16 меѓународни колекционери на уметнички дела оценија 50 категории на онлајн слики што опфаќаат цртеж, сликарство, скулптура, дигитална уметност и фотографија, објави Thombierd.

Дивна Пешиќ Грозданов - уметница и спортска легенда го освои првото место на овој престижен меѓународен избор.

Родена во 1979 година во Кавадарци, Македонија, Дивна Пешиќ Грозданов е единствена фигура која ја комбинира прецизноста на спортското стрелаштво со експлозивната енергија на апстрактниот експресионизам. Дипломирала на Филолошкиот факултет и магистрирала на Економскиот факултет, но нејзиниот живот е длабоко посветен и на спортот и на уметноста.

Нејзината кариера во стрелаштвото започнала на шестгодишна возраст под водство на нејзиниот татко, легендарниот Благој Пешиќ - признат како најголем тренер по стрелаштво во историјата на Македонија. Дивна се смета за најдобра стрелачка на сите времиња во Македонија, која во текот на својата спортска кариера ги постигнала следниве резултати:

• 37 национални рекорди во машка и женска категорија / Двократна балканска шампионка / Натпреварувала на две Олимписки игри / 15-то место на Светскиот куп / Бројни први места на меѓународни турнири.

Како уметница што работи со масло на платно, Дивна одржува активна кариера 33 години, со околу 50 самостојни и групни изложби низ целиот свет. Нејзиниот уникатен моќен уметнички стил наречен ДИВНИЗАМ доби глобално признание - таа беше прогласена за најдобра апстрактна експресионистка во светот од страна на Светските уметнички награди, како и од страна на Американските уметнички награди, избрани од 25 врвни галерии и музеи во светот и во Соединетите Американски Држави.

Меѓу нејзините најзначајни меѓународни награди, покрај горенаведените, се:

• Прва награда на наградите „Топ арт“ 2022 година

• Добитник на наградата „Избор на уметнички куратор“ 2023/2024 и 2024/2025 година

• Добитник на наградите „Кариерна уметност“ 2023 година, Санремо, Италија

• Наградата за уметност во Луксембург 2022 година, доделена од престижниот музеј Пинакотека

• Меѓународна награда „Донатело“ 2023 година, Фиренца, Италија

• Именувана за амбасадор на уметноста 2024 година

За колекционерите на уметност, поседувањето слика во масло од Дивна Пешиќ Грозданов не е само извор на секојдневно визуелно задоволство, туку и мудра инвестиција - меѓу нејзините многубројни колекционери е никој друг освен Нејзиното Височество кралицата Елизабета II.

Дивна Пешиќ Грозданов е истакнат член на Македонската дијаспора која живее и работи во Њу Џерси, САД. Таа е мажена и мајка на две деца. Активна во својата заедница, таа моментално е претседател на Македонската олимписка дијаспора, организација под капата на Македонскиот олимписки комитет, посветена на поддршка на Македонската спортска заедница во странство, зачувување на националната култура и поврзување на Македонците ширум светот преку спортски и културни активности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.