамнешното интервју за The Hollywood Reporter.

Сепак, и покрај хемотерапијата, поради лекување на тешка форма на рак и нејзината поодмината возраст, оваа исклучителна актерка снимила дури три филма.

Минатата година на Фонда ѝ бил дијагностициран не-Хочкинов лимфом, рак на крвта и моментално е во ремисија, откако ја прими последната хемотерапија во средината на ноември. За ентузијастката за вежбање, која сè уште редовно вежба со тренер, тоа значеше некои животни приспособувања, како користење на лифтот во нејзиниот дом, иако таа отсекогаш била тип на личност која се качува по скалите.

"Тоа навистина ме погоди тешко. Понекогаш едноставно целосно ќе ја изгубев енергијата. Во спротивно, можам да држам склекови неколку минути. Кога бев на хемотерапија, колабирав по 30 секунди", рече Фонда во едно интервју, потсетувајќи дека поминала прилично тежок период.

Сепак, од овој замор нема ни трага во нејзиниот професионален живот. Всушност, таа е позафатена од повеќето актери кои се на половина нејзина возраст, глумејќи во три филма кои излегуваат во следните четири месеци.

Имено, нејзина голема желба е постарите жени на екранот да добијат помоќни и поинтересни улоги и да бидат позастапени отколку во улогите кои нејзината колешка Лили Томлин ги нарекува „тренер на понудата“. Таа сака да прикажува постари жени на екранот преку посериозни ликови, во улоги поинтересни од оние кои ги толкуваат нејзината Грејс и Френки.

„Таа сака да ги прикаже жените на одредена возраст на почовечки начин“, објаснува Томлин.

Како и да е, првиот нов филм на Фонда е „80 за Брејди“, спортска комедија на Парамаунт која ќе се појави во американските кина на 3-ти февруари, во која Џејн и Томлин, заедно со Сали Филд и Рита Морено, играат 80-годишни навивачки кои се обидуваат да стигнат до Супер Боул.

Вториот филм од серијата е Moving On, инди драма со елементи на комедија која се промовира во средината на март и во која Фонда повторно ги здружува силите со Томлин против вдовецот на нивниот неодамна починат пријател. Во средината на мај ќе биде објавен филмот Клуб на книги: следното поглавје, продолжение на комедијата Натопена со бело вино од 2018 година, во која покрај Фонда играат Дајан Китон, Кендис Берген и Мери Стинбурген.

„Дури и на врвот на мојата кариера, кога и да беше тоа, веројатно во текот на 1970-тите, никогаш не снимив три филма во една година. Затоа се чувствувам прилично среќна“, нагласи Фонда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Мораме да се движиме со современите текови на човештвото

Изјава за медиуми на претседателот на Владата, Христијан Мицкоски по презентацијата на апликацијата „m.Uslugi“.

Апликацијата „m.Uslugi“, овозможува граѓаните да ги имаат своите најважни документи меѓу кои и лична карта, директно на својот мобилен телефон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Околу 30.000 луѓе денеска оставија пример што заслужува да го следи цело Скопје

Градоначалникот на Град Скопје, Орце Ѓорѓиевски, денеска заедно со колегите градоначалници, младите, волонтерите и илјадници сограѓани, ја продолжија големата еко-акција за расчистување на Скопје.

- Денес повторно, околу 30.000 причини да веруваме во силата на овој град. Во најмасовната еко-акција за нашето Скопје, видовме што може да направи љубовта кон својот град кога ќе стане дело. Луѓе кои одвоија од своето време, ги засукаа ракавите и вложија труд за сите нас. За својата улица. За соседите. За децата. За нашиот заеднички дом. Тоа е Скопје во кое верувам. Скопје што се обединува, презема одговорност и со сопствени раце го менува своето секојдневие – изјави Ѓорѓиевски.

Градоначалникот Ѓорѓиевски истакна дена во денешната еко-акција се приклучија и угостителите, давајќи придонес во оваа голема заедничка борба за почисто и поубаво Скопје.

- На секој од вас ви благодарам од срце. Горд сум на вашата посветеност, на вашата совест и на примерот што денес го оставивте. Нашите деца заслужуваат да растат покрај зеленило и во чиста околина, а од нас да научат како се чува тоа што им припаѓа на сите. До оние што и понатаму несовесно фрлаат отпад им порачувам: почитувајте ги овие луѓе. Почитувајте го нивното време, нивниот труд и нивниот град, кој е и ваш. Секое катче што денес го исчистивме носи нечиј вложен напор. Никој нема право утре повторно да го претвори во депонија. Оваа енергија има сила да создаде трајна промена. Да почнеме од својот праг, од улицата по која минуваме, од паркот во кој играат нашите деца. Одговорноста за почист град ја покажуваме со секоја наша постапка, а за секој што намерно го загадува Скопје - нема да има толеранција. Ви се поклонувам за трудот и за големото срце. Да оставиме пример, не ѓубре – рече Ѓорѓиевски.

Градоначалникот Ѓорѓиевски нагласи дека овие акции продолжуваат да се реализираат двапати месечно, со цел грижата за Скопје да стане наша секојдневна навика и апелираше до сите што несовесно фрлаат отпад да се почитува и чува сработеното.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен во Германија, а потоа депортиран во Србија летово: Што се знае за терористот кој ја нападна израелската амбасада

Малолетник, кој утрово загина по напад врз припадник на Жандармеријата пред израелската амбасада во Белград, бил уапсен во Минхен во мај под сомнение дека подготвувал терористички чин, а во јули бил депортиран во Србија.

Дел од медиимите од извор во полицијата отркиваат дека малолетникот кој беше убиен пред израелската амбасада по напад врз припадник на Жандармеријата, е роден во околината на Шабац, а во мај оваа година бил уапсен во Минхен, Германија, под сомнение дека таму подготвувал терористички чин.

Потоа, во јули годинава, тој бил депортиран во Србија. Германските власти детално го испрашале малолетникот, кој им опишал како почнал да се интересира за содржини на интернет поврзани со исламскиот фундаментализам и терористички организации, како што се Ал Каеда и Исламската држава.

Откако стапил во контакт со непознато лице во Германија, тој почнал да планира напад врз еврејската заедница во Минхен.

За потсетување, министерот за внатрешни работи во техничкиот мандат, Ивица Дачиќ, изјави дека вечерва, 15 минути по полноќ, во Белград бил извршен терористички напад врз припадник на Жандармеријата кој ја обезбедувал Амбасадата на Израел. Поради тоа, наредено е подигнување на нивото на безбедносна закана од тероризам на највисоко ниво, како и зголемување на присуството на полицијата на клучните локации.

Како што додаде тој, припадник на Жандармеријата го усмртил напаѓачот, кој бил малолетен. Нејасно е како српските безбедносни служби, првенствено БИА, дозволиле малолетникот во оваа ситуација да остане без надзор, па така да може да стигне до Амбасадата и да се обиде да убие припадник на Жандармеријата

. „Иако неговиот идентитет сè уште не е утврден, нашата служба го следеше и познато е дека тој бил поддржувач на Исламската држава. На својот профил на Инстаграм, тој имал објавено црно знаме и симболот на Исламската држава“, изјави Дачиќ.

Тој додаде дека, заедно со директорот на полицијата, генералот Драган Васиљевиќ, го посетил повредениот припадник на Жандармеријата, кој се чувствува добро и денеска ќе биде пуштен на домашно лекување.

Тагови: Србија терорист

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.