Џ.Д. Венс: Русија и Украина сè уште не се подготвени да склучат мировен договор - Канал 5

Свет

Џ.Д. Венс: Русија и Украина сè уште не се подготвени да склучат мировен договор

Американскиот потпретседател, Џ.Д. Венс, денеска изјави дека Украина и Русија не се подготвени да склучат мировен договор, и покрај „енергичната дипломатија“ на американскиот претседател Доналд Трамп.

Џ.Д. Венс: Русија и Украина сè уште не се подготвени да склучат мировен договор

Според него, војната меѓу Русија и Украина продолжува и покрај месеците преговори, бидејќи ниту една страна не е подготвена да постигне мировен договор, пренесува Њузмакс( Newsmax).

„Енергичната дипломатија на претседателот на САД не може да ги натера луѓето да ја преминат линијата од еден метар, на крајот на краиштата, мора да има две страни кои се подготвени да постигнат договор. И токму сега, со сите наши напори, кои ќе продолжиме да ги преземаме, Русите и Украинците едноставно не се во фаза каде што можат да постигнат договор“, додаде Венс.

Сепак, според него, мирно решение е сè уште можно, но ќе бара „многу повеќе работа“.

„Мислам дека постои фундаментално несовпаѓање на очекувањата каде што Русите имаат тенденција да мислат дека се снаоѓаат подобро на бојното поле отколку што всушност се“, забележа тој.

Според него, токму тоа го отежнува постигнувањето договор во изминатите неколку месеци, дури и покрај одреден напредок.

Претходно, американскиот претседател Доналд Трамп изјави дека по мировниот договор за Газа, тој ќе ја заврши војната во Украина.

Трамп рече дека „би било добро да се склучи мировен договор со Иран“, истакнувајќи дека пред тоа е потребно да се „разговара со Русија“.

Тагови: Џеј Ди Венс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Бугарскиот парламент гласаше претседателските избори да се одржат на 25 октомври

Бугарскиот парламент денеска гласаше претседателските и изборите за потпретседател на Бугарија да се одржат на 25 октомври, додека евентуалниот втор круг да се одржи на 1 ноември.

Бугарскиот парламент гласаше претседателските избори да се одржат на 25 октомври

За одлуката гласаа вкупно 138 пратеници од партиите прогресивна Бугарија, движење за права и слободи и преродба, никој не беше против, додека седум пратеници од движењето „промените продолжуваат“ се воздржаа од гласање.

Во согласност со Уставот на Бугарија, доколку ниту еден кандидат не го освои потребниот број гласови во првиот круг, вториот круг ќе се одржи седум дена подоцна, а силите ќе ги одмерат двајцата кандидати со најголема поддршка.

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ферати: Околу триесет проценти од вработените во министерството за политички систем немаат основна опрема

„Околу 30 проценти од вработените немаат ниту основна опрема за работа“, порача министерот за односи меѓу заедниците Агон Ферати на брифинг со новинарите, на кој ги презентираше првичните наоди од анализата на работењето на министерството.

Ферати: Околу триесет проценти од вработените во министерството за политички систем немаат основна опрема

Ферати рече дека во институцијата има 139 вработени, но дека човечките и материјалните ресурси не биле целосно искористени.

Ферати посочи дека при увидот не биле утврдени индиции за незаконско финансиско работење, но како сериозен недостаток го издвои недостигот од долгорочно стратешко планирање. Министерот најави нова систематизација на министерството и формирање оддел за стратешко партнерство, меѓународна соработка и односи со Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Силниот ветер ги разгорува пожарите низ Грција, најтешка состојбата на Крит

Пожарникарите продолжуваат со борбата против големите шумски пожари низ грција, каде силниот ветер предизвикува нови жаришта и го отежнува локализирањето на огнената стихија.

Силниот ветер ги разгорува пожарите низ Грција, најтешка состојбата на Крит

Најкритична останува состојбата во областа Агиа Параскеви во Ретимно, на островот Крит, каде екипите цела ноќ се бореа со пожарот, а со првите утрински часови повторно беа вклучени и противпожарни авиони.

Грчката служба за цивилна заштита предупреди дека регионот Атика, поширокото подрачје околу Атина и уште неколку делови од земјата денес се под многу висок ризик од пожари и ги повика граѓаните строго да ги почитуваат предупредувањата и упатствата на надлежните служби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер