Џафери изрази задоволство од досегашната соработка со НДИ и го нагласи придонесот на Институтот за Собранието преку разните проекти и програми.
– Во оваа насока, тој особено ја истакна Програмата за парламентарна поддршка чиј донатор е Швајцарската агенција за развој и соработка која го поддржува Собранието во своите напори за независност преку градењето на капацитети за институционален развој, градењето на консензус, структурни реформи, зајакнување на законодавната и надзорната улога на Собранието, како и транспарентноста и отчетноста, соопштија од кабинетот на Џафери.
На средбата Брајан му честитала на Џафери за учеството на Северна Македонија на Самитот на НАТО во Лондон и за напорите на Собранието за институционална независност.
– Таа ги оцени „Планинските разговори" за независноста на службата на Собранието како успешни и истакна дека Програмата за парламентарна поддршка на Собранието е најзначајната парламентарна програма која НДИ ја имала досега и таа може да послужи како позитивен пример за другите земји, информираа од кабинетот на претседателот на законодавниот дом.
Џафери се согласил дека, „Планинските разговори" кои се одржаа во Берово оваа година биле успешни и информирал дека во тек е изготвувањето на конечниот текст на предлог-законот за Собрание во делот за службата на Собранието, што ќе придонесе за постигнување на независноста на службата и подобрувањето на комуникацијата и координацијата со извршната власт.