Џејмс: Последниот пораз беше многу болен - Канал 5

НБА

Џејмс: Последниот пораз беше многу болен

 Кошаркарот на Кливленд кавалирс, Леброн Џејмс, наведе дека претрпел многу порази во финалињата на НБА лигата, но призна дека првиот загубен натпревар во финалната серија годинава е еден од најлошите во неговата кариера.

Џејмс: Последниот пораз беше многу болен

Кливленд имаше можност во последните секунди од регуларниот дел на натпреварот да дојде до победа против Голден стејт вориорс, но не ја искористи шансата, па актуелниот шампион славеше по продолженијата.

- Ова беше еден од најболните порази во мојата кариера заради начинот на кој се случи и дека имавме можност да победиме, истакна Џејмс.

Натпреварот го одбележа несфатливата грешка на кошаркарот на Кливленд, Џеј-Ар Смит, кој во одлучувачките моменти ја имаше топката на 4,5 секунди до крајот на регуларниот дел од натпреварот при резултат 107:107, но изненадувачки ја задржа топката додека не истече времето, наместо да шутира кон кошот или да додаде на некој од соиграчите.

- Сепак, следниот ден го дочекав возбуден затоа што знам дека имаме шанса да бидеме подобри и тоа ќе го покажеме во вториот натпревар, потенцира кошаркарот на Кливленд.

Џејмс натпреварот го заврши со 51 поен, и по осум скокови и асистенции.

Во меѓувреме НБА лигата го објави извештајот поврзан со судиските одлуки во последните две минути од регуларниот дел на првиот финален натпревар во кој се наведува дека судиите во последните две минути донеле повеќе неточни одлуки на сметка на Кливленд.

Вториот натпревар од финалната серија се игра вечерва повторно во Оукленд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Легендарни имиња во НБА Куќата на славните

Кошаркарската Куќа на славните е побогата за осум имиња.

Легендарни имиња во НБА Куќата на славните

Во 2026 година, Кошаркарската куќа на славните „Нејсмит“ во Спрингфилд е збогатена за осум легенди.

Во историјата на овој спорт со златни букви се запишани нови осум имиња.

Станува збор за кошаркарот Амари Стаудемајер, кошаркарките Кендис Паркер, Елена Деле Дон и Шамик Холдскло, тренерите Док Риверс, Марк Фју и Мајк Д'Антони, како и судијата Џои Крофорд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседателот на Тајван, Лаи Чинг-те, најави план вреден 7,4 милијарди долари

Претседателот на Тајван, Лаи Чинг-те, најави план вреден 7,4 милијарди долари, по 314 долари од „дивидендата од вештачката интелигенција“ за секој граѓанин.

Претседателот на Тајван, Лаи Чинг-те, најави план вреден 7,4 милијарди долари

Претседателот на Тајван, Лаи Цинг-те, најави финансиски пакет вреден 7,4 милијарди долари (235,7 милијарди тајвански долари), според кој секој граѓанин ќе добие директна парична исплата од 314 долари.

Одлуката уследи откако силниот замав во технолошкиот сектор го зголеми годишниот раст на бруто-домашниот производ (БДП) на Тајван на рекордни 11,05 отсто, што претставува највисока стапка на раст на островот во последните 40 години.

Посебно внимание се посветува на начинот на кој беше финансиран проектот. Владата во Тајпеј успеа да обезбеди директна финансиска помош за домаќинствата преку целосно избалансиран централен буџет, без дополнително државно задолжување, додека истовремено издвојувањата за национална одбрана за првпат во историјата надминаа еден трилион тајвански долари. Овој потег ја истакнува јасната разлика во поглед на регионалното економско лидерство.

Додека властите во Пекинг, на кинеското копно, се соочуваат со криза во секторот на недвижности и пад на довербата на потрошувачите, избраното раководство на Тајван успева технолошката експертиза и економскиот раст директно да ги преточи во придобивки за своите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Црна Гора го менува Уставот

Без да одржи седница, Владата на Црна Гора, врз основа на добиената согласност од своите членови, во петок, 14 август, усвои, меѓу другото, Предлог-одлука за измена на Уставот на Црна Гора.

Црна Гора го менува Уставот

Владата предложи измена на член 103 од Уставот на Црна Гора, кој го регулира изборот на Владата.

Според предлогот, член 103 се менува и гласи: Претседателот на Црна Гора предлага мандатар во рок од 30 дена од денот на конституирањето на Парламентот, а по спроведување на проверка на интегритетот на кандидатот за мандатар, во согласност со закон.

„Лице кое не ги исполнува условите за проверка на интегритетот пропишани со закон не може да биде предложено за мандатар. Мандатарот ја презентира својата програма пред Собранието и го предлага составот на Владата, по спроведување на проверка на интегритетот на кандидатите за членови на Владата, во согласност со закон. Лице кое не ги исполнува условите за проверка на интегритетот пропишани со закон не може да биде предложено за член на Владата. Собранието истовремено одлучува за програмата на мандатарот и за предлогот за состав на Владата“, се наведува во текстот.

Извор: Б92

Тагови: Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер