Џеф Безос и Лорен Санчез се снимени на јахта во Хрватска (ФОТО) - Канал 5

Забава

Џеф Безос и Лорен Санчез се снимени на јахта во Хрватска (ФОТО)

Додека се приближува свадбата што многумина веќе ја нарекуваат „свадба на векот“, милијардерот Џеф Безос и неговата свршеница Лорен Санчез решија да ги поминат последните денови пред да го кажат судбоносното „Да“ во Хрватска.

Џеф Безос и Лорен Санчез се снимени на јахта во Хрватска (ФОТО)

Безос, еден од најбогатите луѓе во светот, пристигна со својата свршеница на хрватскиот брег на почетокот на јуни. Нивните луксузни јахти, Кору и придружниот брод Абеона, беа снимени во марината Каштела, објави Индекс.

Двојката се качи на 10 јуни, а патувањето потоа ги однесе на островот Хвар, каде што се закотвија во близина на Стари Град. Вечерта ја поминаа во еден од ексклузивните ресторани таму, а веќе следниот ден продолжија кон Корчула.

За време на патувањето, Безос и Санчез не ги криеја своите емоции - беа видени како разменуваат нежности на палубата.

Тие го посетија ресторанот „Код барба Луке“

Безос и Лорен Санчез го посетија ресторанот Код барба Луке, кој се наоѓа во Стари Град на островот Хвар.

„Гостите беа задоволни од вечерата и воодушевени од Стариот град. Не можеме да ви кажеме што јаделе. Генерално, тие се многу пријатни луѓе“, изјави сопственичката на ресторанот Катарина Роиќ-Скелин за „Вечерњи лист“. Таа додаде дека персоналот на ресторанот им служел и на Безос и на другите гости со еднаква посветеност.

Тагови: Лорен Санчез Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција во потрага по пиромани: Уапсени 474 лица за предизвикување пожари

Во Франција, од почетокот на јули, 474 лица се уапсени под сомнение дека предизвикале пожари, соопшти денеска Министерството за внатрешни работи на таа земја.

Франција во потрага по пиромани: Уапсени 474 лица за предизвикување пожари

Меѓу уапсените има 183 малолетници, односно речиси 39 отсто од вкупниот број, објавија порталите BFM TV и „Фигаро“. На почетокот на август, француското Министерство за внатрешни работи соопшти дека две третини од апсењата биле поврзани со подметнување пожари.

Утрово избувна нов шумски пожар во департманот Ланд во југозападна Франција, каде што синоќа изгореа околу 600 хектари, а околу 500 луѓе беа евакуирани поради приближувањето на пожарот кон населени места.

Франција сè уште е зафатена од топлотен бран. За денес се прогнозираат температури од 35 до 38 Целзиусови степени, а на места и до 40, додека ноќите ќе останат многу топли во голем дел од земјата, со температури меѓу 20 и 26 степени.

Тагови: пожар Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

НБА се подготвува за историско проширување

Најсилното свтеско кошаркарско првенство, мегапопуларната НБА лига се подготвува за историско проширување – познати се најважните чекори.

НБА се подготвува за историско проширување

НБА сериозно работи на проширување, а Лас Вегас во моментов има предност пред Сиетл во трката за нова франшиза, пренесува ESPN.

Раководството на лигата сака прво да ја заврши работата во Лас Вегас и да постави рекордна цена за влез на нова франшиза во НБА, што потоа би претставувало основа за сите идни проширувања.

Според претходните проценки, новите сопственици на клубот од Лас Вегас би можеле да платат меѓу 7,5 и 9 милијарди долари само за влез во лигата. Интересот на инвеститорите за Лас Вегас е значително поголем отколку за Сиетл.

Боб Ајгер и Џош Кушнер беа меѓу потенцијалните купувачи, но се повлекоа од процесот откако одлучија да ги купат Лос Анџелес Лејкерс за рекордни 12,5 милијарди долари. Сепак, договорот за Лас Вегас сè уште не е блиску до конечно одобрување. „Ќе видиме што ќе се случи во септември

. Ако се гласаше денес, предлогот немаше да помине. Сè се сведува на висината на надоместокот“, изјави извор од НБА за ESPN. Така, Сиетл останува сериозен кандидат за враќање во НБА, но неговата шанса можеби ќе мора да почека додека лигата прво не утврди рекордна пазарна цена преку случајот со Лас Вегас.

Тагови: НБА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аргентинецот Паредес ја одби понудата на Милан

Репрезенативецот на Аргентина,  Леандро Паредес ја одби понудата за тригодишен договор од Милан и одлучи да остане во Бока Јуниорс, пренесува ESPN. 

Аргентинецот Паредес ја одби понудата на Милан

Италијанскиот клуб беше подготвен да испрати понуда за аргентинскиот играч за врска и да се обиде да го ангажира ова лето, но Паредес избра да ја продолжи кариерата во Бока и да остане во Аргентина.

Искусниот 32-годишен фудбалер претходно настапуваше за Рома, Зенит, ПСЖ и Јувентус, а со Аргентина го освои Светското првенство во 2022 година. Тој се врати во Бока Јуниорс по долга кариера во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер